القصر دموي (قصة جزائرية Dz)

القصر الدموي

حلقة 73:
امل مينا ❣️
بعد مرور شهر قدرت واخيرا زينب انها تتحكم في وقتها ماتتحولش غير فليل مين تروح تريح تحت ضوء قمر حتى سيلينا دربت على يد امها ولات تشرب دم حيونات برك ممنوع تقرب للإنس قررو يرجعو لحياتهم يقرو وفي نفس تخصص ونفس قسم حتى اذا وحدة فيهم بدات تفقد سيطرة ثانية تعاونها
سيلينا وهي طايرة تحوس على صاكها واعراضها فوق خزانة : مكانوش هنا فركتي عندي حبي
زينب : او ماي ڨود دايمن هكذا انتي تهزي حاجة وتنساي حتى قوتك ماقدرتيش تستعمليها قدقد مصاصة دماء فاشلة وضحكت
سيلينا هزت يدها وخبطت طاقة من غضب حتى خطفتها : هاذي باش مرة جاية تقوليش مصاصة دماء فاشلة ياذئبة نتنة تنسايش تديري ريحة باش تخبي ريحتك
زينب بعدما كانت تستفز فيها هي قدرت تستفزها شنفت عليها مبعد ناضت تضحك لأنو تعرفها تتمصخر بيها
ماريا تمشي بكرشها خارجة لقدامها هذوين كمل نمو جنين لي في بطنها وبدى خطر ولادة ياتجيب مصاص دماء ياذئب خايفة يكون هجين ويفرض عليه قانون انو هجين يخرج من منطقة ويعيش مع سلالة تاعو دخلت عندهم لقاتهم يضحكو حمدت ربي لأنو كانت في اخر فترة امور مشحونة بيناتهم بسبب اختلافهم : صباح خير زينات تاعي
زينب :صباح نور امامي وش حوالك
سيلينا : صباح خير أماماتي
ماريا : حمدالله ونتوما صبحتو لباس وش مزال حال عليكم باش تروحو ؟!وصح جيت امر ضروري نوصيك انتي وياها
_تقابضو برا انساوها
_ تتحولو حاجة مستحيلة ثاني لانكم كون تجذبو انظار ولا يشوفكم واحد تباصيونا كامل
زينب : متخافيش حنحاول نسيطر على كل احوال هيا ماما وقت هذاك هو نهبطو نفطرو ونروحو للجاميعة
سيلينا : هيه وقت نفطرو قتلني جوع وعطش توحشت مشروب طاقة خاص بيا
خرجو هبطت كل وحدة حكمت كرسي  خاص بيها فطرو خلصو
معاذ : مانيش عارف انا علاه حتقرو وتعرضونا للخطر كامل وش فايدة قراية حاليا يخي كلشي كاين باباكم ملك ذئاب كامل ونتوما الله يبارك كل وحدة عندها ميزة ومراحش نخلوكم محتاجين ولو ريحو فدار وصاي
زينب : بخصوص خطر جدي انا خممت في عفسة تنحي خطر وعفسة تفيد كل ناس علاه بما انك عندك دراهم متفتحش هنا مدرسة خاصة مدارس  تكون فيها غير ولاد وبنات  قرية هاذي واكيد يكون فيها كان انسان لي صحصح حاب تعليم وأنو يتثقف
معاذ خمم في كلامها شويا فرصة مليكة بالنسبة ليه حتى يضرب عصفورين بحجر واحد انو ممالك يعرفو بلي ملك  سابق لذئاب مهتم بشعبو ومنها يكسب شعب في صفو