بعد مرور خمس سنوات .
ميرا : بتعمل ايه يا مراد .
مراد : لي لي جابتلي كراسة الرسم وطلبت مني ارسملها حرب اكتوبر وبرسملها اهو .
ميرا قعدت جنبه : يا سلام على لي لي ... كله الا دي عندك.
مراد : طبعا لانها شبهك وشبه امي اغلى اتنين على قلبي .. ومعرفش بحبها اوي وطبعا بحب ادم بردو زيها اوي .. بس مش عارف قلبي متعلق بيها زيادة .
ميرا : دايما اسمع من عمتو ان البنت حبيبة ابوها .
مراد بضحك : اه والواد ابن امه .
ميرا خبطته بخفة : ايه ابن امه دي ... هو فيه زي دومي اصلا .
مراد حط الكراسة على جنب وقرب منها : طيب ايه ... الجميل مش ناوي على بيبي كمان .
ميرا بصدمة : بيبي كمان انت بتهزر هو انا قادرة على الاتنين دول ... لولا مساعدة عمتو ليا في تربيتهم كنت انتحرت .
مراد بضحك : انتحرتي مرة واحدة .
ميرا : اه والله .
مراد شدها ناحيته مرة واحدة : طب هو ينفع مراد حبيبك يسييب ميرا قلبه تنتحر .
ميرا بكسوف : بس علشان علشان لو الولاد دخلو مرة واحدة .
مراد : متخافيش عند جدتهم بيلعبو مستنين عز يجي من السفر .
ميرا : طيب بردو اوعى يا مراد .
مراد : لأ مش هانطلع من الاوضة دي الا واحنا جايبين نونة صغيرة لادم ولي لي .
ميرا : على فكرة بقى دا قرارنا احنا الاتنين .. مينفعش تاخد قرار كدا من غير رأي .
مراد بمكر : منا قولتلك اهو حتى انتي وافقتي .
ميرا : انا وافقت فين ..
مراد : قولتي من شوية ماشي يا مراد انا موافقة .
ميرا : اوعى انت نصاب كبير .
مراد اخدها في حضنه : خلاص مراد الجارحي قرر وهانفذ مفيش خروج من الاوضة .
******************************
كاميليا : طيب بصي الفستان دا جميل .
سيلا بتكشيرة : لأ.... مس عاوزة .
كاميليا : يابنتي يا حبيبتي ارحميني انتي غير يحيى .. يحيى ولد انت بنت جميلة لازم تلبسي فستان .
سيلا : لأ .
كاميليا : على فكرة لي لي هاتبقى لابسة فستان جميل و عمو عز لما يشوفها هايحبها لكن انتي هايقول عليكي وحشة .
YOU ARE READING
عشق الزين الجزء الاول و الثاني و الثالث
Romanceروايه عشق الزين الجزء الاول و الثاني يارب تعجبكم بقلم / زيزي محمد أبطالها زين الجرحى وليليان الجرحى ومراد الألفي و ساره الافي الشخصيات العامة ايمان عبدالرحمن عاصم يوسف شاكر علي الباشا مازن الدالي الدالي باشا عم حسن وأشخاص تنيه هنعرفها من احدا...