جبروت أنثى وسطوة رجل

الجزء الستون والاخييييير

نور :انت تستاهل الي احسن مني انت تستاهل حد يحبك يا داني وانا هضحك عليك لو قلتلك اني هقدر احب حد غير ادهم انا بحب ادهم مهما عمل بحبه انت اخويا يا داني اخويا ارجوك ارجوك ما تخليناش نخسر بعض وبصتله بدموع اتجوز مايا وابتدي معاها مشاعر جدبدة صدقني هتحبها مايا حد كويس قووي

داني بسخرية :وتفتكري مايا دلوقت هتقبل فيا لما تعرف اني لقيط وجي من دار ايتام هه مايا كانت عايزاني لانها شافت فيا الفارس الي من عيلة العمري دلوقت انا هبقى ولا حاجة انا ولا حاجة يا نور

نور مسكت ايده ودموعها بتنزل :غلطان يا داني الانسان مش بالاصل الي جه منه لا الانسان بسيرته وعمله وانت سيرتك واسمك في السوق يخلو اي بنت تتمناك انت كويس قوي يا داني

داني دمعته نزلت واتنهد واستغفر ربنا

نور : هعتبر انه كل الي حصل دلوقت كأنه ما كان وانا هخليك تبتدي حياة جديدة من الاول لكن تعاهدني دلوقت انك تشوفني اختك اختك وبس

داني مسح دمعته :حتى يا نور لو عايز اذيكي مش هقدر صدقيني مش انا مش انا الي يقدر ياخد حاجة من ست هي مش عايزاها

نور بصتله بابتسامة :على شان كده عمري ما خفت منك يا داني عمري دايما بشوفك اخويا وضهري وسندي دايما كنت داعم ليا

داني :سامحيني يا نور سامحيني

نور حضنته :انت الي سامحني يا داني انا كنت بعيده عنك قوي لدرجة انه يحصل معاك كل الحاجات دي وانا ما اعرفش عنها حاجة سامحني يل داني

داني بعدها عنه ومسح دموعه وباسها على دماغها وبص في عينيها :اوعدك انك من النهاردة هتكوني اختي اختي وبس وبهزار لكن برضه مش بحب ادهم ولا بطيقه

نور :هههههه ده تلاقيه دلوقت بيلف مصر كاملة وبصت في عينيه يالله نرجع

داني مسك ايدها :قبل ما نرجع انا

نور بخوف :اوعى تكون عملت لادهم حاجة يا داني

داني بندم :شايفاني سفاح لكن انا عملت حاجة تأذية

نور :عملت ايه تاني

داني قص عليها الي عمله بالتصاميم

نور بغضب :انت اتجننت تأذيني بالشكل ده وتأذي ادهم

داني بصراخ :انا ما كنتش بعقلي يا نور كنت بتصرف بغباء

نور بتفكير :احنا لازم نرجع دلوقت ولو سأل ادهم كنا فين تقول كنا عند ريحان الرفاعي تمام وموبايلاتنا بالعربية

داني :تمام لكن عايزك تساعديني

نور :بأيه

داني :انا جرحت مايا اوي بكلامي يا نور انتي معاكي حق انا هفتح صفحة جديدة وانتي الي هتكتبي بدايتها انتي الي هتصلحي الي هببته انا معاها