فينثيدلين

part 27

عافني وطلع متوجهه للـحمام شبعت بجي روحي رادت تطلع من القهر عليه اخذتله ملابس من موج بعد ما آوج طلعتهن دكيت عليه الباب وصحت
_سطام هذه ملابس من موج

فتح الباب عيونه حمر دم وصوته متجرح واضح عليه جان يبجي اخذهن من ايدي بدون كلام وسد الباب بقيت كاعدة منتظرته طلع بعد مدة وتوجهه للـهول اخذ سجادة وضل يصلي

سئلتة واخيراً السؤال الي جان بالي
_امه وين هسه

رفع رأسه باوعلي وكال
_ما اعرف وما يهمني وعمري ما اسامحها على الي سوته بيه جان المفروض اعرف بأبني من اول يوم ولدته لو اعرف بي ومعالجه جان ما توفى ودفنته بـحظن التراب

كام من مكانه وتمدد على القنفة سئلتة
_راح تنام هنا

ما جاوبني
_روان نايمة بـغرفتي واني بـغرفة ماما وبابا اذا تحب تعال نام يمي على الاقل بيها تبريد

_مو ما تردين ادنس بيتكم ليش خليتيني ادخل هنا شفقة موو

_سطام لا تحجي هيج اني كُل الي ردته اساعدك واسندك مثل ما ساعدتني وسندتني بـوفاة بابا

ما حجه شيء دخلت الغرفة وبقيت الباب مفتوح جنت متأكدة راح يجي يمي لان الهول جان تبريدة عاطل ما اعرف اذا السبب الي خلاه يجي هو التبريد لو شيء ثاني بعد مرور دقائق دخل للـغرفة وتوجه للـسرير نام بالجهه المعاكسة الي

ماكدرت ابقى ساكتة التفتت عليه وحجيت بـهدوء
_سطام اترك نفسك

التفت عليه الدموع متحجرة بـعينه
_اترك نفسك ولا تدفن مشاعرك بـداخلك

_مشاعري ما الهن مكان غير حظنج

فتحتله ايدي تقرب حظني بـقوة وضل يبجي واني ويا اصعب ليلة تمر علينا بـعمري ما شفت سطام بـهذه الحاله والقهر حجه من بين دموعه
_كسرتيني وانا الجنت اعتبرج قوتي هدمتي احلامي الي جنت بانيها بيح

مسحت على رأسه وكتلها
_انسى الي صار سطام انسى وادعي لابنك بالـرحمة هم طيور بالـجنه انشاء الله

قرب ايدة لـبطني وكال
_قبل لا احس بي اخذتي مني وذاك قبل لا يحس بيه الموت اخذه الك بيها حكمه ربي

ضل متمسك ببـطني واخيراً غفة باوعت عليه وماكدرت امنع نفسي من ابقي نايم يمي ما اكدر انكر حبي وعشقي اله بس لازم ما ابينلة هالـشيء خلاص اني ويا انتهينا كل واحد يروح بـطريق احسن ما نتعب وننذل اكثر

ثاني يوم الصبح كعد سطام نفس الجبروت والشخصية المتعجرفة بعدني من يمه وطلع بدون لا يحجي شيء ما اهتميت وما علقت شيء على تصرفة مر اليوم عادي وهادىء ما اعرف عنه شيء

جهازة مغلق طول الوقت موج رجع من دوامه وراح لـبيت الي ما تتسمى يسئل عنه مالكاه موجود اخذ عنوان القبر مال ابنه وكال رايحله