العنود

part_5

_اني ام عامر، جابج ولد هنا كال معندج اهل واني حبيت اساعدج.

عنود:- ماريد تساعديني واهلي هسه يدورون عليه خلي اروح.

ردت اطلع وكفت كبالي تبتسم وتعلج بطريقه مستفزه حجت وهي تطك بالعلج،

_عوفي اهلج تعاي وياي اخليج تعيشين ملكه وتصيرين غنيه.

عنود:- الحمدلله عندي فلوس وعايشه ملكه مااريد خيرج.

_ههههه لا هنا غير يمنه ونسه فول.

_حجيه انه ماريد شي اريد اروح بس وخري من طريقي.

ام عامر:- صدكي تتونسين هنا الليل كله حفله.

_طرشه انتي بس هم حقج مره جبيرة بالعمر.

_شوفي اذا تجرين عدل وياي ياهلا بس لا اذا تكولين اعناد اكو من يجيبج للطريق.

عنود:- دوخري چنج سلبوح وحاطه مكياج طالعه زومبي دروحي توبي واستغفري الله بتالي عمرج بلكي يغفرلج.

_لج ساقطه علمين هلحجي.

_اكو احد غيرج هنا، لااا اذا انتي المقصودة.

_ لا انتي مايفيد وياج الزينيه.

عنود:- اريد اروح للامام.

_شعندج بالكاظم.

_ياكاظم عيني للامام علي قصدي.

_هههههههه وعلي شيسوي ببغداد.

عنود:- شنووووو بغداد!!

_صح النوم حياتي.

_شو دوخري لزكتي  ،  دفعتها وردت اطلع سحبتني من ايدي بقوة انصدمت وكلت،

_شتاكلين انتي انه بعز شبابي معندي هيج قوه.

ام عامر:-غمزت، تريدين تعرفين شوون اعلمج. 

عنود:- شون اخلاق سزز انتي ماتستحين مره شكبرج.

بس كملتها فرت وجهي براجدي لزمت وجهي انداريت عليها ورفعت اصبعي بوجها بتهديد وكلت،

عنود:- ايدددج لاتمديها عليه اكسررها الج ياجلبه.

_شو بله اشون تكسريها.

رادت تضرب مرة ثانيه لزمت ايدها ولويتها ورا ظهرها بقوة كامت تصيح وتغلط وتفشر بكلمات اول مرة اسمعها على صوتها دخل واحد وسحبني وقيد حركتي وهي بعدها تغلط كالت بعصبيه،

ام عامر:- تأخذ هاي الك***، وتنزلها للمخزن وماتنطيها لا اكل ولا شرب خلي تعرف شون تتعامل وياي.

عنود:- تفلت عليها وكلت،:- لاتشبهيني بيج، وعلى فكرة متخوفيني بهاي سوالفج.

لزمت شعري بقوة وكالت،
_اشوف شون ماتخافين.

لزم ايدي ثنينهم ويجر بيه اني هم كعدت بالكاعد وهو يسحلني بالاخير ضاج اجه شالني ومشى كمت اضرب بي واصيح،