تعشمت بالنسيان ياطاري النسيان وراحت سنين العمر ماراحت الذكرى

P 51

وقف السياره عند محل ونزل يمشي ويدق على نواف بس نفسه مايرد عليه
قرب لسياره وماشاف فيها احد والحادث واضح انه خفيف بس للحين متوتر مشاري وركض للسياره
شاف اللوحات وتأكد انها لنواف بس السياره فاضيه و مستحيل يروح المستشفى من الحادث
من ورا : مشاري ؟
التفت بسرعه مشاري وشاف نواف واقف : نووواف !
نواف : وش جابك ؟
مشاري : وش صار لك
نواف : بسم الله عليك ماصار لي شيء
قرب مشاري ومسك راس نواف من ورا وحضنه
ابتسم نواف ، مشاري : خوفتنا الله يهديك
ابعد نواف : وش دراك انت
مشاري : هيا كانت تكلمك
نواف : اي
مشاري : تقول سمعت صوت ومدري وشو خرشتنا ، المهم وش السالفه وش صار لك ؟
نواف : ابد فتحت الاشاره لنا ومشيت ولا واحد جاي من الاشاره الثانيه وصدمته عاد قهرني وجدعت الجوال على الباب وشوفة عينك انكسر ومعد يشتغل
ضحك مشاري : والسياره ؟
نواف : الصدام الامامي خربه لي الطفل
مشى مشاري يشوف الضرر الي جاء بالسياره وشيك عليها : قل لفارس يشوفها
نواف : اي توه رايح نجم وبرجعها للبيت يشوفها
ابتسم مشاري : بدق على هيا شوي وتبكي من الخوف
هز راسه نواف وركب سيارته وحرك ، وراح لسيارته مشاري ودق على هيا : هلا هيا
هيا : وش صار طمني ؟؟
مشاري : مافيه الا العافيه لا تخافين
هيا : وينه الحين ؟
مشاري : هذانا راجعين
هيا : زين انتظركم
العنود : مافيه شيء صح ؟
هيا : اخخ عورني بطني ، يقول مافيه شيء وهذاهم راجعين
العنود : شفتي
فارس : حنا جيناا
ابتسمت العنود والتفتت عليه : هلا هلااا
فارس : يووه والله ياهو مبسووط طول الطريق يسولف علي
العنود : هاته اشوف
عطاها حمد وجلس جنب هيا : هيونه شفيك ؟
هيا : مافيني شيء
فارس : مشاري وينه ؟
العنود : الحين بيجون
فارس : شلون بيجون ؟
العنود : اقصد هو ونواف بيجون مع بعض
فارس : صاير شيء ؟
العنود : لا لا ، المهم وش جبت لنا عشاء
فارس : جبت لكم شيء لذيييذ عطيته العامله ترتبه وتجيبه
مشاري من برا : فاااارس
هيا : جو!
قامت بسرعه واستغرب فارس ولحقها
طلعت للحديقه وشافت سيارة نواف تدخل ، ركضت له وفتحت بابه ونزل هو
يوم شافها وحضنته بسرعه
فارس : وش السالفه ؟
نواف : اشتاقت لي
هيا : خوفتني نوافي
ابتسم نواف ومسح على شعرها : انتي خوافه
هيا : ليش معد رديت علي ؟
طلع جواله نواف : مثل ماتشوفين
مشاري : فارس تعال شف سيارته
قرب فارس وشيك عليها : نواف عدمتها حرام عليك
نواف : ابدلها ؟
فارس : ترا هذي ثالث سياره اعطيك اياها خلال هالشهرين ! وش سالفتك انت
ضحك مشاري : يبيله سواق مو هو يسوق
نواف : شف بس وانت ساكت بتتصلح ولا لا ؟
فارس : بدق عليهم يجون ياخذونها للورشه ونشوف
هيا : يعني صدمت !
نواف : خفيفه خفيفه ماعليك ، يلا ندخل
مشوا وهو حاضنها ودخلوا بعدهم مشاري وفارس وقدموا العشاء وتعشوا مع بعض
-
بعد يوم
~ استراليا
تركي : وش رايكم حلو صح ؟
شهد : يجنن !
ابو تركي : اي والله حلو ، نشوف الباقين وش رايهم
ابو فهد : انا اعجبني واسع وشرح والغرف نظيفه
خالد : وانا بعد
مهند : اجل نمدد ؟
سيف : تم
فهد : خالد قالوا لك راكان وياسر اذا اركبوا الطياره ؟
خالد : لا بس رحلتهم هالوقت
سعود : حتى رحلة اختي هالوقت
سيف : واذكر ال فـيصـل رحلتهم هالوقت
ضحك تركي : بيلتقون اجل
ابو فهد : غديهم يهجدون مايفشلونها
ابتسم خالد : ان شاءالله
نايف : سلام عليكم
سيف : هلاااا نايف
-
بالمطار
هيا : ابي كوفي
فارس : من وين ؟
هيا : اي شيء عادي
نواف : باقي ربع ساعه لا تتأخرون
فارس : يلا تعالي
راحت هيا مع فارس لكوفي وطلب فارس وجلسوا ينتظرون
التفت فارس يوم سمع صوت مألوف له
ياسر : بلكتني تخيل
راكان : بعذرها اشغلتها
ياسر : ماسويت شيء بس هي مسويه حساسه
راكان : لو ماعرفك صدقتك
ضحك ياسر : كيفك لا تصدق المهم وش تبي تطلب
راكان : مو مشتهي كوفي ابي بارد
ياسر : تعال نشوف
فارس : راكان ؟
التفت راكان وابتسم يوم شافه : ارحب
فارس : هلا والله
ياسر : وش الاخبار
فارس : الحمد لله شلونكم انتم ؟
ياسر : على مايسرك ، اجل معنا بنفس الرحله
ابتسم فارس : شفت الصدفه
التفتوا يوم سمعوا صوت وحده عالي صوتها : ماتشوف ! كبيت على عباتي وش اسوي الحين ! لا تتمشى وعيونك مغمضه مره ثانيه
قامت بسرعه هيا بتهدي الوضع : ياحلوه عادي معي منديل للعبايه امسحي فيه
رند : بس المفروض ينتبه للناس وهو يمشي
هيا : خلاص ماعليه تعالي اجلسي عند طاولتي نمسحه
قربوا فارس وراكان لهيا
راكان : رند ؟
التفتت رند : نعم خير ؟
راكان : وش فيه وش السالفه
رند : ومين انت وشلون تعرف اسمي ؟
راكان : اخو ود
رند : اهاا ، مافيه شيء بس الاعمى هذاك ماشافني وامتلت عباتي كوفي منه
تنهد راكان ورجع لياسر وطلبوا وابعد فارس عشان تاخذ راحتها رند
هيا : شوفي ياروحي هذا سحررر يخلي عباتك تلق جربيه
رند : مشكوره
هيا : مابينا
رند : اسفه كنت معصبه
ابتسمت هيا : عادي ياقلبي
-
وصلوا لسيدني بعد هوشات ياسر وراكان وضحك فارس عليهم ونواف طول السفره نايم او يشتغل ومشاري مره يسولف مع العنود مره يلعب حمد وهيا نص السفره راحت تصوير
دخلوا مطار استراليا وكان نهار
راكان : ناخذ سياره ؟
ياسر : اي بس ننتظر احد يجي عشان مانضيع ونتوهق
وقف وراهم : انتم راكان وياسر ؟
ياسر : بسم الله وجع
ضحك راكان : خوفتنا ، اي حنا
ابتسم نايف : اعذروني ، ال فـصيـل وين ؟
راكان : شف هذاك الي يكلم واحد منهم
نايف : زين ، فيه سواق برا لوحته xxxxx هذا تبعكم روحوا معه ، فيه اخت سعود ياربي نسيت اسمها
راكان : رند قصدك ؟
نايف : اي سعود ينتظرها برا
راكان : خلاص زين بنعطيهم خبر
ياسر : بس انت مين ؟
نايف : تسولفون مع واحد ماتدرون منهو !
ابتسم راكان : واضح انك مننا ماينخاف منك
ابتسم نايف : ياحبيبي انت ، يلا تتعرفون علي بعدين الحين علموهم واطلعوا نحرك مع بعض
هز راسه ياسر وراح راكان يقول لرند ونايف يكلم مشاري
نايف : اهلًا
التفت مشاري : هلا
نايف : معك نايف بن ابراهيم ال راشد ، صاحب سيف وتركي
مشاري : والنعم ، معك مشاري
نايف : ماعليك زود ،اي اعرفك ، مجهز لكم سواق برا سيارته واسعه تروحون معه للاوتيل بس اذا بغيتوا شيء قبله قولوا له تبعكم صار
ابتسم مشاري : ماتقصر يابعدي
نايف : ابد وصايا ابو تركي ننفذها
مشاري : ياحبيله
نايف : يلا اجل ؟
مشاري : يلا بقول لاخواني بس
هيا : اخر صوره يلا
رند : ينتظرني سعود
هيا : ماعليه ينتظر شوي يلا يلا
ابتسمت رند وصوروا صوره واخذت شنطتها وطلعت
مشاري : هيا يلا ؟
هيا : اخذت سياره ؟
مشاري : مجهزين لنا الله يسعدهم
هيا : اوكي جايه
حركت السيارات ووراهم نايف رايحين للاوتيل
-
وصلوا للاوتيل وجو ياخذون اغراضهم
هيا : الله وناسه
فارس : وشو بس
ياسر : صدق وناسه
ضحك فارس : ادخل ادخل بس
نواف : حمد وينه ؟
العنود : مو مع مشاري ؟
مشاري : شوفوا يتمشى
التفتوا يشوفون النقطه الي يتمشى داخل الاوتيل
ضحكت هيا : واايي يجننن ابي اكله
فارس : يامفترسه وش تاكلينه
نواف : يلا امشوا ندخل
دخلوا وقرب نواف وجلس يرتب لبس حمد وهيا وقفت جنب فارس ومشاري والعنود وقفوا ينتظرون نايف
-
طلعت من المصعد وهي تضحك : شف شف علي القهوه وعليك العشاء
تركي : عطيني صرافتي لا تلعبين علي
مشت على ورا وهي تناظر تركي وتضحك : اذا ماتفقنا مابعطيك كيفك
تركي : امشي زين لا تطيحين وعطيني يلا
شهد : قل تم
تركي : مابقول
شهد : تروك عشانييي
ضحك تركي : خلاص عطيني واشوف
شهد : قل تم وبعطيك
جاء بيتكلم تركي بس انتبه للي وقف فجأه وشهد مو منتبهه له قرب بيمسكها بس ممداه وصقع ظهرها بظهره
التفت هو مستغرب وكان شايل حمد
عض شفته تركي ووقفت هي بسرعه والتفت بتشوف مين
رفعت راسها وشافته وسكتت تتأمله
بيتكلم بس سكت يوم عرفها وعرف تركي وابتسم لا شعوري وهو يناظر عيونها
عضت شفتها شهد وقرب تركي ومسك يدها وابعدها
تركي : معليش اختي عمياء ، هلاا وصلتوا
نواف : اهليين الي لولا غلاه ماتعنينا
ابتسم تركي : تسلم وين اخوانك
نواف : قريبين
تركي : ومن هالصغير بسم الله عليه ؟
نواف : هذا ولد مشاري
تركي : ابو كيرلي ! عطني عطني اشوفه
ياسر : لو سمحت لا تغلط على حقين الكيرلي
تركي : ماقلت شيء يابن الحلال ، الحمد لله على السلامه
راكان : الله يسلمك
تركي : ترا نحسبكم بتوصلون بعد ساعه عشان كذا محد نزل
ياسر : احسن احسن نرتاح بعدين نشوفهم
تركي : تسمح لي يابو وليد اوري هالحلو اختي ؟
نواف : خذ راحتك
ابتسم نواف وقرب لشهد : شوفي شوفي نتفتهم
شهد : اصبر للحين متفشله
تركي : انسي انسي ، مسك راسها وباسه
ابتسمت من حركته : هذا ولد العنود ؟
تركي : نعرف مشاري حنا
ضحكت شهد : المهم ياطعمه نزله نزله
نزله تركي وركض حمد لنواف وضحكوا ياسر وراكان
تركي : افا ولدكم مايبينا
ابتسم نواف وهو كان يتأملها وكيف تلعب حمد وتسولف مع تركي
ياسر : اصبر نجيب بنتنا تغريه
مهند وهو جاي : والحين متأكد ياولدهم ماتبينا ؟
ضحكوا يوم شافوا سما بحضنه
نواف : الحين بيسحب علي
فارس : اخذت الكروت نرقى يلا ؟
نواف : مشاري وينه ؟
فارس : هذاه جاي
مشاري : مجتمعين اشوفكم
راحت العنود لهيا وشهد وقعدوا يسلمون على بعض
مهند : نشوف ولدك بينعحب ببنتي ولا لا
مشاري : اصبر اشوفها ، ياححللووها وخخ بس
نواف : ها يابو حمد نخطبها لحمد ؟
ضحك مهند : ياحظنا والله
ابتسم مشاري : حنا المحظوظين صدق
نواف : يلا اجل نستأذن حنا تعرفون تونا واصلين
نايف : ترا العشاء ببيتي لحد يتأخر كلكم معزومين وعلموا الباقين
تركي : ليش تتعب نفسك نروح لمطعم
نايف : مجهزين من امس وينتظرونكم اهلي
ابتسم مشاري : ماتقصر
قرب فارس واخذ حمد وباس سما ومسح على راسها وراح للمصعد ولحقه مشاري والعنود وهيا
ابتسم نواف يوم شافها وصد ولحقهم
-
نايف : طالعين ؟
تركي : باخذ اختي لكوفي قريب
نايف : زين كل الشارع كوفيهات حلوه ، بروح انا لأهلي
مهند : ماقصرت يانايف
ابتسم نايف : والله اني مبسوط فيكم
مهند : لا خلا ولا عدم
راح نايف والتفت تركي وسحب شهد : يلا مهند
مهند : لا نزلت كذا بس
تركي : وش يقعدك تعال معنا بننزل ناخذ كوفي ونرجع
مهند : يلا اجل
شهد : كم باقي يوم على المعرض ؟
تركي : ٤ ايام
شهد : وش شعورك ؟
ابتسم تركي : متحمس وشوي خايف وشوي متوتر
شهد : لا تخاف اكيد بيحبون اعمالك انت الافضل !
ابتسم لها تركي وطلعوا من الاوتيل وشافوا كوفي ودخلوا له
مهند : مو ذا سعود ؟
تركي : الا
شهد : شكل الي معه اخته
تركي : تعالوا نطلب لا نزعجهم
-
بالاوتيل
ساره : يقولون ياسر وصل
فهد : اي قلت له اذا صحصح يجي
حنين : يقولون العشاء اليوم عند دانه
ساره : ياحلوهم اخوها من جينا وهو معنا
فهد : صدق وهو الي دبر سواق لياسر
حنين : لازم ناخذ معنا شيء للعشاء
ساره : وش ناخذ
حنين : لو سويت
فهد : فيه تحت قدام الاوتيل محلات وكذا لو ننزل نشوف
ساره : صح يلا اجل
حنين : استني بلبس
ساره : انا جاهزه بنزل انتظرك تحت
طلعت من الجناح ساره واخذت جوالها ودقت على جود بتقولهم
انتظرت المصعد ينفتح لها ويوم انفتح وجت تركب شافته متكتف ومايل على المصعد
سوت نفسها ماتعرفه وركبت وجت بتضغط وشافته ضاغط على الي تبي ،
يوم مدت يدها شاف الوحمه الي شافها المره الي راحت ونزل راسه يوم عرفها
دق جوالها وردت وبالغلط حطت سبيكر : سااره وييينك !
عضت شفتها ساره بفشله والغت السبيكر : وش فيك
حنين : نزلتي وخليتيني
ساره : قلت لك بنتظرك تحت
حنين : صدق قلتي ؟ ماسمعت اوكي الحين بنزل لك
ابتسم يوم سمع الصوت وتأكد ان اسمها ساره وفتح المصعد وطلعت بسرعه
ضحك يوم حس انها تفشلت وانتظر شوي وبعده طلع من المصعد
-
طلعت من جناحها حنين بسرعه وهي تمشي وتعدل البالطو حقها وانفتح المصعد ودخلت فيه ونزل فيها
انفتح وطلعت لساره وشافتها واقفه
حنين : يلا ؟
ساره : يلا ، شفت واحد شكله حلو تعالي ندخله
حنين : اهم شيء يكون لذيذ
ساره : صراحه مادري عن الطعم بس نشوف
دخلوا للمحل وراحت ساره تشوف وش عندهم ولحقتها حنين
ساره : ناخذ بارد ؟ عشان يكون بعد العشاء ولا عادي اي شيء ؟
حنين : اممم احس ناخذ اي شيء افضل اخاف نبتلش بالبارد
ساره : اجل وش رايك بهذا ؟ او هذا
حنين : احس مانبي شيء ثقيل
ساره : اجل هذا احس حشوته خفيفه
حنين : صح هذا حلو ، اطلبيه اجل
ساره : تم
راحت حنبن ووقفت عند الباب وجلست تصور الغيوم والناس والكوفيهات بعدين حطت جوالها بجيب البالطو وقعدت تعدل طرحتها وانفتح حزام البالطو
قرب لها وعدل البالطو وربط الحزام : انتبهي المره الجايه
حنين : وش عليك انت ! فتحت حزام البالطو وتركته
رفع حاجب وقرب لها وبصوته الحاد : بطلي حركات البزران وسكريه زين
سكتت هي بصدمه وخافت ، التفت سيف وابتسم وراح
ساره : يلا
حنين : شسمه اي يلا
ساره : جبت بوكسين ونصحتني بنوع ثاني وصراحه ماقدرت اردها مره حلوه وشريته
ضحكت حنين : ياخيفه
ساره : والله بناتهم حلوات وش اسوي قلبي مايتحمل
حنين : تعالي بس نجلس هنا ونشرب كوفي قبل نرجع
ساره : اصبري ارسلت لي جود تو وتقول انها بكوفي مع شهد وان اخوانها راحوا نروح لهم ؟
حنين : اي وينهم
ساره : قدام شوي
-
ببيت نايف
واقفه دانه بالشرفه وتتفرج وبيدها كوب قهوتها
نايف : وش صار يمه ؟
التفتت دانه ودخلت لهم
ام نايف : ماعليك كل شيء جاهز
نايف : والي جبتهم رتبتوهم ؟
دانه : اي بس والله يشهي
نايف : اتحدا اذا ماذقتي منه
ضحكت دانه : والله لذيذ
ابتسم نايف : بالعافيه
ابو نايف : مو قلت تعرف عائله سعوديه ساكنه هنا ؟
نايف : اي للحين اعرفهم
ابو نايف : ليه ماتقولهم يجون طيب ؟
نايف : فكرت بس قلت نخليهم اليوم ياخذون راحتهم بعدين نعرفهم على بعض
ام نايف : صح صادق
دانه : كل مره اجي سيدني انصدم من جمالها صراحه كل مره تصير احلا
نايف : ناوي اوديكم لجزيره قريبه بتنصدمين من جمالها بس جوهم عكس سيدني مره حر ورطوبه
دانه : الله بحر ! متحمسه اشوفها
ام نايف : نروح لها بعد مايخلص معرض تركي

—
نوقف هنا ❣️
صباح الخير ، عطوني رايكم ونجمه 🫦