ဒူရိရှင်း မတ်တပ်ရပ်လိုက်ပြီး ကြမ်းပြင်ကိုစစ်ဆေးလိုက်တယ်။သွေးတွေကနေရာတိုင်းပြန့်ကျဲနေပြီး ခြေရာတချို့က သွေးတွေ အဖြူအစအနတွေ ကြားမှာမြင်နေရတယ်။အဲ့အရူးကောင်က သူတို့လာခဲ့တဲ့ရှေ့ဘက်ကိုဦးတည်ပြီးထွက်သွားတာပဲ။
ကော်ရစ်ဒါ ပတ်လမ်းအတိုင်းဆိုရင် ဖြတ်သွားဖို့အချိန်တွေအများကြီးရှိတယ်ဆိုပေမဲ့လည်း သူတို့ပြေးပြီးထွက်သွားရင် ထိုလူကနောက်ကနေလမ်းလျှောက်လာမှာ အဲ့အချိန်ထိုခြေရာတွေကိုမြင်ပြီး ခန့်မှန်းရင်းရောက်ချလာနိုင်တယ်။
စုယင်း ကတော့ သူ့ကောင်လေးရဲ့ခေါင်းက ထိုဂျူတီကျဆရာခါးမှာရှိနေသေးတာကိုမြင်တော့ မျက်ရည်ကျလုဆဲဆဲအခြေအနေကိုထိန်းချုပ်ထားရတယ်။အဲ့ဒီနောက် ထိုနှစ်ယောက်ထွက်သွားဖို့ပြင်နေတာကိုမြင်တော့ သူမလှမ်းတားလိုက်ပြီး
"ငါ..ငါ...ဝန်ထမ်းရုံးခန်းကိုပြန်သွားချင်တယ်"
သူမသွားကိုတင်းတင်းစေ့ထားကာ ဆက်ပြောလာတယ်။
"အာ့ဝမ် ရဲ့ ခန္ဓာကိုယ်အဲ့မှာကျန်နေသေးတယ်။ ငါမထားခဲ့နိုင်ဘူး"
"ဒါဆိုသွားလေ"
" ဟမ်"
စုယင်း ပြောတာရပ်သွားပြီး ရှင်းအောင်ထပ်ပြောလာပြန်တယ်။
"ငါပြောတာက ...နင်တို့ပါငါနဲ့အတူလိုက်..."
ဒူရိရှင်း က သူမပြောတာကိုဖြတ်ပြောလိုက်ပြီး
"မင်းဘာသာဘယ်ပဲသွားသွား ငါစိတ်မဝင်စားဘူး။
ငါကတော့ မြန်မြန်ပဲထွက်သွားချင်တယ်"
"နင်.."
စုယင်း မျက်ခုံးတွေကြုံ့လာပြီး
"နင်ဘာလို့ ဒီလိုလူစားဖြစ်နေရတာလဲ။ငါ့ကောင်လေးကြောင့်သာမဟုတ်ရင် ငါတို့ပြေးလို့လွတ်မှာတဲ့လား။အခုနောက်ဆုံးအနေနဲ့ငါက သူ့ခန္ဓာကိုယ်အစိတ်အပိုင်းကိုစုစည်းပေးခဲ့ချင်တာ အဲ့လောက်လဲအချိန်ကြာတာမဟုတ်ဘူး။နင်တကယ်ပဲရက်စက်တဲ့လူစားပဲ အသည်းနှလုံးမရှိဘူးလား"
"ဟုတ်တယ် ။ မင်းဘာသာပြောချင်တာပြော"
သူတို့ဒီမှာ ကြာကြာရှိနေရင် ပိုပိုပြီးအန္တရာယ်များလာနိုင်တယ်။ဂျူတီကျဆရာက သေသွားပြီဆိုပေမဲ့ အာ့ရွှန်း ဘယ်ရောက်သွားသလဲဆိုတာ ဘယ်သူမှမသိဘူး။သူတို့သာ အာ့ရွှန်း ဆီမှာမိသွားရငိ ဟိုအရူးကောင်သတိထားမိသွားလိမ့်မယ်။
YOU ARE READING
Survival Game ထဲရောက်တော့ ငါ့ရဲ့ Single ဘဝလေးကိုစွန့်ပစ်လိုက်တယ်
Romanceဒူရိရှင်း ဆိုတဲ့ကောင်လေးက မွေးလာတည်းက အခုအသက်၂၀အတွင်း ချစ်ဖို့ကောင်းတဲ့ကောင်မလေးတစ်ယောက်ကို တစ်နေ့ရှာတွေ့ရမယ်ဆိုတဲ့အိပ်မက်ကို ရေတွက်ရင်းရှင်သန်လာသူတစ်ဦးဖြစ်တယ်။ ဒါပေမဲ့ ကံဆိုးစွာနဲ့ သူတစ်ယောက်ယောက်ကို ရှာမတွေ့ခင်အချိန်လေးမှာပဲ မရင်းနှီးတဲ့စွန့်ပစ်...
