اميرتي 👑💙

" ولد الحلال قريب ؟ 😉" 3

لو حطيت {} من بين المحادثات يعني تفكير الشخصيه
اميرة pov:
رحت لبيت نواف ودقيت الجرس وانا متردده وخايفة فتح لي ولد مراهق
اميرة: السلام عليكم بدر صح ؟ كيفك
بدر : وعليكم السلام ايوا بدر الحمدالله
اميرة: نواف موجود ؟
بدر : ايوا بس دقيقة اقوله تفضلي
اميرة: خذ وقتك
نواف pov :
دق جرس البيت قلت يارب تكون اميرة لاني قاعد انتظرها من زمان وخليت امي تقعد فالبيت عشان تشوفها
نواف: بدر افتح الباب
بدر: في واحده تسأل عنك تعرفني بس انا ما عرفتها
نواف : ايوا هذي أميرة خليها تدخل
{دخلت اميرة وكأن ملاك دخل بيتنا تجنن تجنن شعرها عيونها ضحكتها جسمها يكفي اخلاقها وعفويتها وانا أتأملها هي كانت تسلم على امي }
ام نواف: هلا ببنتي وش ذا الزين وش ذا الجمال
اميرة: تسلمين يا خالتي الزين انتي والله هذا الورد لك
ام نواف: يا حلوك تسلمين تفضلي تفضلي بروح انادي بناتي يسلمون عليك
{رحت امي تنادي خواتي واميرة جات جلست جنبي }
اميرة: كيفك نواف كيف اصبحت؟
نواف: الحمدالله تحسنت يوم شفتك
اميرة: كيف صارت الإصابة يعني طحت ولا كيف
نواف : وانا اتمرن طحت طيحه قوية
اميرة: سلامتك ما تشوف شر انشاء الله
نواف: الله يسلمك
{لاحظت لصقت الإبرة حقت المغذي على يدها }
نواف: وش هذا الي على يدك
اميرة: يوو هذي لصقه نسيت اشيلها
نواف: حقت المغذي صح ؟
{واضح ما كانت تبي تقولي}
اميرة: ا.... ايوا
نواف: سلامتك والله ليه وش الي صار
اميرة: سلامتك لا مافي شي بسيطة يعني كنت مقصرة في اكلي شوي ما عليك المهم انت انتبه على نفسك الايام الجاي
نواف: انشاء الله
اميرة: ما قالو لك رح تسوي عمليه ؟
نواف: ايوا قالو لي بس لسا مو الحين على نهاية الشهر ممكن بس لازم اتمرن في المركز هذا لفترة طويله
اميرة: شد حيلك
{دخلت امي علينا ومعاها القهوة واختي غادة معاها الحلا}
غادة: آهلًا وسهلًا كيفك
اميرة: هلا والله الحمدالله بخير وانتي
غادة : صرنا بخير بزيارتك وشوفتك
{صبت امي لاميرة القهوة وأميرة تذوقت من حلا غادة }
غادة : هاا كيف الحلا حقي ؟
اميرة: يجنن والله تسلم يدك
ام نواف: ها يابنتي كيف اهلك واخوانك انشاء الله بخير
اميرة: الحمدالله بخير وسلامة
ام نواف: هم هنا ولا بجدة ؟
اميرة: لا هالفترة قاعدين هنا
ام نواف: وانتي كيف شغلك طيب انشاء مرتاحه
اميرة: ايوا الحمدالله هذي الايام مافي ضغط كثير
ام نواف: مبسوطة بحياتك انشاء الله ؟
{ انا قلت لأمي قبل لا تجي اميرة تحاول تسألها وتعرف منها اذا ناوية تتزوج ولا مو في بالها }
اميرة: الحمدالله رب العالمين وين رغد؟
غادة : تعبت وانا اصحي فيها معي راضيه تقوم مع انها كان ودها تشوفك مره
اميرة: اي عادي مو مشكلة المره الجاي انشاء الله
ام نواف: اميرة بنتي انا قد سمعت انك كنتي مخطوبة من قبل صحيح ؟
{قلت لأمي ان اميرة كانت مخطوبة لولد عمتها بس خفت اذا سألتها تضايق }
اميرة: ايوا صح من سنتين لولد عمتي بس انفصلنا
ام نواف: نصيب كذا ما فكرتي ترجعي ترتبطي من بعده لأن مو معقوله الجمال ذا كلو وما حد جاء طلب يدك
اميرة: تسلمين والله خالتي لابس للحين ما لقيت الشخص المناسب يعني ما ابي اعيد نفس الي صار واتسرع بقراري
ام نواف: انشاءالله بيجي ناصيبك ولد الحلال قريب 😉
اميرة: انشاء الله نفرح بعيالك وبناتك
ام نواف: يلا جهز العشا
اميرة : لا خالتي مافي داعي شكرًا مره كانت زيارة مريض خفيفة
ام نواف: لا لازم تتعشين معنا ما يصير
اميرة : شكرًا يعطيك العافيه بس ما اقدر توني ماكله خليها المره الجايه اوعدك
{ ما كنت ابي اميرة تمشي ابيها تقعد زيادة}
اميرة pov :
سلمت على ام نواف مره لطيفة يا زينها
نواف لاحظ لصقة حقت إبرة المغذي الي قبل شوي فالمستشفى نسي افكها ما كان ودي اقول له
جات ام نواف وغادة اخته ماشاءالله عليها
بدأت تسألني امه عن اهلي وشغلي وحياتي وفتحت موضوع الزواج
ام نواف: انشاءالله بيجي ناصيبك ولد الحلال قريب 😉
بعد ما قالت الجمله انا هنا توترت لا يكون نواف ملمح لها
عازمتني على العشا قلت لها شبعانه ما اقدر وهذي الحقيقة بس بنفس الوقت ابغى انحش اخاف تسألني اسأله ثانيه انحرج وما اعرف اجاوب
بس رجعت البيت لقيت نواف مرسل لي
نواف:
شكرًا مره لانك جيتي

اميرة :
لا ولو حبيت اطمن عليك

نواف:
متى برجع اشوفك ؟

{ ما عرفت ايش ارد عليه }

اميرة :
في الشركة ولا انت ما بتداوم ؟

نواف:
لا صعبه في الشركة ما اقدر

اميرة:
طيب بشوف متى فاضية وبعلمك

نواف:
تصبحين على خير 🤍

اميرة:
وانت من اهل الخير 🤍

** كتبت وانا منسدحه بنام تصبحون على خير 🤍🤍**
** البارت الجاي في حفلة وحماس **