روايه نغزات محرمة جزء الثاني بقلمي ميار السعدي....
اشتقتلكمممم🫂🥺....
تصويت ع نجمة وتعليقات ع فقرات حتى أكملها حبيباتي مالي واهس💔...
.........
#مشينـه وشوگنـه بگدنـه
#لگينـه الدنيا ما تنحب ،
#حزن ودروب ما تنـطب
#درب مكتوب بي نبچي
#ودرب مكتوب بي نتعب
______________________________________
______________________________________
______________________________________
______________________________________
ماكو شي يدوم حتى الحب ينتهي بيوم تحقد وتكره ذاك الشخص إلي جنت مستعد تدفع عمرك كله خاطر تشتري ضحكته ويكون راضي بيك تهرب من كل الدنيا الحضنه إلي اعتبرته أمان...بين ليله وليله تنصدم هالشخص ممكن يبيعك علمود راحته علمود ياخذ إلي يريده وبعدها أنت منوو؟.. وليش تبجي؟.. واذا يعني ماصار شي ليش ننقهر ليش نبالغ؟...ليش نروح؟... لازم نتحمل لان حضرته قدملي هواي شغلات ولازم أني ادفع الثمن...هاا؟...نسيت لكلشي ثمن...
وهاي اخذ الثمن أعتقد انتهى العقد إلي دام سنين تربيتي وتكفله بيه واحتضانه إليه دفعت الثمن بهاي الليالي الإثنين أول ما تزوجني وهاي المره....
اذا هوه يعتبر هالشي لا شي مقارنه بالي قدمه هوه أني اعتبره شي جبير وهالمره هوه مدين إليه بثمن......
وهالثمن هوه...
التفتت اباوعله بعيون مغوشه مليانه حراره ودموع واحس كل جسمي مشتعل من اشوفه...والي يقهرني اكثر هوه ما مهتم للصار عباله حجيت وياه البارحة يعني نسيت الصار ما يدري اني اريد انفجر انفجار براكين بس خايفه ارجع افكر بهدوء ويه روحي اكول خل ارتب اموري وارتب نبضات كلبي إلي ما تهدأ وبعدها اعرف شسوي....
باوعلي بطرف عينه لمح دموعي إلي صارت تجري زم شفته وعيونه مليانه ذنوب ويعرف بنفسه شكد مأذيني بس خايف يهمس حرف واحد لأن اصلا شراح يحجي؟..ما بقى كلام يوصف حالتي...
رجع باوع ع طريق طلع جكاره يبرد بيها دكات كلبه إلي احس بيها ودمارات وجهه وجبينه واضحه رغم بروده الجو جان عركان شغل تبريد السياره بتلعثم وايده احسها ترجف قبضهاا بقوه مسح ع لحيته فتح الجامه واخذ نفس من الجكاره ما يريد يواجهني بعيونه المذنبه حسيته خايف....
ابتسمت بكسره همست بغصه تشلع روحي هيج تذبحني لان ماريد أني ماريد اسوي شي ماريده ماردت هيج ينزل من عيني بعد ما جان هوه عيني وكلبي وعافيتي بدونه انتهي مالي وجود....
قمر : مرتاح؟...
التفت عليه والجكاره بيده ضل صافن بدون أي تعبير غير عيونه مليانه آسف بس ما يفيد بعديش...
علي : وانتي بهاي الحالة لا اكيد....
قمر : هههه....مهتم لحالتي؟...
YOU ARE READING
نغزات محرمة جزء الثاني
Romanceكون هاي الدنيا تصغر حيل تصغر وتلتقي الوادم باهلها اي باهلها يعني انا وانتَ هيجي نلزم الدنيا ونذلها......
