تركي قام بيروح الجامعه ومن الحماس قال:باي ي حبي م قصرتي
هيام شرغت ب الاكل:ايش
تركي:ولا شي سلامتك سلامتك
هيام:والله م تروح الا لمن تقولي شتقصد ي قليل الادب
تركي تجاهلها وطلع
هيام:هين هين
جلست شوي وراحت ترتب اغراضها و خلصت وقررت تصحي روان
(جلست تصحي روان لمن صحت
روان:هلا وش فيه
هيام:قومي غسلي وجهك وتعالي
روان راحت تغسل وجها ورجعت:هلا وش فيك
هيام: تعالي تعالي نسولف في المطبخ
روان:تخيلي امس جدي طفى كلشي وخلانا ننام صحى وهو كان نايم
هيام:الحمدلله م كنت معكم وش استفدتو يعني
روان:جهزي اغراضك؟
هيام:يببببب
روان:دقيقه وشذا الفطور خير سويتي لك ولا سويتي لي في احد كان يفطر معك
هيام:لا بس انا
روان:طيب فيه كوبين هنا من اخذه
هيام:معليك من ذي السالفه المهم قومي بسرعه بتجهزين اغراضك الحين؟
روان:اي لان جدي قال اول م يصحون لهم ساعه بس يجهزون اغراضهم واخاف انسى شي احسن شي انك صحيتيني بصحي البنات
(بعد م صحو البنات)
تسنيم:ليتني سمعت كلامك امس وخمدت
روان:منجد جدي امس كان معصب وشخصنها احس الا هيام قولي لي بسرعه لا تتهربين كوب مين
هيام:كوب عمي صب له شاهي وشربه وطلع
روان:اها المهم خلصت اغراضي الحمدالله
تسنيم: باقي انا والبنات حظكم خلصتو
...............................
عند العيال
فيصل:عيال ذاك الي ب المطبخ الفطور من مسويه
ابراهيم :انت حسك من بطنك ليه وش تبي؟
فيصل:مدري بس اشتهيت اكله بس يمكن حق احد لان واضح احد اكل منه
لؤي:ياخي خلاص اطلب من برا وخلاص
علي:اقول واحد يدق على تركي بسرعه
ابراهيم:يمكنه في اختبار ويمكن ننكبه بعدين هو ويت الاختبار يقفل جواله انتظره يجي
علي:اسمعو اذا جاء تركي ترا بننكرف
فيصل:اكيد م سمعت جدي وش يقول بعدين انا ابوي متوعد فيني
لؤي:ليه ماهو متوعد فيك الا وانت وراك بلا
ابراهيم:صح وش مسوي
فيصل:كنت افحط وصدمت سيارته
لؤي:تستاهل وانت تعرف ابوك م يحب التفحيط و م لقيت تصدم الا سيارته
ابراهيم:يويلككككك ويلاه
.....................
عند البنات
هيام:ترا يقول جدي امس بكرا اول م يقوم عشر دقايق والكل جاهز يعني لازم تخلصون بسرعه
ابتسام:بنروح المزرعه اصلا وبننكرف
تسنيم:لا م سمعتي امس يوم يقول جدي المزرعه العيال الي يشتغلون فيها و احنا ننظفها من داخل
هيام:اي واول م نروح البيت بليل باخذ راحه شوي واليوم الثاني بجهز اغراضي
روان:كلنا خلصنا اغراضنا الحين وش نسوي
هيام:نتابع فلم شوي لمن يصحى جدي
(وجلسو يتابعون فلم لمن صحى البيت كله)
وفجأه دخل تركي وجلس على الكنبه مرهق:افففف تعب
روضه:ليه وش كنت
تركي:مالك دخل وين كنت
تسنيم:اقول بنات قومو نلبس عباياتنا شوفو جدتي قدها لابسه
هيام:يله بسرعه
...................................
عند العيال
فيصل:معقوله كل ذا الوقت وتركي باقي م رجع مع انه قال ساعتين بس وراجع
ابراهيم:شوف دق عليه شف وينه
فيصل بدا يدق على تركي:وينك تأخرت
تركي:هاذاني بصاله جالس جايكم
ابراهيم:وش قالك
فيصل:قال بصاله جاي بقوم اخرعه اصبر
قام فيصل واخذ شرشف ابيض وفتح الباب ولاكن طلعت جدته
فيصل:احم جده بالغلط والله
الجده:انت م تتوب اعلمك بجيب العصاء اصبر علي
لؤي:ي جده امسحيها بوجهي بس كان يبي يسوي مقلب
الجده:بس لعيون وليدي لؤي قومو بسرعه تجهزو ودونا خلصنا بنرجع البيت
ابراهيم:اخيراً بنرجع
الجده:وراك كرف ودينا المزرعه وبليل بنرجع البيت
ابراهيم:ابشري ي جده الحين شوي يجي تركي يبدل ومشينا
دخل تركي الغرفه:وش السالفه وليه جدتي كانت عندكم
علي:كان بيسوي مقلب عساس انه فيك و طلعت جدتي
تركي بضحكه سخريه:تستاهل اقول يله نوديهم روحو شغلو السيارات
.....................................
بسيارة تركي
تركي:تبون شي من البقاله؟؟
تسنيم:لا نبي هيام باقي لها كم يوم وتروح
روضه:يبنت اسكتي خلاص
هيام:ترا مرح اجلس طول العمر هناك كلها ٧ سنوات وراجعه
تركي:اها طيب خلاص
تسنيم:وش الي اها طيب خلاص
تركي:ولا شي
كان قدام راكب جنب تركي ابراهيم:تركي اسمع متى بتقدم على وظيفه
تركي:مرح اقول ل احد
روان:قربنا نوصل البيت ودي انام نومه عميقه
هيام:وراحنا شغل احسن لنا ننجزه بدري وبنروح البيت خلاص
............................
بسيارة علي
الجده كانت راكبه قدام ناظرت في علي:وراك مسرع هجد السرعه
علي:ي جده تتوهمين م اسرع
ام تركي:صدق ي عمه م يسرع اظن انك تتوهمين
الجده:لا ماني اتوهم
ام علي:صلي على النبي ي عمه ماهو يسرع بس انتي تشوفينه يسرع لآنك قدام يمكن
علي:احد يبي البقاله عشان قربنا نوصل لاحد بعدين يدق علينا ويقول جيبو جيبو
الجده:لا مانبي شي الثلاجه متروسه اغراض
علي:زين
((وصلو المزرعه))
هيام:اف الحين الشغل كله مقابلنا
تسنيم:بروح افسخ عبايتي ونبدا تنظيف
ابتسام:صح بما اننا كثير والعيال بيساعدونا بيكون الوقت قليل
تركي:بنروح ونجي و خلصو الي دخل وساعدونا ب الي برا
تسنيم:طيب خلاص روحو
بدو البنات ينظفون وخلصو كلشي ومسحو الطاولات و راحو يتروشون وبعد م خلصو جلسو يلمون اغراضهم الي باقي و جلسو يسولفون وفجاه يسمعون صوت روان وهي معصبه
تسنيم:بنات وش فيها روان
هيام:امشي تعالي نشوف وش فيها
طلعت البتول كبت عصير ب الارض
هيام:خير والله ان تنظفينه نظفنا لمدة ساعتين وتعبنا وتجين انتي ي الرفله و تبكينه بكل بساطه
ساره:طب معليش م كانت تقصد ي متوحشين يمه
تسنيم:اقول انطمي تروحين الحين زي الكلب تجيبين ممسحه وتمسحينه
البتول:لا مرح اجيب وش بتسوين
دخلو العيال بعد م جو من عند البل
البتول لمن شافت العيال داخلين ومن بينهم تركي:يمه وش فيكم علي
هيام:تسوين نفسك عشان العيال ردي يله
تركي:خير وش السالفه
هيام: شرحت له السالفه
تركي:تخيلي تنظفين لمدة ساعتين وتجي هيام وتكب عصير بترضين لا طبعاً روحي جيبي ممسحه مسحيه لا تشوفين شي م يعجبك
روان:بسرعه لا تعصبيني اكثر من كذا!!
البتول راحت تجيب ومسحته
ساره:وش فيكم مكبرين السالفه طيب
هيام:كلي تبن ي الرفله انتي وياها ساعتين ونص ننظف وتجي تكبه و بلعاني بعد
علي:خلاص بس هدو ترا م تسوى
هيام:بطلع اكمل قهوتي
ابراهيم:طيب ساعدونا
روان:طيب شوي وبنجي
__________________
طلعو العيال الحوش وشافت ان كلشي مرتب بس يبي له غسيل
وجو البنات وتسنيم ناظرت:وش فيه الحوش مرتب بس يبي له تنظيف
تركي:اي يبي له غسيل
علي:اي بس ساعدونا شوفو كيف كبير و م نقدر عليه
جت البتول:بنظف معكم
تركي:طيب
وبدو ينظفون وحطو صابون و بينما هم يغسلون يلعبون يتزحلقون ب الصابون
وطاحت البتول وجاء تركي مد يده لها يساعدها ومسك يدها وتزحلقو سوا
هيام تدز تسنيم تشوف
هيام احترق قلبها مع انها م تطيقه ولا تبيه:يع مو لايق ابداً
تركي بمزحه:ليش مو لايقين هاه
هيام:لا وش شي لايقين
البتول:يوه ي حلو يدك ناعمه
هيام خلاص شوي وتنفجر بس م تبي تبين غيرتها :خلاص بروح اغسل في الجهه الثانيه لوحدي لحد يزعجني لانكم مزعجين هنا
راحت هيام وهي نار وشوي وتبكي من الغيره وجلست على الكرسي ترتاح شوي
وسمعت صوت من وراها يهمس ب اذنها:وش فيك غرتي ؟
هيام لفت وشافت تركي:نعم وليه اغار من وحده م تسوى وانت يع بعد
تركي:اجل وش فيك
هيام:قلبي كان يوجعني وجيت هنا ارتاح شوي
تركي:انتي قلتي من الإزعاج
هيام:اول شي من الازعاج ثاني شي انقلع مني خلاص وراحت معصبه تركض عند البنات
تسنيم :وش فيك رحتي
هيام:بنات تقهر البتول خلاص
تركي جاء وناظر في البتول:البتول فيه احد يغار منك
البتول انبسطت ان تركي صار يفضلها على هيام:ادري ادري
تركي:بس اقصد في كلب يغار منك م يدري انه يشبهك
علي:احه والله قويه
هيام:احيهههه
البتول:طيب يوم مسكت يدك قبل شوي
تركي:ولا شي اصلا كان في يدي صرصور وكنت بحطه فيه و تسلق شعرك شوفيه
هيام ناظرت تركي واحت له:انت وش فيك م عرفنا لك
تركي:ترا منجد كان في يدي صرصور ورحت سويت نفسي يساعدها وجاء بيدها وهي م تحس وثاني شي يوم مسكت يدي شفت جراده تعبانه وحطيتها في يدها
هيام بضحكه:منجدك
تركي:والله روحي شوفي شعرها وشوفي يدها
هيام راحت وفعلاً شافت في شعرها صرصور وضحكت
والكل ناظر وضحكو
البتول زعلت ودخلت داخل
وكانو يلعبون ب الصابون وبنفس الوقت ينظفون
(بعد م خلصو تنظيف وجاء اليل)
هيام لبست عبايتها وراحت تتمشى في الحوش عبال م يخلصون
تركي كان في الحوش وجلست هيام على كرسي وجلس وجنبها تركض بس بينهم مسافه
تركي:هيام
هيام:هلا وش بغيت
تركي:اسف على كلشي قلته لك تكفين حاولي تنسينه
هيام:والله ناسيه معليك
تركي بدون م يحس على نفسه:اخخخخ بس متى اليوم الي تكوني فيه زوجتي و.
وبس والله ذا كان بارت اليوم وش رايكم
ضيفوني انستا.
باقي خمس بارتات ونختم الروايه😔
أنت تقرأ
لك محبه ماهي لغيرك من الناس لو هي غيم هزت الدنيا برعدها
Science Fictionهيام كأنها مثل ما تهوأهُقد خُلقت في رونق الحسنِ لا طول ولا قصرُالورد من خديها يحمرُمن خجلٍ الغِصن من قدها يزهو به الثمرُالبدر طلعتها والمسك نكهتها
