غمضت عيوني وجاوبتها گوة
اي رحت علي وخليته يطلگني حتى يفگ
ياخه منكم ومني وماظل يهدد بيكم
عصرت هدومي ودموعي كامت تنزل
بعد اكثر
صخام الصخمج وولج ليش ووج
هجمتي بيتج بأيدج
من امداااج وامده حظج لييش
بس فهميني ليش رحتي علي وخليتي
يطلگج
امي كعدت وهي تبجي وتضرب على رجلها
ياسمين حجت بقهر
ليش هيج سويتي شوگ جان انطيتي فرصه
ثانيه سبحان الي مايغلط هو اجه اعتذر
منج بعد شتريدين
ماجاوبتها مشيت من يمهن واسمع امي
تحجي عليه
وتغلط
سجاد
تماسكت گوة ومسحت الدم من خشمي بأيدي
حجيت بصوت مخنوك
عوفني وحدي
وين نعوفك ماتشوف شصار بيك
باقر حجه وجاوبته
ماابيه شي
سوده بوجهج خاتون ابني راح يروح مني وكله
منجن يالماتخافن الله شحجي شأكول هجمتن بيته من انهجمت بيوتجن فوك راسجن
امي تفتر وتحجي وتدعي
وهي تبجي وتوسلت بيه
بس اروح وي اخويه للدكتور
هزيت راسي بلاا ورحت كعدت على الجربايه
شروق جابت گلينس اخذته من ايدها
ومسحت الدم
عوفو وحده
ابويه حجه وامي جاوبته
سيد على بختك خاف يصير بي شي
ماكو شي لاتخافين خلينا نطلع ونعوفه يرتاح
يله باقر ااطلعوا
ابويه طلعهم من يمي وسد الباب وراه
ماهد حيلي غير كلام شوگ اليه جدام عمامي وولدهم حسيت بروحي صغرت وحبها ذلني وماخله اليه قيمه جدام اهلي مو عاد هم
اااخ وولج ذلتني وخليتي جرح بگلبي عمري
ماراح انسااه
حجيتها بغصه وانه صافن على حالي
بلحظه الحب تحول لحقد والموقف الي خلتني
بي خلاني اكره روحي لان حبيت هيج
انسانه اي تقدير لسويته الها ولاهله
ماعدها
گلبي نفضها بلحظه والسوته دگ وصار نيشان
بگلبي والوجع الصر بي راح
يظل يون طول العمر
شوگ
ابويه سمع هو واخوتي بالسويته وكاموا يحجون
عليه الا حارث جان ويايه امه خابرت
وهي تبجي وتعتب عليه ليش
اجيت وخليته يطلگني
سديت اذني عن الكل وعزلت روحي بغرفتي
دمعتي مانشفت وظليت ملتزمه الصمت
الكلي كام يلومني لان تسرعت بهذا القرار
اني جنت اريده يفگ ياخه من اخوتي
الي يوميا مهددهم
وهاي جانت الطريقه الوحيده حتى اخلص
منه ومن تهديده الهم
امي جان عدها امل يرجعني
هي وابويه بس اني اعرف سجاد
والسويته بقصد كدام عمامه راح يخلي مستحيل
يفگر يرجعني وهذا الجنت اريده
YOU ARE READING
انا والمجنون
Romanceكانت قصه بدأتها انا ولم اعرف انك ستكوني محورها انظر اليك وقلبي يحدثني انك قاتلتي لامحال ورضيت والله ان اكون قتيلا ولكن رفقا بي فوالله لم اكن قاصدا هواك ولكنه كتب عليه وكان امرا جميلا
بارت 30
Start from the beginning
