انا مريم و عندي 21 سنه في جامعه القاهره كليه اداب علم نفس ودي كانت كليه احلامي من وانا صغيره و بالفعل
دخلتها بعد مجهود كبير من الدراسه عشان ادخلها
المهم عندي اخ اصغر مني اسمه مازن عنده 16 سنه في اولي ثانوي و انا واخويا عايشيين لوحدنا من بعد موت بابا وماما في حادثه بالعربيه كان ابشع يوم اعيشو في حياتي و متخيلتش اني
هفقد عيلتي في يوم من الايام بس ده اللي حصل
كل يوم بصحي الصبح عشان احضر الفطار عشان نفطر انا و مازن و بعد الفطار كل واحد بيروح مشواره انا علي الجامعه ومازن علي المدرسه طبعاً انا كنت مهوسه بعلم النفس وبحب اقرأ عنه كتيير و بحب اقرا عن الأمراض النفسيه و اللي ليها علاقه بالنفس و التصرفات و كل الحاجات دي
كنت في المحاضره و بستمع لشرح الدكتور فؤاد و ده يبقي دكتور في الجامعه بتاعتنا هو اللي بيشرح لنا عن علم النفس وكان بيشرح عن التعذيب النفسي الذي يؤدي الي اضطربات عقليه و خلل في السلوك الطبيعي للانسان
في وسط سماعي للمحاضره رفعت ايدي وسألت الدكتور لو سمحت يا دكتور فؤاد ممكن تقولنا انواع التعذيب النفسي
رد دكتور فؤاد وقال طبعاً يا مريم و بدا يحكلنا عن انواع التعذيب النفسي وكان من ضمنهم نوع شد انتباهي اوي كان اسمه الغرفة البيضاء وعلي ما اتذكر ان الدكتور قال انها من اسوء انواع التعذيب النفسي
رجعت البيت لاقيت مازن كان بيذاكر قولتله شاطر يا بطل ايوا بقي خلينا نشوفك في كليه مرموقه
رد مازن بضحكه ساخره طيب ياختي اعمليلنا حاجه ناكلها كدا و سيبيني اذاكر عشان ابقي في كليه مرموقه
ضحكت مريم و قالت ماشي ياخويا وبالفعل راحت مريم تعمل الاكل و بعد ما انتهت نادت علي مازن
مازن مازن يلا عشان ناكل
رد مازن طيب انا جي ثانيه واحده اشيل الكتب و بالفعل قعدو علي السفره
و بدأو يتحدثو علي يومهم و في وسط الحديث
قال مازن مريم انتي في كليه علم نفس صح
قلت له ايوا ليه
راح قال يبقى اكيد تعرفي عن الغرفه البيضاء
قولتله الدكتور كلمنا عنها انهارده بس لسه معرفش عنها اوي بس ازاي عرفت ان في تعذيب اسمه الغرفه البيضاء
رد مازن وقال انتي ازاي مسمعتيش عنها بيقولو دلوقتي في عصابه بتخطف الشباب والبنات و بتعذبهم بيها بس بيقولو انهم لما بتلاقيهم الشرطه بيكونو ناس تانيه في تصرفهم و زي ماتقولي كدا بيبقو مجانين او زي ماتكون لبستهم روح و بقو ملبوسين حاجه زي كدا و زمايلي كانو بيقترحو ان حد يجربها عشان يعرفو سبب تصرفتهم دي
بصيت لمازن بخوف وقولت مازن اوعي تجربها سيبك من العيال دي عشان انت مش ضامن ايه اللي بيحصلهم جوا واكييد في سبب ورا تصرفاتهم دي وخلي بالك وانت رايح المدرسه برضو و متقفش لحد غريب لو كلمك عشان ناخد حرصنا برضو
رد مازن بضحك مالك خوفتي ليه كدا دي ممكن تكون اشاعات اصلا و ضحك تاني وسكت وكمل اكل
بعد ما خلصنا العشاء مازن راح نام عشان مدرسته وانا بصراحه كنت خايفه وبفكر في كلام مازن و قومت قولت ابحث عن الغرفه البيضاء دي
ويتبع.......................
اتمنى يعجبكم الفصل الاول و أسفه لو في اخطاء في الكتابه 🤗💜💜💜💜💜
KAMU SEDANG MEMBACA
The white room
Hororكلنا نعرف ان التعذيب بشع بكل انواعه. لاكن يا عزيزي القارئ هل سمعت من قبل عن التعذيب النفسي؟؟؟ هذا ما ستعرفه اليوم.
