"ဒီအိမ် ဟုတ်တယ်မလား"
"ဟုတ်တယ်"
သူ ကားပေါ်မှ ဆင်းလိုက်ချိန်တွင်တော့ ကျန်းဟောင့် ကားကိုကွေ့ကာ ပြန်ဖို့ ပြင်တော့သည်။
"ဒါဆို ကောင်းကောင်းနေခဲ့ပါ။ ကျွန်တော် သွားတော့မယ်"
"ဟိုလေ ကျန်းဟောင့် ဒီမှာပဲ အိပ်သွားပါလား"
"ဟား ခင်ဗျားက ကျွန်တော့်ကို ဘာထင်နေတာလဲ"
"ဟာ မဟုတ်ရပါဘူး။ ကျွန်တော့် အမှားကို သေချာလေး တောင်းပန်ချင်လို့ပါ။ အိမ်ပြန်ဖို့ကလည်း ဝေးတယ်လေ။ ကျွန်တော် ပြောစရာတွေလည်း ရှိသေးလို့ပါ။ ခင်ဗျားလည်း အရက်သောက်ထားတာဆိုတော့"
ခဏစဥ်းစားပြီးနောက် ကျန်းဟောင့်က အဖြေပေးလာသည်။
"စကားပြောဖို့ပဲ လိုက်လာမှာပါ။ ပြီးရင် ပြန်မယ်"
"အာ အိုကေ"
ကားပေါ်မှ ဆင်းလာသူကြောင့် ပြာပြာသလဲ အိမ်တံခါးကို ဖွင့်ပေးရင်း မီးဖိုချောင်သို့ အပြေးဝင်ကာ ပျားရည် ၂ခွက်ကို သွားဖျော်ရသည်။ ထို့နောက် ထို ခွက်၂ခွက်ကို ယူကာ ဧည့်ခန်းတွင်း ထိုင်နေသော သူရှေ့သို့ သွားချလိုက်သည်။
"သောက်ပါဦး"
"ကျွန်တော့်ကို ဘာပြောစရာ ရှိလို့လဲ"
"ကျွန်တော် ခုန နမ်းမိတာ မူးနေလို့ မဟုတ်ပါဘူး"
"ဘာများလဲလို့"
အေးဆေးပြန်ဖြေနေသော်လည်း သူ နောက်ထပ် ပြောသည့်စကားကို ကြားလိုက်ချိန်တွင်တော့ ကျန်းဟောင့်မှာ သောက်လက်စ ပျားရည်တို့ပင် သီးသွားရတော့သည်။
"ကျွန်တော် ကျန်းဟောင့်ကို သဘောကျနေလို့ပါ"
"အဟွပ်! အဟွပ်!"
"အဆင်ပြေလားဗျ"
အဆင်ပြေကြောင်း လက်ကာပြတော့ ဆောင်းဟန်ဘင်းက သူ့စကားကို ရှေ့ဆက်တော့သည်။
"သဘောကျတာထက် ချစ်လို့ပါ"
"ကျွန်တော့်ကို နောက်နေတာလားဗျ"
YOU ARE READING
And I
Fanfiction쏟아지는 Like And I and I 그중 하난 내 거야 ~~~ Centerz One Shot in Burmese 18.07.23