-نزل رجلك بلكاع وراح تبقى طول عمرك ادور عليها
تفاجأت اشوكت اجى،وين ماشفتو،ولا حسيت عليه الشاب حرك سيارتو بسرعه واني رحت اخذ جنطتي لزمتها بيدي بيها جواز السفر والمستمسكات مااشوف الا توريفار مبحلق عيونو والرعب بيهن والخوف دمرني
ابتعدت خطوات راكضه وهو يمشي بسرعه لزم ايدي حيل رجفت وكل جسمي نفض خوف احس ماتخلص من توريفار ابد،راح يبقى وراي
كال من بين سنونو
-هناااا الشارع تعاي ركبي
-عوفني الله يخليك عوووفني
-اسمهان اخررر مره تعاي صعدي السياره لا اااااااتصرف غير تصرف ميعجبج
اخذني من ايدي شخط،ركبني السياره،رفع ايدو بحركه عسكرية للسياره الجانت تراقبني،عرفت هذا العسكري المخلي يتابعني،نهارت كل قوتي مااريد ارجع للبيت مااا
ركب راد يحرك السياره فتحت الباب من جهتي بس هو اسرع مني بيدو سده
شخط السياره حيل عطت بيه
-ووولك مااريدك ليش تخلي ناس ورايه تفتر،ليش انت صرت كاااابوس بعد ماجنت حلم وردي
-اسكتي وولج الحق هسه صار عليج اشلون اطلعين
-لاااابله وتريد ابقى يمك مووو
-وشبيه ابززز
-لااااا صرت طليقي
-لاااا تعيديهاااااا
-طليقي
-اسكتي اسمهان كل شياطين الدنيا گدام عيني هسه
-طليقي،طليقي،طليقي
جنت احجي مثل اغنيه بس العبره حاسره بصدري ردت ابجي بس بس عيوني صارت على ايدو لافها بقطعة القماش مثل ايشارب تصير اسوي بيها تسريحة الشعري لو كعكه لو ذيل حصان لونها وردي بس كد الدم صايره حمره حتى الستيرن من يسوق ممسيطر عليه لان ممليه دم ماعرف اشلون مسيطر
درت وجهي كال بعصبيه
-هااااا ثاني مررره اسمهااااان
رغم خوفي بس كتلو بقوه
-اوووو مو الاخيره مو الاخيرة وحق الله
توريفار- تمام يصير خير
وصلنا باب البيت مفتوح وكف السياره أشر للعسكري يسد باب الطارمه نزل قبلي عصبي نار طلع رن موبايلو جاوب
-ماااايحتاج اكلك جيب سيارة المدام بسرعه
ألتفت عليه دخل جدامي واني واكفه بره
كال
-دخلييييي
اسمهان-مااادخل هنااا هنتنيييي جدامهن
،هناااااا ضربتنييييي يمهن،وولك ماادخل
اجى عليه راد يجر ايدي دفعتو حيل من صدرو بثنين اديه وبقوه
اسمهان- ماااادخل وماااااتلزمنيييي ومااااسمحلك تلمسنييييييي فاااااهم
-اسمهاااااااان
-بلااااااااا صخمان بلاااااااا اسمهان كاااافي
ماعاد للصبر احدود دفعتو من صدرو بكل قوتي
-دخلييييي عيب منا الجوارين
-ووحقيي ؟ وكرامتيييييي
-يجيج مربع
دخلت نافره وخايفه منه
كعدت بصاله
كال
-صعدي الغرفتج
-ماااصعد ماااااااصعد لو تموت
-صعدي دكلج راح يجون خطار
YOU ARE READING
حين تحكي أسمهان
神秘 / 驚悚أصعب أنواع الفقدان أن نشعر بفقدان شيء بداخلنا ، تفاصيلنا البسيطة ، ضحكاتنا القديمة ، شغفنا ولهفتنا اتجاه الأشياء ، ما أصعب أن نفتقد أنفسنا ونبحث عنها في أعماقنا ولا نجد لو جزء بسيط منها..هذا ماتعيشه اسمهان
الحلقه الاخيره
Start from the beginning
