السلام عليكم ورحمة اللَّه وبركاته
النار جاهزة والجنة جاهزة
أنـت جاهز ؟
د/حازم شومان🤎🤎🦋
______________________________
*ليس من المفترض أن تكون لي ولاكنني احبك وما زلت احبك كبريائي يمنعني وكل شئ يقف بيني وبينك🌷💗
______________________________
فادي بعزيمه:في اقل من اسبوعين يكون مسلم للعدالة!
********************************
جهاد:الو يا حبيبه خير بتتصلي ليه؟
حبيبه:بتصل ليه؟مش عارفه اوصلك بقالي خمس شهور و قلقانه عليكي وفي الاخر نقولي ليا بتتصلي ليه ؟!
جهاد:مش القصد ومش طالبه نكد عشان انا الي فيا مكفيني
حبيبه:ما انا بقا عايزه اعرف مالك واشوفك ونحكي لبعض زي زمان دا انت البيست فريند ولا لقيتي واحده تانيه.؟
جهاد:بطلي عبط لقيت واحده تانيه ايه هو انا جوزك؟
حبيبه: ياريت ياختي اتجوز انما نفسي حد يتف في وشي مش لاقيه
جهاد بضحك: والله ضحكتيني بقالي مده مضحكتش..بقولك ايه
حبيبه:ايه؟!
جهاد:تعالي نتقابل بكرا ايه رأيك اصلك وحشاني اوي
حبيبه بحزن مصطنع:دلوقتي وحشاني كنت من شويه بتصلي ليه؟
جهاد:خلاص يا ختي دا انت وش فقر بلاش نتقابل
حبيبه:خلاص خلاص اخر الاسبوع الساعه سبعه بليل كويس؟
جهاد:اه مناسب اوي
حبيبه:خلاص كدا اتفقنا يبقا يوم الخميس نشوف هتقابل فين في نهايه الاسبوع
********************************
اياد بجديه:هتركب معايا العربيه يا فادي وانا جددت اشتراك الچيم عشان جسمك يكون كويس كدا زي زمان يا حضرت الظابط
فادي:تشكر يا اياد
وركبو العربه منطلقين للمقر✓
النقيب:ركزو معايا دا مجرم خطير جدا ومن اشهر الماڤيا العالمية احنا مش عارفين هو عايز ايه وايه الي جابه لوحده مصر وفين بقيت العصابه بس الي احنا عايزينه انه لازم نقبض عليه متلبس في اي حاجه لأن المافيا الامريكانيه دي خطيره اوي حتي امريكا نفسها خايفه منها فلو قضينا علي واحد هنقضي علي الي بعدو لحد ما نخلص عليها طبقاً للتحريات جميع الدول ان هما تقريباً ١٥ فرد ولا واحد فيهم بيسيب دليل وراه عشان كدا مش عارفين نقبض عليهم علي الرغم ان احنا عارفين ان هما ماڤيا ومتأكدين ان كل جريمه بشعه هما وراها بس مفيش دليل يدينهم احنا بقا عايزين نمسك العضو دا مهم عشان يقر عليهم عشان نحبسهم لان جرائمهم بدون رحمه وكل الدول متضرره اقدر اعتمد عليكم يا حضرت الظباط ؟
الظباط: طبعاً يا فندم
النقيب:الخطه كالآتي للاسف احنا ولا معرف شكله ولا حتي اسم كل الي نعرفوا ان هو في مصر لوحده لان كان في متفجر في مستشفى الحروق ولحسن الحظ الظابط المسؤول عن القنابل كان بيزور بنتو هناك وعرف الخبر وبطل القنبله بكل احترافيه وعرفنا انو هو الي ورا الموضوع دا لانه ساب علامته علي القنبله
اياد:اسف لمقاطعتك يا حضرت النقيب بس هو اكيد قاصد الحركه دي
النقيب:براڤو يا اياد هو فعلاً قاصد واحنا بعد تحري كبير عرفنا ان في ٢٠ واحد فرنسي نزل مصر ومفيش جنسيات تانيه جت مصر يبقي مفيش غير هو لان المافيا دي فيها ١٢ امريكي وفرنسي وواحد روسي..فاحنا للاسف اكتشفنا دا بعد مرور تقريباً ٣شهور عليه في مصر راقبنا تحركات ال ٢٠ شخص ومشكوك في واحد فيهم ودا هو تقريباً العضو الي ماڨيا الي احنا عايزينه والطلوب من كل واحد فيكم انو يلاقي لينا دا
والقنا بصوره لايوجد بها ملامح غير كاب اسود وملابس سوداء
النقيب:عارف ان الامر صعب لان مفيش فيه ملامح بس انتو ٥٢ ظابط قسمو نفسكوا علي ٢٨ محافظه في مصر مع مساعده من الاقل منكم في كل محافظة حاولوا تعملو كمين والي هيمسك بيه هيكون ليه ترقيه في نفس اللحظه
واكمل بصرامه:انتهي الاجتماع..انصراف
الظباط بصوت عالي:تمام يا فاندم
اياد:شايفك يتفكر يا فادي في فكره في دماغك؟
فادي:ممكن يكون هو الي خبط جهاد بنت خالتي لان الخبطه كانت نفس المده والشكل الي في الصوره
اياد:اه شوفتك اتصدمت كدا لما شوفتو
فادي: هنروح نقسم احنا والزمايل بس انا وانت هتكون اسكندريه وقاهره عندي احاس انو في الحيز دا
اياد بصرامه:عُلم يا حضرت الظابط
وتم تقسيم الظباط علي كل محافظة وكل حي ومدينه وتم تشديد المراقبه علي ٢٠ فرنسي ولاكن المشكوك فيه كان يتنقل كل ساعه الي محافظة جديده بدون استخدام اي وسيله مواصلات عامله
********************************
مجهول بضحكه خبيثه:عرفتو متأخر اوي ان في ام الدنيا زي ما بتقولو...واكمل بضحكه شريره:لعبه القط والفار بدأت يعني؟!
********************************
بعد اسبوع من القلق الترقب من الظباط الامساك بالمجرم حتي مره خمس ايام
يوم الخميس في منتصف الليل
صوت هاتف~
فادي:في حاجه يا اياد؟
اياد بزعيق: بسرعه يا حضرت الظابط كان فيه محاوله اغتيال حصلت لوزير من الوزراء بتوعنا بسرعة يا حضرت الظابط علي القاهره فوراً
فادي:لأ مش هاجي يا اياد انا هفضل هنا دا تمويه شدد الحراسه علي المحافظات المجاورة القاهره
اياد:علم
فادي:دا انت يومك اسود يا مجرم انت وربنا محد هيمسكك غيري
وذهب مسرعاً ليرتدي درع مضاض للرصاص واخد الاسلكي وانطلق بالسياره
ظلوا علي هذه الحاله المشدده طول اليل
********************************
جهاد:انا كدا تمام..عايز حاجه يا صلوحه قبل ما انزل
صلاح:خالي بالك في تحزير أن في مجرم خطير
جهاد بضحك:متخافش يا صلوحه يعني هيسيب الميت مليون ويجي ليا انا
قبلت جدها وذهبت
وضعت السماعات في اذنها وسارت ترقص في الشارع علي اغنيه (بس انا عايز ابقا سنجل) بريئه من ذنوب اي حد يسمعها*･゜ﾟ(^O^)↝
جهاد بصوت شبه عالي:ماما ليدي ماما ليدي...
وقفت علي الطريق الذي سوف تقابل عليه صديقتها وهي تتصفح هاتفها وتنظر لصوره فهد حبيبها وهي تسمع الاغنيه...عندما جاء الفاصل بين كل اغنيه سمعت صوت سرينه سياره الظباط...
واتت الاغنيه التاليه(ايه دا هو انت جيتي؟)بريئه من ذنب اي حد هيسمع الاغنيه(^^)
نظرت لتري لماذا كل تلك الاصوات
عندما رفعت عيناها من الهاتف نظرت لذلك المقنع الذي يرتدي اسود ويقود موتوسيكل ووراءه سيارات الظباط
نظرت له بصدمه وهو نظر لها بنفس الصدمه
كانت اقل من ثواني لتلاقي اعينهم ولاكنها كانت بالنسبة لهم ساعات وكأن الزمن توقف عندهم
فصل تواصلهم عربيات الظباط ونظرت وجد فادي
جهاد وهي تزيل سماعات الاذن:فهد؟فادي؟قالت بإدراك وهي تضع يدها علي فمها بشهقه:فهد هو المجرم الهارب؟لأ لأ لأ اكيد انا بتخيل
نظرت لامام في الفراغ بصدمه وجرت في نفس الطريق الذي سلكته العربات هي لاتعلم اين تذهب ولكنها تريد اللحاق بحبيب قلبها وتريد ابعاد فادي عنه
جهاد : لأ مستحيل معقول دا يكون فهد ويكون مجرم هارب ولأ ومين الي بيلاحقو فادي!يالا سخريه القدر مني
جريت مسرعه وتجاهلت صوت حبيبه التي تصيح خلفها وتناديها
وصلت جهاد لمكان فارغ وهي تنهج
صوت شخص:خلصتي؟!
جهاد برعب:انت....
الشخص:انت خطر عليا وهضطر اقتلك الانك الوحيده الي تعرفي شكلي
جهاد:انت ف..ه..فهد..انت فهد
فهد بصدمه:عرفتي اسمي منين؟
صوت الرياح~~
فهد:مش بتردي ليه؟
جهاد:في...في الحقيقه انا...
صوت عربه
حبيبه بخضه:كنت بتجري ليه يا مجنونه الحمدلله اني معايا عربيه ايه اتهبلتي؟
جهاد:هو فين؟
حبيبه:هو مين؟
جهاد:فه..قصدي الي كان واقف معايا هنا
حبيبه:شكلك عايزه تنامي او تعبانه تعالي اروحك
كانت واقفه مصدومه وحييبه تجرها ولاكنها لمحت فهد يضع يده علي فمه بمعني لا تقولي لاحد اي شئ ووضع يده علي رقبته بمعني احسن اقتلك
رمت حبيبه جهاد في العربه..وبدأت في السياقه
حبيبه:قولي بقا مالك
جهاد:ها!؟
حبيبه: انتي هتستعبطي يا بت قولي كل الي حصل ليكي من ساعه الغيبوبة
حكت جهاد كل شئ لحبيبه عن الغيبوبة ما رأته فيه وعن فادي وأنها تريد البحث عن ذلك الشخص
حبيبه بضحك:انت عبيطه انفصلتي عن حب حياتك بسبب واحد في الغيبوبة الله اعلم هو واحد حقيقي ولا لأ ولا حتي عارفه اسمو بس عارفه شكلو°°انا بقولك اتأسفي لفادي لانه بيحبك وارجعوا لبعض وخلاص
جهاد بغضب:هو انا بحكي ليكي عشان تقولي كداااااااااااااااااااااا ؟!
حبيبه:خلاص خلاص انت هتكليني؟طب قولي المواصفات عشان ادور معاكي علي الشخص الوهمي دا مين قالك انو حقيقي
جهاد:هو حقيقي قلبي بيقول كدا
حبيبه:طب ياختي امشي ورا قلبك لحد ما نروح في داهيه...واكلمت بتريقه:تعرفي ايه؟
جهاد:ايه؟
حبيبه وهي تقلد المدرسين:انت يا بت يا جهاد بتحبي تتعبي نفسك فضلتي تحبي في فادي كتير اوي اوي وتلمحي وتجري وراه لما جه اتقدم وخلاص الفرح كان خلاص قرب روحتي دخلتي غيبوبه عشان ترجعي لنقطت الصفر وتحبي واحد تاني وقال ايه مش متخيله فادي غير فادي صاحبي بتاع السن..هتجري تاني وراه وتحبيه وياريت ومتعملي حاجه لما ترطبني بيه رسمي
جهاد بضحك:لأ متخافيش
********************************
فادي بغضب:ضاع منا كان بينا وبينه شبر حول
اياد:حصل خير يا حضرت الظابط احنا هنشدد الحراسه علي جميع المحافظات ونعمل عليه مصيده من غيرك مكناش عرفنا انو كان عامل تمويه لينا حول
صوت المقيب:ظباط عرفنا رقم الموتوسيكل وهو (١٤٨٧/أ.ب)حول
اياد بعزيمة:في غضون ساعات يكون تحت رجلك يا باشا حول
~بعد عشر دقائق~
كان اياد قد وصل لمكان فادي
فادي بغضب:في حاجه مش مفهومه يا اياد!
اياد: ايه هي يا فادي؟
فادي بغضب: جهاد
اياد بتعجب:مالها؟
فادي بغضب وقد احمر وجهه:انا شوفت المجرم دا بيبص ليها وهي بتبص ليه بصدمه
إياد: اكيد بتتخيل ايه الي يجيب جهاد هنا ولاكن ثواني كدا!
فادي:في ايه؟
إياد بصرامة: ركز في شغلك يا حضرت الظابط فادي يظهر انك محتاج دكتور نفسي ركز في شغلك وخلاص جهاد المفروض تكون صفحه و انطوت
فادي:اقسم بالله انا شفتها بجد!
إياد بصرامة:حضرت الظابط شوف شغلك احنا في مهمه مهمه جدا حياه او موت شوف شغلك يا حضرت الظابط عُلم؟
فادي بحزن:عُلم
********************************
جهاد بتعب:وصلت يا صلوحه
صلاح: حمدالله علي السلامه يا جهاد هتتعشي؟
جهاد:لأ مش ليا نفس
ودخلت مباشره علي المطبخ وحضرت العشاء لجدها وقالت:كل انت بالف هنا وانا هدخل انام عشان مصدعه
صلاح:ماشي يا حبيبتي تصبحي علي خير
فتحت باب الغرفة واغلقته
صوت اضاءه النور*
جهاد بشهقه:ان..انت...انت بتعمل ايه هنا وجيت هنا ازاي؟
فهد وهو جالس علي السرير :اتأخرتي كدا ليه يا جهاد مكنتش اعرف انك هتتأخري كدا عما تيجي؟الاوضه بتاعتك حلوه علي فكره
جهاد:انت جيت هنا ازاي وعايز ايه؟
فهد: مقولتيش ليها ليه علي اسمي وشكلي وانك قابلتيني؟
جهاد:ه..هي مين؟
فهد:حبيبه صاحبتك
******************************************************************************************************************************
ااااخ حمااااااااااااااااااااااااااااااااااااس
اخيرا الاحبه اتلاقوا...
تتوقعوا هيقتلها ولا هيسيبها وعرف ازاي المحادثه الي حصل بينهم كل دا واكتر في البارت الجاي
♡゙بحبكم ودا اكيد♡゙
YOU ARE READING
قدري
Romance"حبيبي لا يباح لغيري..خلق لي♡" "كل شئ معك مختلف حتي ضحكتي " "واشتهي التعطر بك عنقاً"
