من متشردة إلى زوجة الغني الوسيم ☺️❤️‍🔥

Part5

مدازش بزاف ديال الوقت حتى سمعت صوت راجل كيعيط ليا: نورة....... نورة........... نورة فييقي!.....
أنا حليييت عويناتي بشوية بشوية و عاد عرفتو هو عثمان!
رجع و دخل عندي و جلس جنب السرير و بدا كيفيقني! يسحابليه أنا باقية ناعسة، و هو يضربني فترمتي و قال: ايوا هادي هي الهممممممزة و إلا فلا!! ههههههه
أنا قلت ليه بصوت نااااعس: مممم، آش من همزة؟؟!
عثمان: اه! نورة فقتي؟!
أنا درت و جمعت راسي و جلست عادي حيت كنت ناعسة لوضعية لي شوية حشوما قدامو!! قلت ليه: ههه، محسيتش داتني عينيا!
عثمان: مهم مزيان لي فقتي! أجي را مريم وجدات لينا الطبلة (قرب لودنيا) عندي بزاف منقول ليييك!
أنا حركت راسي بأه و مشا و خلاني.
أنا منين نضت مشطت شعري و قاديتو كان صافي نشف من الما و رجع واااااااعر😍 أصلا زوين و ميحتاجش سشوار!!🤭😌 ههههه.... صافي مشطت حجباني دغيا، و درت واحد عكير خفيف صافي، وليت زوينة!! >>>
هبطت و شفت عثمان من الفوق جالس على طبلة تبارك الله مشكلة و مخلي كرسي مقابل معاه خاوي!
وش غنقول ليكم ناااازلة و صدر كلو كيتهز و ينحط معايا و فخاذي و حنيكاتي! بقا غير حااااال فمو فيا!🤭🤭🤭😌
هبطت جلست فالكرسي و بدينا كناكلو و كندويو فنفس الوقت:
عثمان: ايوا ا نورة كي داز النهار؟
أنا: ويلي اسي عثمان! داز فننن! صراحة عجبني الحال بزاف!
عثمان: هاهاهاها! مزيان، و دكشي لي بغينا ا نورة! يا نواااااارة ديل هاد الدار!!
أنا: اويلي اسيدي!
عثمان: و علاش قلت شي حاجة عيب!؟ نورتي عليا الدار و عمرتيها!!
أنا: (الصمت)
عثمان: ايوا دابا...... قولي ليا اشنو طرا ليك حتى خرجتي من دار..... عمتك... قلتي ليا ياك!؟؟
أنا: اه عمتي سميتها مليكة! ايوا أنا قلت ليك يتيمة واليديا ميتين، و بقيت عايشة مع عمتي! كنت ديما أنا الأولى فالمدرسة ولكن هي حرماتني من أكثر حاجة كنبغيها لي هي قرايتي و حبساتني نهار كامل و أنا وسط الماعن و الجفاف دايراني بحال شي خدامة هي و بنتها! عليها و على راجلها و ولادها!
و فاللخر مرجعيني أنا لي بنت الحرام و ممربياش و منسواش و كندور ليها بولدها! لي زايدها حتى هو نهار كااامل حاضيني و تابعني و طامع فيا!!💔
عثمان: يحسن عونك دك ساعة! و ماشي حرام!! هاد الزين كااااااامل: البيوضة و العوينات و الشليقمات و اليديدات و هد الخير كاااامل يبقا يتعذب بوحدو فالكوزينة!؟
أنا: معرفتش كيفاش كيفكرو الله ياخذ فيهم الحق! تعداو عليا ديل بالصح، و فالآخر رماوني فالزنقة!
عثمان: بالصح! حرام عليهم... كيفاش قلتي.... ولد عمتك طمع فيك؟
أنا: ااااه، حمزة! حمزة لي كنت حاسباه بحال خويا! طمع فيا و مد يديه عليا! و بقا يتكرفس عليا و يقيسني!! بالحق عمررررني مانسامحهم كاملين! و حتى من بنتها و ولدها الثاني و راجلها لي نقولو بعقلو ما دواوش ڨاع فاش خرجاتني للزنقة! يعني كانو باغيين ايمتا يتهناو منيييي!!!
عثمان: صافي صافي ازوينة! بلاما تفقسي راسك!
دوري عينيك! و شوفي نتي فين دابا! عايشة احسننننن منهم! أو لا؟؟
أنا: حاشا! تبارك الله الدار قدااااااش غير الجردة ماشاءالله يجريييي فيها الخيل!! و ديك الطوموبيل لي ڨاااع البنات كيشوفوها غير فالأحلام و لا فالتيليفون ههههه!!
عثمان: ههههه، متقوليش هكاك؛ نتي راك الزيييييين! و الزيين ايلا تشرط جات معاه!!! نتي تستاهلي تكون احسن من ڤاع البنات، حيت ماشي بحالهم كااااملين! نتي spéciale! و فكلشي!! و حتى العيشة ديالك حتى هي خاصها تكون بحالك spéciale!!
أنا: ههههههههه... ايوا شنو! هاد الزين ميستاهلش آخر تيليفون!!
عثمان: هاهاها! تستاهلي كل خير ازوينة! أنا كلي ديالك! نتي غير آمري، آمري و أنا بين يديك انورة ديالييييي!
أنا: الله يخليك ليا! واخا عرفتك نهار واحد! ولكن هد النهار تقدر عندي بعاااام! سبحان الله! العيشة لي مكنتش كنتصور فحياااتي ها هي دابا عندي و أكثر ما تخيلت!! الحمد لله ياربي! واخا حرمتيني من شحااال من حاجة عزيزة عندي، عوضتيني بالحظ!
عثمان: بالصح! ولكن كنشوف ربي ماحرمك من حتى حاجة تبارك الله ماناقصك والو!!
أنا: هههه، مابقاتش فالزين و لاطاي، هادكشي مكيدومش! بقات فالتربية و العقل و الاخلاق، هادشي هو الأهم اسي عثمان!
عثمان: عارف، عارف! ولكن بلاش هاديك "سي" كاينة ولا لا! ههههه
أنا: و اشنو نقول! هههه عثمان؟!
عثمان: الله! غييييير عثمان كااافية، و خارجة من فمك بحال العسل يا العسيييلة!!
أنا: ههههههه، عسيلة ڨاع!
عثمان: هه، شي حاجة متصوريهاااااش!
أنا: هههههه..

يتبع.....