نيـران أل رمـاح🤎..
بقلمـي: نـور حيـدر✨...
بـارت "5"
'أحيانًا ينتابكَ شعورٌ بالرغبةِ العارمةِ بالتلاشي..
ليسَ حزنًا ، و لا يأسًا ، فقط !
ولكنك تشتاقُ لأن يستريحَ كُلُّ شيءٍ فيك ،
جسدكَ ،
روحك..
و ضجيجُ الافكارِ في عقلك..
••••••••••••••••••••••
نعمـه/
راح البتـار بسرعه وره رُمـح و اني دخلت للبيت و اشوفهم بعدهم عصبييين و البنات هدئات خايفات اني كبل صعدت و بقيت ابچي على شكل رُمـح و عصبيته احسهم خذلوه بدون ما افهم شكوو ..
انتظرو يجي رُمـح بس ما أجـه لا هو و لا البـتار و خالتي تسبح و تصلي على محمد و عيونها كلهه قلق و خـوف شوي شوي بدت الناس اطش لهله و مابقه احد غيرنه و حبوبتي زهـرة ..
بقينه منتظرين بالاستقبال صارت الساعه ب1 الصبح و ماكو هما اني هنا بعد ما تحملت خفت ..
كلت لعمي :- فـدوه اتصل عليهم شوفهم وين راحـو ..
عمـي محمـد:- مادري بـويـه إتصل عليهم محـد يجاوب..
حچت خالتي اخيراً بعد سكوت :- ولكم تردون تموتوني شنو آلي اجه على بالكم و تتصالحون وي هذاك..
باوعت لعمي و كالت بنرفزه:- وأنت ليش ايدتهم و كلش زين تعرف بالصار و جنت اقرب واحد للمرحوم هيج تخذله ..
عمـي محمـد كال بعصبيه :- انيي شكوو هو ازهـر حچه هيج و كله ايدته و اني جنت رافض..
كالت بنرفزه:- جنت چا وهسه ليش قبلت ولكم ما شفتو عيون رُمـح و هيا تباوع عليكم واحد واحد وخاصه انت و حس بالخذلان منكم ..
بجت :- يما رُمـح سوده عليه شصاير بيك هسه..
حچـه عمـي بحركان كلب :- والله ما نسيت كلشي و اني لحد هسه ما قابل و اذا كله توكف ضد رُمـح أني ابقه وياه و من زمان اتبريت من سالم و كتلهم ماعندي اخو إسمه سالم..
سكتوو كلهم بس كله عصبيه و حبوبتي ساكته مدري ليش ما تحچي اني و عفراء وحده تباوع لثانيه و خايفين..
طلعت بره و كلبي راح يوكف من الخوف اول مره هيج يتأخرون وين رحت يا رُمـح فدووه أرجع خل كلبي يرتاح ..
اجتني عفـراء كالتلي بهـدوء:- يكول أبوي خل تدخل و تصعد تنام الولد مراح يجون ..
غوركت عيوني و كتله :- فدووه وين راح كلبي خايف عليه
ليش هيج عصب من كالوله راح يراضون عمه سالم شكو شصاير شمسوي بـ أخـوي..
حضنتني عفـراء:- لا تخافين مابيهم شي ترى و كلشي راح يتوضح مو اليوم باجر فا لا تفكرين .. امشي خل ندخل جوه تـرى أبوي صاير عصبي كلش و لا يذب حركته بينه ..
دخلت جوه ما لكيت كل احد دخلو لغرفهم يمكن ،
كلت لعفراء :- صعدي أنتي اني باقيه هنا لصلاة عود و اصعد ..
