الكاتبه زهراء فلاح ✍🏻
صوتو حلواتيي حت استمرر ♥♥🌹.
---------------------------------------------
ورود : من شفت مصطفى شلون يعاملني وشفت خوفه عليه اتحرك شي بداخلي اتجاهة
وبقيت بصراع ويه گلبي وعقلي
اريده وما اريده
اريده لأن حالي حال اي بنيه تحلم تحب وتتزوج ويصيرون عدها اطفال واسره
وما اريده لان ما احب احد يعرف الماضي العشته
مرت الايام ووصلت امتحانات الكورس الاخير مال مرحلة الأولى
امتحنا ووره فتره رحت حته اجيب نتيجتي
طلعت ناجحة بمعدل جيد جدآ الحمد لله
وسوزان هم نجحت
ووراها راح تبدي العطله الصيفيه وهذا اخر يوم النا نداوم بي قبل متبدي العطله
چنت گاعده بالنادي گامت سوزان اتجيبلنا عصير
اجه مصطفى وگعد گبالي
مصطفى : صباح الخير ورود مبروك على النجاح
ورود : صباح النور مبروك عليك تسلم
مصطفى : ورود ما حن گلبچ علي تره والله رايدچ بالحلال
بس انطيني فرصه والله اخليچ اسعد بنيه
اخلي البنات يغارن من حبي ومعاملتي الچ
ورود : مصطفى انه مو من مستواك احنه ناس على گد حالنه وانتم عز وجاه شوفلك وحده تليق بيك
مصطفى : ورود اذا انتي تهمچ المضاهر اني متهمني
اني حبيتچ الچ ما حبيت مكانتچ ولا يهمني شنو وضعچ واهلي هم ما تهمهم هاي الشغلات
واني اقرر منو اختار هم اللي يهمهم سعادتي
واهلچ هم ما اعتقد راح يرفضون بعد ما يسألون عليه
احنه ناس معروفين والكل تتمنه اناسبهم
يعني الأمر متوقف عليچ انتي بس
گليلي ورود انتي تحبين احد اكو احد ابالچ واني جاي اضغط عليچ
ورود : لا محد ابالي بس ما اريد اتزوج لأسباب اتخصني ومو من صالحك ولا من صالحي تعرف هاي الاسباب
مصطفى : ورود حيرتني اكثر من گالت اكو اسباب
وبهذه الاثناء اجت سوزان وگلت اكيد ورود بعد متگدر تحچي سحبت دفترها من گدامها كتبتلها رقمي
وكتبت يم الرقم ارجوچ انطيني فرصه
وسلمت على سوزان وباركتلها على التخرج
واستأذنت منهم ورحت .
سوزان رحت اشتري عصير باوعت من بعيد شفت مصطفى گاعد يم ورود حاولت اتأخر شويه حته ياخذون راحتهم بلكي هالثوله اتوافق
بعدين رجعت شفت مصطفى لازم دفتر ورود ومن شافني ترك الدفتر من ايده وگام سلم عليه وراح
كعدت يم ورود
ها ولچ چنتي تحچين ويه حبيب الگلب ومن وراي يا خاينه 😂
ورود : والله هو اجه وگعد يمي عيب اگوم وافشله
حاجاني بنفس الموضوع
طلعتله عذر بس ما يقتنع شو هذا كتبلي رقمه على الدفتر
سوزان : ورود اذا تعزيني انطي فرصه
حاولي تاخذين وقتج وتخابرينه
تره الفرصه تجي مره بالعمر لا تضيعين فرصتچ...
يتبع...
