.
.
.
•
شذا في غرفتها تكلم حسين و سالها : انت بتشتغلين في مكتب عمي صدق
شذا : ان شاء الله ، مره متحمسه
حسين : بس انا ما ابغاك تشتغلين ، وخاصه بين الرجال
شذا تضايقت من كلامه وبس مابينت : ليش ما تبغى
حسين : ما ابغى زوجتي تشتغل بين الرجال وتسولف معهم بعدين المفروض عمي يقربني له اكثر انا ولد خاله وزوج بنته افضل من سلطان الغريب
شذا : حسين انا من يوم كنت صغيره وانا ابغى اشتغل في مكتب بابا ، وبابا موافق لكذا دخلت تخصص ادارة وبالنسبه لشغلك اثبت جدارتك وتستحق ابوي يقربك
حسين : بس انا زوجك الحين امرك بيدي
شذا : امري بيدي انا يا حسين
حسين : وش قصدك
شذا بعصبيه : انت مالك في عملي ودراستي شي ، كل اللي مطلوب مني احترمك واقوم بواجباتك
حسين بعصبيه : ليش طرطور عندك انا
شذا عرفت ان هذا النقاش راح ينتهي بهوشه كبيره بينهم وزعل قالت : حسين انت حبيبي وزوجي ، بس انا لازم اشتغل في حلالنا علشان اساعد ابوي ، ابوي ماعنده ولد يساعده ، لكذا هو محتاج لي ، وانا متربيه واعرف اتعامل في الرجال ووقف كل واحد عند حده
حسين : انا موجود ، انا اساعد عمي ووقف معه ولا ماتثقون فيني
شذا : طيب انت تشتغل معنا هذا زين
حسين : انا ابغى اكون اليد اليمني لعمي ابغاه يعتمد على مو على سلطان الغريب
شذا : كل مره ترجع تقول سلطان ، لازم تعرف ان سلطان غير
حسين بعصبيه : غير في ايش
شذا : ابوي يحبه وهو يشتغل معه من زمان ، حسين كلامك غريب مره ما ادري ايش الهدف منه
حسين : ليش غريب انا زوج بنته وولد خاله المفروض انا اللي اكون قريب منه مو سلطان
شذا تذكرت الكلام اللي سمعته يوم زواج ندى وزيد ، وسالت : حسين ليش حبيتني
حسين : واضح تدورين مشاكل بسكر الحين
قاطعته شذا : كل مشكله بينا تهرب وتسكر
حسين : علشان ما ازعلك
شذا : هذه مو طريقة نقاش ، لازم تتكلم
حسين : واضح انت مقرره من اول ولا يهمك ايش ابغى ، لكذا راح انهي النقاش
سكر حسين وفي داخله نار شابه شكله راح يتعب كثير معها
كان يظن انه قدر يسيطر عليه
اما شذا بدا الشك والخوف يتسلل داخلها ناحية حسين
![](https://img.wattpad.com/cover/346289270-288-k916617.jpg)