حمامة الشهم ( مكتملة )

25...Part

غمزلي وحجه ضربت كتفه بخجل وضميت راسي احجي _

_ كافييي شبييك ليش تخجل بيه

_ ههههه يله يله بعد ما اخجلج احجي

_ امم ليش جنت اهمك

نام على ضهره وفتح اديه يحجي وعيونه راخيات وعلى وجهه ابتسامه خفيفه _

_ تعالي هنا ماريد تبعدين عني ابرد

_ اشغلك الصوبة

_ تعالي حبيبتي هو انتي شكول مغازله

رحت يمه ونمت على صدرة لماني حيل يشم بشعري _

رائد_ امم تريدين تعرفين ليش اعزج

_ اي

_ لان جنتي حيل حنينه حيل هادئة حيل حبابة وحلوة

_ صدك شلون يعني حبابة شيسويت يعني

_ اممم خل اسولفلج هو احنه اليوم كاعدين للصبح كاعدين

_ امم سولف

_ اممم جنت جاي للبيت مثل كل مرة تجي اجازة من الشركه سنوية اقل من الشهر بهاذا الشهر ما اكعد اشغل مو شغل ثابت كل ساعه شغل ماريد امي تحتاز شي ولو ما جانن هواي هم اجيب ملابس السوسن وجنطه مالت مدرسة وهيا جانت زغيرة وناعمه كلش اخاف عليها تروح من الصبح وحدها مشي للمدرسة طريق كله جلاب واخاف الجهال الي واياها يكتلوها

_ امم

_ اي وبيوم من رجعت للبيت جنت نايم بالستقبال وكعدت على اصوات جهال احنه ما جان عنده طارما وبيته اقرب بيت للمدرسة يعني اول بيت
كعدت معصب اريد اطردهم طلعت من باب الاستقبال اسب والبس بنعالي
بس سكتت من شفت بنية زغيرة كاعدة على طابوكه يم شباك الاستقبال مخليه اديها على خدها وتبجي بصمت

رحت عليها منقهر عليها اريد اعرف شبيها اموت ولا اشوف طفل يبجي

_ بس لا هاي اني

_ امم انتي من رحت كعدت كبالها خافت وتمسح بدموعها وخشمها تريد تباوع علي بس تخاف كتلها بابتسامه ماريد تخاف

_ شبيج عمو ليش تبجين احد وياج

كامت من يمي بخوف وراحت وكفت يم الشجرة جانت فجر الدنية يمكن ساعه ب 5 ومثل الليل عفتها ورحت صيحت على الجهال يرحون منا يلعبون جانو هواي وكحين وبس هيا الي ساكته بينهم من شافتني طردتهم راحت تركض وياهم بخوف بس اني صحتلها

_ تعالي تعاليي انتي

ضمت روحها ورة الجهال رحت عليها لزمت ايدها اجرها كامت تبجي وتكول _

_ اسفة عمو والله بعد ما اجي يم الباب اسفة

_ تعالي عمو ما اكتلج تعالي اكعدي جوة باردة

تبجي وتجر بيدها خايفه الجهال يباوعون عليها باستغراب ويكولون _

_ امداج الجبانه روحي اكعدي يم الصوبة