I told the star about u == [Mizo BL]

Ka lo ru

I told the star about u

2

_____________________________________

Music ri hut" kar ah chuan a hmei a pa in an bu suau" a....Lo in sual tawk lah bo lo mi hausa aṭanga mi reithei kawh mawh bawl tak" thlengin an awm, a chang leh an thu in hmu lo in kut an in thlak chang nei tho mahse nun hi chu awlsam taka sim maitheih a ni silo.
Dar 10 bawr vel chuan Arthur a lo thleng a...A hnu deuh ah Mama a lo thleng bawk.
Arthur in Hming Hmingi a hmuh chuan Kevin pawh hnaih duh lo in zu chu a hran in a keng a..Ding chung chuan mi che vel chu a en mai" bawk.
Mama chu a bul ah lo kal in 'Saw kan lem chan thiam i pawn a chul nel leh thuak" tawh saw' Ti in Arthura chu a nek zeuh a.
'Award pek tlak alawm a nih' ti in an sawi dun...An ṭhianpa bialnu chu an ni tluka hre chiang an awm hran lo ang...A chhan chu MaMa Pa fa hmasa a ni tlat...Arthura nen an tleirawl chhuahin an in ngaizawng a,mahse a rai ta kha a nia...Step ah ka lum a ti tak na in a hnu ah a ti tlak thu an hre leh a nih kha....Chung zawng" hre tho tu Kevin chuan a duh em" mai bawk si.

Zan a rei telh" a...reh lam nilo in zual lam an pan tulh" a maw tih mai tur a ni ..Arthur chuan an piah deuh lawka Kevin ten an hmuh tho Mipa leh Mipa in fawp ngawng" chu a hmu a.
Kal hrangin chu lai a awm ve an ṭhianpa ni awm tak chu a va fawp ve ringawt ...Chu tah a bialpa ni ngei tur hian a rawn hnek nghal chawrh a....Chu tia Party na hmun a mipa lar leh hmelṭha te in sual chuan tu mah a mood ah a awm tir thei tawh lo ..'Zawng sen engtin nge i khawih ngam?' tih leh Kevin rawn tlan phei a rual a...An in sual ta nghek.

Mipa pakhat zawk lah chuan a bialpa chu a hauh hle hi a lo ni a....An in sual tawp hnu te chuan a hmui te chu a hruk sak nawk" 'Neih in ang in kawp kan ni mahse in sawi theih a awm lo kan nun a ni chuan mi bialpa lo i lo fawp tawh dawn nia' ti in a kai a..An ṭhian pali in an chhuak ta daih.
Arthur chu a nui hak a....'I â a mi?' Hming Hmingi chuan a rawn ti a...'Ngawi hmak rawh' A lo ti thung a chhuak zui ve a,a bike ri thum vut" chu hriat tur a awm zui nghal.

Arthur

In ah ka haw chuan ka nu in min lo an khum leh emaw a ni awm sia....Haw lo chuan ka tlan kawi ka tlan kawi a,mahse ka awmna ka en chuan kha naupang ka vei ruk deuh te veng ah khan ka awm tih ka in hria ..
An in pen na ah chuan ka ding reng a,ka bike chu hung ṭha in ka chhuk ta hmiah, a lak ah beisei neilo mah ila ka vei ru em a....A mah ka hmuh khan Hming Hmingi nen kan in tawn dan vel ka ngaihtuah chhuak a...Mak riau hi a awm in ka hria.
A in ah chuan luh mai ka ngam biklo zu rim ka nam a...Ka dress lah mi pangai ang a ni silo rawng dang ka ngainat loh avangin a dum bak ka ha ngai lo a,ka hmai lah a pilh nual bawk si nen ka rim lah chu zu rim ka nam huam mai bawk si.

Kawngka chu a rawn in hawng ri raka ka lo phu deuh zawk nghe" a ni pawh a phu nasa ve ngang mai.
'oh enge i lo tih dawn a?' Min tih chuan 'Ka lo kala' ka ti ringawt.
Khua a vawt bawk nen ka hmai te chu a vawt ta riau hian ka hria 'Lo lut rawh bawlhhlawh hi kan peih lawk ang' ti in min kal pel a..Tlem a thim lai deuh ah chuan a va peih a..A lo let lam chu vawt ti ni awm tak hian a in kuang kuah than a.
'Lo lut rawh a vawt em mai' ti in min ko lut a...Kawngka a khar leh hnu chuan ṭhu thleng ah ngawi reng hian kan ṭhu ta reng ringawt.
Mahse ka len chhan sawi ka ngai 'Ka lo kal mai" a nia ngai kawi suh' ka ti ta thawr mai.
'Aaa...Hmeichhia ka nih loh hi ngaih kawi tur a awm hleinem' ti in min chhang reuh a nih chu ka zak ru chem" hian ka in hria.