(رواية )حارة المجانين

6 - بنات ياض

- جاهزة يابت ياشوشو
شروق بصوت منخفض - جاهزة ياختى جاهزة بس هتعملى اي فهمينى عشان توهت

كانوا حور "شروق " يقفون بشرفة (بلاكونة )الشقة خاصتهم حور واضعة على وجهها قناع اخفى ملامح وجهها

حور وهى تخفض صوتها - ياولية يخربيتك مش فاهمة اي اومال انا بقالى ساعة اقولك جاهزة تقولى اه جاهزة وانتى مش فاااهمة ياللى تنشكى

شروق بمرح وصوت منخفض - ولامافاهمة بس بقولك جاهزة .يعنى بريحك وخلاص عشان اشوف اخرك

حور ضربتها خلف رقبتها (قفاها ) وبمرح - بصيلى هنا ياذكى خواتك انتى انا هتنازل عن خمس دقايق افهمك فيهم

شروق كانت تهز رأسها بالإيجاب

حور اكملت - دلوقتى انا المفروض رايحة اسرق الواد فهد وحاطة قناع على وشى عشان لو حد شافنى ميعرفنيش وزى مانتى شايفة كدة احنا الفجر والناس مخمودة فهمتى

شروق بضحك بسيط - تمام ياعبصمد فهمت انك رايحة تسرقى ورق من فهد عشان نتاكد اذا كان هو الشخص إلى بندور عليه ولا لا تمام ..بس الى مش فهماه هو قناع ميكى ماوس الى حطاه على وشك دة حاسة انك رايحة تسرقى حضانة مش تاجرسلاح

حور وهى تقلد شروق - حاسة انك هتسرقى حضانة نينينينينينيني تفووووووه ياابت القرررعة غووررى ابت من وشى جاتك القرف هتبوظيلى الخطة

شروق بضحك - خلاص ياسطا اسفة والله اسفة

حور بمرح - طب اخرسى بقى عشان اشوف شغلى
انا هنط من البلاكونة دلوقتى وانتى راقبى من هنا عشان لو حد دخل العمارة ولا حاجة

شروق - اشطا ازمكس
حور - وبالذات الواد زين فاهمة
شروق - طيب لو فعلا زين جيه همنعة ازاى يروح عند فهد

حور بتفكير - ادلعى شوية
شروق بصدمة - ها
حور اكملت بضحكة مكتومة - ادلعى يااشرووق يااختى اي مش بتعرفى تتدلعى
شروق - ابدا انا لو هموت مش هعملها

حور بخبث مرح - خلاص انا بقى هقول لمسعد باشا يجيبلى حد مكانك عشان المهمة دى كدة شيلاها لوحدى والواد وليد كمان جاى بكرة يعيش معانا فى الحارة عشان يساعدنا

شروق - وليد ...طب تحبى ادلع عادى ولا دلع فاخر

حور بمرح - عايزاه فاخر من الاخر
شروق - كله يهون عشان وليد اشطا يازمكس

حور وقفت على سور الشرفة الخاصة بشقة فهد التى كانت لا تفرق بين شرفة شقتها سنتيمتر واحد لذا كان العبور لشرفة فهد سهلة جدا

حور بمرح - استعنا عالشقى بالله

قالتها ثم قفزت إلى شرفة (بلاكونة ) غرفة فهد انما شروق كانت تقف وتراقب المكان بدقة

💜💜💜💜💜💜

دلفت بخطوات بطيئة وهى تمشى على أطراف أصابعها محاولة عدم اصدار صوت