قصة : ( أبليتني بالعشق ) ل سهيلة سعيد المنجي ، فكرة : نور عمر

الحلقة ١٧ و ١٨

قصة : { #أبليتني_بالعشق } ♥️☎️

الحلقة السابعة عشر { ١٧ } 📵

عزيز : اتكلمتي مع هاشم ولا لسة قافشين ؟
اسراء : لأ اتكلمنا ، بس لسة قافشين 🙄
عزيز : دة ازاي دة !!
اسراء : قعد يتناقش ف الموضوع تاني وبعدين قفلنا
عزيز : ينهار ابيض ، مش هتخلصي انتي !
اسراء : اتخنقت والله بجد 💔
اسراء : مش كدة يعني خلصنا
اسراء : كرهني ف نفسي 😕
عزيز : بلاش هبل م انا فهمتك إنه مش متعود ع الأستايلات دي
عزيز : وبعدين اديكي بتفهمي ايه الي بيحبه وايه الي مبيحبوش ، ف هتعرفي تعملي كنترول بعد كدة
اسراء : بس دة بجد صعب ومبيعديش او بيزهق ، لا دة بيفضل يعيد ويذيد ف الحوار 😕
عزيز : معلش هو عشان اتفاجئ بس
اسراء : مش عارفة بقا 🙆🏻‍♀️
( يتبعت ماسدچ من هاشم ع الواتساب ل اسراء )
هاشم وهو بيرد ع الأستوري : شيلي أم الأستوري دي
( تتخض اسراء )
اسراء : ليه ؟!
هاشم : بقولك شيليها
( تضايق اسراء وتعمل سكرين ل كلامه وتبعته ف شات عزيز )
اسراء : بص الي يعصب بقا اعمله بلوك دلوقتي ، ايه الطريقة دي 🤷🏻‍♀️
عزيز : اهدي بس وشيليها
اسراء : نعم !
اسراء : اشيلها ليه انت كمان ؟!
عزيز : معلش عشان خاطري متعمليش مشكلة ، هو اللون مضايقه ، حاولي تتجنبيه وشيليها احسن
( تتنهد اسراء ب ضيق )
اسراء : ماشي ي عزيز
( تمسح اسراء الأستوري وتدخل ف شات هاشم )
اسراء : مسحتها ي هاشم ، حاجة تاني ؟
هاشم : لأ 
اسراء : تمام
( عزيز يلاقيها مسحتها ، يتبعتله ماسدچ )
اسراء : انا مخنوقة بجد
عزيز : ليه بس مش مستاهلة يعني ، يهدى بس الحوار وابقي نزلي صور براحتك
اسراء : لأ مش ع الصورة
اسراء : بس بجد اتقفلت
اسراء : هروح اتخمد
اسراء : باي
عزيز : اصبري طيب
( يلاقيها قفلت نت ، يتضايق إنها متضايقة )
عزيز : جحش اوي !!
( عند اسراء ، نايمة ع سريرها وعيونها مدمعة ، تخطر ع بالها حاجة ، تقوم وتفتح الدرج ، تلاقي طرحة ، تقرب ع المراية وتلم شعرها وتلبس الطرحة )
اسراء : طب والله حلوة 🥰
( تمسك فونها وتتصور بيها ، يرن الفون ، تلاقيه عزيز )
اسراء وهي بتقلع الطرحة : الو
عزيز : اطلعي البلكونة
اسراء : في حاجة ؟!
عزيز : اطلعي عاوزك
اسراء ب تنهيدة : ماشي !
( تقفل اسراء وتقوم تطلع البلكونة وتقرب ناحية عزيز )
عزيز : ايه بقا هننكد ليه !
اسراء : انا الي بنكد ولا الدكتور الي بينكد 💁🏻‍♀️
عزيز : وراس ابويا م مستاهلة كل الي انتوا بتعملوه دة !
اسراء ب ضحك : هههههه ، وايه 😄
عزيز : بجد والله انتوا تافهين اوي ، انا كنت مفكركم اعقل من كدة !
اسراء : لا احنا عاقلين جداً ع فكرة ☝️
عزيز : لا مهو باين يختي
اسراء ب تنهيدة : يلا مهو شكلنا فهمنا حوار الأرتباط دة غلط وطلع كله نكد وخناقات ، ياريت كل حاجة زي اول حاجة 💔
عزيز : مين قالك كدة ، مفيش احلى من إنك ترتبطي ب انسان بتحبيه ، حياتك بتتقلب ٣٦٠ درجة للأحسن 💁🏻‍♂️
اسراء : متأكد م الكلام دة ؟!
عزيز : جداً
اسراء : وانت ارتبطت بقا قبل كدة عشان تعرف ؟!
عزيز : اكيد ارتبطت قبل كدة
اسراء : وفينها ، لسة مرتبط بيها ؟
عزيز : لا هي مكانتش موجودة عشان تفضل ، هو كان تسالي يعني
اسراء ب انفعال : ولما هو تسالي محسسني إنك متجوزها ومخلف منها ١٦ عيل ليييه 🤷🏻‍♀️
عزيز : عشان مش هي الي بتكلم عنها
اسراء : اومال مين ؟!
عزيز : بنت تانية يعني
اسراء : وموجودة ولا ؟
عزيز : تؤ ، مش موجودة 💔
اسراء ب استغراب : طب وليه مدام كنت بتحبها اوي كدة !!
عزيز : نصيب بقا
اسراء : النصيب دة غريب جداً 🤔
عزيز وعيونه بتدمع : ههههه حصل 😄
( تلاحظ اسراء لمعة عيونه )
اسراء ب استغراب : لااا دة انت كنت بتحبها جداً ، انت هتعيط ي كوكووو 🥺
عزيز ب انتباه : ههههه لا ي بت اعيط ايه ، دة حوار قديم اوي 😅
اسراء : امممم ، ماشي !
( تنط قطة ف بلكونة عزيز )
اسراء ب خضة : احيييه ، الحق قطة دخلت بلكونتك 😮
عزيز وهو بيبص ل القطة : اة دة خميس 🐈‍⬛
اسراء : ههههه ، خميس مين 😂
عزيز : خميس بيعدي ع كل البلكونات هنا ، صديقي الصدوق ، بييجي ياكل ويمشي
اسراء : انا مبحبش القطط خالص !
عزيز ب استغراب : هو في بنت مبتحبش القطط !
اسراء : ايوة انا ، بحب الأرانب 🐇
عزيز : بتهزري ، ارانب !
اسراء : اة بيبقوا كيوت كدة 🥺
عزيز : اة كيوت ف حلة الشوربة 🍵
اسراء : حرام علييييك ، شوربة ايه انت بتاكلهم ؟!
عزيز : تخيلي 🤨
اسراء ب خضة : احيه ازاي بتقدر تعمل كدة ، بجد ازاي 😕
عزيز : بصي انا والأرانب علاقتنا علاقة طرية ، الي هو بشوف فين اطرى مكان واكله ع طول 🤤
اسراء : بس بس كفاية ، انت بتشرحلي 🤦🏻‍♀️
عزيز ب ضحك : مش انتي الي بتسألي 😂
اسراء : اتصدمت فيك ، اوعا تقولي هاشم كمان بياكله !
عزيز : كلنا بنتلم عليه ونضيع مستقبله 🙅🏻‍♂️
اسراء ب ضحك : ااااه ياريتني م سألت بجد 😆
عزيز : هههههه 😄
اسراء : صحيح ، عاوزة اوريك حاجة 
عزيز : ايه ؟
اسراء : بس متتريقش ☝️
عزيز : مش هتريق والله !
اسراء وهي بتمسك الفون : استنى 🤳
( تقلب ف الفون وتديهوله )
عزيز : ينهار ابيض 😐
اسراء : وحشة 😬
عزيز ب حب : زي القمر ♥️
اسراء : قول والله ؟
عزيز : وربنا بجد ، عمري م شفت حجاب ع بنت ب الجمال دة !!
اسراء ب فرحة : ينهاري فرحتني 🥺
عزيز وهو بيبصلها : جميلة 🙂♥️
اسراء : انا افتكرت كلامك بصراحة ، ف قلت اجربه فيا كدة ف عجبني ، ف قلت اوريك
عزيز : هتلبسيه ؟!
اسراء : لأ هو انااا قلت اجرب يعني 🤷🏻‍♀️
عزيز : امممم ، بجد حلو اوي فيكي لو لبستيه ، فكري فيها
اسراء : هفكر حاضر
( يقفه يتكلمه شوية ، تاني يوم بالليل ، اسراء ف المحل قاعدة ماسكة الفون )
عزيز وهو داخل : سلامو عليكووووو 🙋🏻‍♂️
اسراء وهي بتقف : ههههه تعالى 😄
( يقرب عليها يحط قدامها صندوق ويطلع منه الفاسة )
اسراء ب فرحة : اللاااااااه ، ينهاري ، دي احلى م الأولانية 🥺♥️
عزيز : اي خدمة
اسراء : جميلة اوي ، بجد جميلة ♥️
عزيز وهو بيغمزلها : الجميل ل الجميل 😉
اسراء ب كسوف وضحك : ي ملزقاتي ، هسميك عزيز الملزقاتي 😂
عزيز وهو بيمسك الفاسة : والله اخدها 🏺
اسراء وهي بتحط ايدها ع ايده : لاااا سيبها خلاص 👋
عزيز : سيبي انتي !
( تتحرج وتشيل ايدها من ع ايده )
عزيز وهو الي بيغمزلها : انا الي ملزق برضو 😉
اسراء ب احراج وضحك : ي بني بقا اطلع برة 😅
عزيز : هتحطيها فين ؟
اسراء : نفس المكان ، بس سيبها انا هحطها ل تكسرهالي تاني والنبي ✋
عزيز : متخافيش والله ، وبعدين انتي غرمانة حاجة م انا الي بتعك فيها ف الأخر 🤷🏻‍♂️
اسراء ب ضحك : ايوة صح ، لا خلاص حطها انت 😂