I Woke Up And Was Pregnant

YOU ARE READING

Romance

WARNING❗❗❗ (BL, Mpreg, Intersex) Summary သူ့အသက် ၁၈ နှစ်၌ ဖုန်ကျန်းရဲ့အဖေသည် တရားမဝင်သမီးတစ်ယောက်ကို အိမ်သို့ခေါ်လာခဲ့သည်။ သူ့ကို ကလေးဘဝထဲက သဲသဲလှုပ်ချစ်ခဲ့ကြသော အဖေနှင့်အစ်ကိုကြီးက ထိုအချိန်မှစ၍ပြောင်းလဲသွားခဲ့သည်။ သူ့၏ အစ်ကိုကြီးက တရားမဝင်သမီးကို...

#babies

I Woke Up And Was Pregnant

Start from the beginning

by phyolay1991

Fans များက ကျန့်ရှင်းခယ်ကို "ရှင်းရှင်း" ဟုခေါ်ကြသော်လည်း သူ၏မန်နေဂျာကသာ cocoဟု ခေါ်ခြင်းပင်။

နှုတ်ခမ်းကိုတင်းတင်းစေ့လျက် အေးဂျင့်၏ကမ်းလှမ်းလာမှုကို အလေးအနက်မထားသည့် ဖုကျန်းသည် cocoဟူသောအမည်လေးကိုကြားလိုက်ရလျှင် သူ့အိမ်က cocoလေးကိုသတိရသွားကာ မသိလိုက်ခင်မှာပဲ မျက်နှာထက် အပြုံးလေးပွင့်လန်းလာတော့သည်။

ဖုကျန်းပြုံးသွားသည်ကို မြင်လိုက်ရ၍ အေးဂျင့်မှာ ဇာတ်ကောင်နေရာအတွက် အခွင့်အရေးရလိုက်ပြီဟု ထင်လိုက်ကာ ဖုကျန်းကိုဆက်လက်ဆွဲဆောင်သည်။ " ကျွန်တော်တို့cocoက ဥက္ကဋ္ဌဇာတ်ရုပ်တွေမှာ အများကြီးသရုပ်ဆောင်ခဲ့ဖူးတယ်။ ကျွန်တော် ဇာတ်ညွှန်းကို နည်းနည်းလောက်ဖတ်ကြည့်လိုက်တော့ ဒီဇာတ်ကောင်က သူနဲ့ အရမ်းသင့်တော်တယ်…"

ဖုကျန်းက သူ့နဖူးကို ဖိလိုက်သည်။ ကျန့်ရှင်းခယ်သည် ဥက္ကဋ္ဌအခန်းများစွာကို သရုပ်ဆောင်ခဲ့ဖူးသည်မှာ မှန်သော်လည်း သူနှင့်လက်ရည်တူသည့် တခြားမင်းသားများနှင့်ယှဉ်ကာ မဲခွဲစနစ်ဖြင့် ရွေးချယ်ကြည့်လိုက်လျှင် ကျန့်ရှင်းခယ်က စာရင်း၏နောက်ဆုံးနေရာ၌သာ ကျန်ခဲ့လိမ့်မည်။

အေးဂျင့်သည် ကျန်ရှင်းခယ်၏အရည်အချင်းများကို ဖုကျန်းအား အသေးစိတ်ပြောပြနေသည်မှာ သူက ဒုတိယဇာတ်ဆောင်မင်းသားနေရာကို ကျွမ်းကျင်ပိုင်နိုင်စွာ အပြည့်စုံဆုံး သရုပ်ဆောင်နိုင်မည့်အလား။ အဆုံး၌ သူကဆိုသည်။ " ဒါရိုက်တာဖု၊ ကျွန်တော်တို့ cocoလေးကို အခွင့်အရေးပေးပါဦး..."

အမှန်အတိုင်းဆိုရလျှင် ယနေ့ ဒုတိယဇာတ်ဆောင်မင်းသားနေရာအတွက် audition လာဖြေသော သရုပ်ဆောင်များက ကျန့်ရှင်းခယ်နှင့် အရည်အချင်းချင်း ယှဉ်နိုင်သူချည်းများသာ။ ထိုသို့ဆိုလျှင်တောင် ဖုကျန်းက ကျန့်ရှင်းခယ်ကို ထည့်သုံးဖို့မရည်ရွယ်ထားပေ။ သို့သော် အေးဂျင့်ထံမှ " coco,coco" ဟု ခေါ်သော အမည်နာမလေးကြောင့် ဖခင်တစ်ဦးဖြစ်သည့် ဖုကျန်း၏နှလုံးသားလေးမှာ နူးညံ့ပျော့ပြောင်းသွားပြီး အဆုံးတွင် ခေါင်းညိတ်လက်ခံလိုက်လေသည်။