Warning ❗❗❗
This novel is about BL, intersex , male pregnancy.
Chapter 8
ဖုကျန်း အခန်းထဲမှ မီးကိုပိတ်ကာ အိပ်ရာ
ပေါ်၌လဲလျောင်း၍ သူ့ကိုယ်သူ စောင်ဖြင့်ဖုံးလိုက်သည်။ အိပ်မက်ထဲ၌ သူနှင့်ကျန်းဟန်ရှုတို့ ဘားတွင် တစ်ခေါက်ပြန်တွေ့ကြလေသည်။နှစ်ယောက် အကြည့်ချင်းဆုံလိုက်သည်နှင့် တစ်ပြိုင်နက် ကျန်းဟန်ရှုက အပြေးရောက်လာကာ သူ့အား မချီ၍ အခန်းနံပါတ် ၃၀၆ ၏ တံခါးကိုဖွင့်ဝင်လိုက်သည်။သူ့ကို အိပ်ရာထက်ပေါ်သို့ ပစ်ချပြီးနောက် ချက်ချင်းပင် ဖုကျန်း၏ ခန္ဓာကိုယ်အား အုပ်မိုးလိုက်ကာ...
ထို့နောက်တွင်တော့ ကမ္ဘာကြီး အဆုံးသတ်
သွားတော့မကဲ့သို့ပင် နှစ်ယောက်သား ရစ်ပတ်တွယ်နှောင်ကာနေတော့သည်။
ဖုကျန်း မနက်အာရုံတက်သည်အထိ မနိုးပေ။ဘေးခန်းတွင်နေသည့် အခန်းဖော်က ယနေ့အိမ်ပြောင်းမည်ဖြစ်၍ အိမ်ရှင်က လာရောက်ကာ အခန်းနှင့် ပရိဘောဂများ ထိခိုက်မှုရှိမရှိစစ်ဆေးလေသည်။ ခြစ်ရာအနည်းငယ်တွေ့မြင်သောကြောင့် နှစ်ယောက်သား စကားများနေကြ၏။
ယခင်ညက အိမ်ပြန်နောက်ကျသော အခန်းဖော် မိန်းကလေးက ပန်းရောင် အိမ်နေရင်းဝတ်စုံဖြင့် မျက်မှောင်ကြုတ်၍ ထွက်လာသည်။ သူတို့နှစ်ယောက်၏ စကားများနေသံက ကျယ်လောင်လွန်းသဖြင့် သူမ၏အနားယူနေခြင်းကို အနှောင့်အယှက်ပေးကြောင်း ပြောနေသည်။
ဖုကျန်းမှာမူ ထိုဆူညံပွက်လောရိုက်မှုအပြည့်နှင့် ကမ္ဘာကြီးထဲ၌ မျောနေသကဲ့သို့ပင်
မည်သည်ကိုမှလည်း ဂရုစိုက်ပုံမရပေ။ ကိုယ်လက်ဆေးကြောကာ ကုတ်အင်္ကျီကိုဝတ်ဆင်လိုက်ပြီး တံခါးကိုဖွင့်၍ အိမ်မှထွက်လာခဲ့လိုက်သည်။
အပြင်ဘက်ရှိလေထု အေးအေးက ရုတ်တရက်ဆန်စွာ တိုးဝင်လာမှုကြောင့် ဖုကျန်းတစ်ယောက် လည်ပင်းကို ကျုံ့လိုက်ကာလည်ပင်းထက်ရှိ မာဖလာကို ပို၍ မြင့်မြင့်သို့ဆွဲတင်လိုက်၏။
ကျန်းဟန်ရှု ဆောက်လုပ်ရေးလုပ်ငန်းခွင်ထဲသို့ စောစောရောက်လာခဲ့သည် သူ၏ ရှည်လျားသော အရပ်နှင့်အချိုးအစားညီညွတ်လှသော ခန္ဓာကိုယ်ကလျော့တိလျော့ရဲနှင့်အလုပ်မှ အဝတ်အစားများကိုတောင် အရည်အသွေးကောင်းလာစေသယောင်ပင်။
YOU ARE READING
I Woke Up And Was Pregnant
RomanceWARNING❗❗❗ (BL, Mpreg, Intersex) Summary သူ့အသက် ၁၈ နှစ်၌ ဖုန်ကျန်းရဲ့အဖေသည် တရားမဝင်သမီးတစ်ယောက်ကို အိမ်သို့ခေါ်လာခဲ့သည်။ သူ့ကို ကလေးဘဝထဲက သဲသဲလှုပ်ချစ်ခဲ့ကြသော အဖေနှင့်အစ်ကိုကြီးက ထိုအချိန်မှစ၍ပြောင်းလဲသွားခဲ့သည်။ သူ့၏ အစ်ကိုကြီးက တရားမဝင်သမီးကို...
