အဝတ်ကင်းစင်သွားသည့်ခန္ဓာကိုယ်က
အဆီအပိုမရှိကျစ်လစ်နေပြီး သူနှင့်ယှဉ်လျှင် နည်းနည်းတော့သေးပေမယ့် ယောက်ျားလေးတစ်ယောက်အတွက်ဆိုလျှင်တော့ သင့်တင့်မျှတသည့်ခန္ဓာကိုယ်ပင်။"ကျေးဇူးတင်ပါတယ်"
"အဲ့တာတွေမပြောစမ်းနဲ့။မျက်နှာကဘယ်လိုနေသေးလဲ။ပြကြည့်ကိုယ့်ကို"
ငုံ့နေသည့်ခေါင်းကိုမေးစေ့မှကိုင်ကာမော့စေလိုက်တော့ ခပ်ချောချောမျက်နှာလေးက ယောင်ကိုင်းနေ၏။
မသက်မသာစွာကြည့်မိရင်း သက်ပြင်းချလိုက်မိတော့ ကောင်လေးကသူ့ကိုကြည့်လာသည်။အနီးကပ်မြင်နေရသည့် မျက်တောင်ရှည်ရှည်တွေက လှုပ်ခတ်နေကြပြီး ပြန်ကြည့်နေသည့်ကောင်လေး၏ မျက်ဝန်းတွေက သူ့ကိုငေးမောစေခဲ့သည်။
"Lord"
"ဟင်"
"ဆေးဘူး"
"အင်...အင်း ရတယ်ကိုယ့်ကိုပေး"
အဖုံးဖွင့်လိုက်တာနှင့် ဆေးနံ့ကခပ်သင်းသင်းထွက်လာ၏။
မျက်နှာကို လက်တစ်ဖက်နှင့်အသာအယာမေ့စေကာ ချောမွေ့လှသည့်ပါးပြင်ထက်က ဒဏ်ရာကိုလိမ်းပေးလိုက်သည်။"နှုတ်ခမ်းလည်းကွဲသွားတာပါလား"
သွေးစအနည်းငယ်ခြောက်နေသည့်နှုတ်ခမ်းကိုကြည့်မိတော့ ပါးပြင်ထက်ကလက်တို့က တဖြည်းဖြည်းနှုတ်ခမ်းဆီကိုရောက်သွားပြီး ကွဲနေရာမှတစ်ဆင့် နှုတ်ခမ်းတစ်လျှောက်လက်ဖြင့်ပွတ်သပ်လိုက်မိ၏။
Frederick လည်စေ့လှုပ်ရှားသွားရသည်။
လှ၏။အနီရောင်သန်းချင်နေသည့်နှုတ်ခမ်းဖူးဖူးက ယောက်ျားဆန်သည့် မျက်နှာထက်မှာ လှပစွာတည်ရှိနေ၏။
သေချာကြည့်ပါမှမြင်ရသည့် မှဲ့နက်နက်လေးကလည်း ဒီနှုတ်ခမ်းနှင့်လိုက်ဖက်လှစွာတည်ရှိနေပြန်သည်။သွေးစတွေကပ်နေသည့်တိုင် လှပနေသည့်နှုတ်ခမ်းကို သူလွှတ်ဖို့မတွေးမိ။
မျက်ဝန်းတွေကသူ့ကိုငေးကြည့်နေတာကိုသိသလို သူကိုယ်တိုင်ကလည်း နှုတ်ခမ်းထက်ကနေအကြည့်မလွှဲနိုင်သေး။တိတ်ဆိတ်နေသည့်ကားထဲကအခြေအနေ၊အပြန်အလှန်ကြည့်နေမိသည့် အကြည့်များနှင့် မြင်နေရသည့်နှုတ်ခမ်းက Frederickကိုတစ်ခုခုပြုလုပ်မိစေဖို့ တွန်းအားပေးနေ၏။
![](https://img.wattpad.com/cover/301232818-288-k536340.jpg)
VOCÊ ESTÁ LENDO
LORD OF ALL {Ongoing}
AçãoThe contents of this story are written only with the writer's thoughts and ideas, and do not want to hurt or insult any person or society. Started date - 11.2.2022
CHAPTER - 22 [Unicode]
Começar do início