حمامة الشهم ( مكتملة )

18 ...Part

كعدت وجبته بحضني خليته بست راسه احجي _

_ اي ليوثي خووش وليد حلو مو

هز راسه ضحكت بتول وكالت _

_ شكد عمره ؟

_ بعد عشرين يوم يصير سنتين

_ يروحيي

بديت اكل على كيف ساكته باوعت على بتول وكلت _

_ يمته رجع هاذا

_ ورة عرسج بيومين

_ همم ليش ما كلتيلي لعد

_ خفت

_ وانتي كلشي ما سويتي من رجع بس سكتي

_ لا حجيت

_ بس حجيتي شكلتي باله

_ كتله ليش عفتني وضليت ارزل

_ وهسه

رفعت اجتافاتها وكالت _

_ شسوي مثلا يعني هو متجاهلني صحيح يحس بشفقه علي ويريد يصلح بس ميحبني بيران باذني سمعته يكول لامه اجبر نفسي عليها هاي هيه عوفيني هنا بس مجرد غريبة ماريد شي منه بس ماريد ارجع لاهلي

_ خليولي شوفي وعلي اذا انقهرتي منه اكتلج

ابتسمت ونفت _

_ لا اخذت عهد على نفسي بعد ما انقهر منه واخلي نفسي بس النفسي

عدلت كذلتها احجي _

_ اي عفية بالشاطرة هيج اريدج شتسوين بي هاذا فلافل

ضحكت حيل وكالت متفاجئة _

_ فلافل؟؟

_ شهم سماه فلافل

ضحكت وكالت _
_ هههه فلافل والله صدك وين اكو زلمه اسمه بافل

وكلت ليث وكلت _

_ اني شجابني نوب ذوله مادري وين اختفو

حجت مستغربة _ منو همه ؟

_ اهل شهم شهم من راح دزلي رجال يوديني البيت اهله

_ انتو عايشين وحدكم

_ تقريبأ ومن رحت الباب مقفول وماكو احد ونجمه جهازها مغلق وشهم حاضرني

_ ليشش حاضرجج شكو تعاركتو

_ لا مو تعاركنو احم هو من يروح للشغل شغله خطر ف يكطع التواصل عنه وهو راح يتأخر يعني خلانه بامان عائلته ومصرف ليث عدهم وهسه مادري وينهم

_ عمه وين مو عنده عم والاد عم جو هنا وينهم

_ منعني اروحلهم بس شسوي لازم اروح خلي اشوف نجمه وين مو معقوله تختفي فجأة اخاف صار عليهم شي

_ بيران ليش جذبتي وكلتي تزوجتي شهم عن حب

_ انجبرت اكول هيج