|[ عـــرش الـرولـيت ]|

ASKO..7..

العراق متروس احزاب وعصابات
وميليشيات وكل حزب وعصابة
وميليشيا الها مقر والها جيش من
المجرمين

او الممولين يسمونهم كل شخص يدرب
حتى يموت گلبة وضميرة يصير عده القتل
مثل شرب الماي

طلعت لغرفة التعذيب شيخ جامـع
رابطينه على الأرض بحديده رافعين
رجلي معصبين عيونه

بلعت ريكي طكيت ركبتي تقدمت
بهدوء اخذت حديدة للضرب وكفت
يم رجلي خليت الحديدة على باطن رجله

عقاب -: كم مرة تغلط و يطلعوك بس انتَ
مصر تموت بهذا المكان

تحرك بعصبية

- اموت شهيد احسن من العار

ضربته على رجلي ماريد اكثر حجي
خمسين ضربة للرجل الوحدة
شمرت الحديدة اتنفس سريع

مسحت وجهي بكف ايدي
سمعت صوت تصفيق وراي نداريت
وكفت بمكاني ارمش

الحجي - برافو برافو برافو

ابتسم ربت على كتفي وهمس
بصوت بس انه اسمعه

الحجي -: صار الوقت حتى تطلع وتصير
خادم الي ومن اليوم ورايح اسمك
بالحزب وبكل مكان

أسكـوبار !

ليشهد العالم اني مـ خترت الطريق
ولكن الضروف هي التي جبرتني

اباوع من الجامة على الشوارع
والبيوت اول مرة اشوف هيج بيوت
حلوه ومطورة بالتصميم

ايد على فخذي انخلت ضربني وحجه
بضحكة

الحجي -: بعدك ما شايف شيء
هسه بدأ اللعب الحقيقي وراك حياة
ملوك لا تستعجل

اسكوبار -: اممم منو كلك انه مستعجل
اصلآ ؟

- متغير هواي ما عرفتك
بأخر سنتين صار عدي شغل ما
كدرت ازور المقر وشوفك

اسكوبار :- عشر سنين مرت بقت ع سنتين
الما جيت بيهن ؟!

بس اكيد جنت اسأل عنك
هواي يمدحون بيك بس الشي
المستغربين منه هواي تتحلم

أسكوبار -:اي كوابيس

- شنو السبب ؟

أسكوبار -: هيج ماكـو سبب

- لازم نشوفلك حل ما يصير تبقى
تتحلم شكد صار عمرك ؟