حُروب السهم [مكتملة]

حُروب السهم 13

خلص كام غسل و راح تمدد على السرير شلت الاكل و نزلت جوه لكيت فدك ابتسمت

زينب: شنو هذا الطبخ اليموت ؟

فدك: الف عافية عمري اني بالليل اروح لان اخوي كعد

زينب: ها الحمدلله على سلامته مو تكطعين

فدك: لا إن شاء الله اشوفكم مرة ثانية

غسلت المواعين و اسولف ويه فدك خلصت صعدت فوك و فدك هم دخلت تسبح شغلت التلفزيون و طلعت حلوياتي و كعدت ماكو شي ملل رحت طلعت كتبي و صرت ادرس و اكل و ما حسيت بالوقت منا لمن دخلت وسن باوعت للساعة ب ٥ العصر

وسن: زينب بما انو سهم راح يوصل فدك لاخوها اليوم عيد ميلاد سهم تعاي نجهزله شي

زينب: اتصلي بعباس يجي حتى نطلع نجيب هداية و كم شغلة

وسن: تمام و نتصل بسهم هم حتى دكولين اله راح تطلعين

اتصلت وسن بعباس و كال شوي و يجي و دكت على سهم و انطتني التلفون

سهم: الو ها سونه ؟

زينب: احمم سهم اني زينب

سهم: ها كشمشه محتاجة شي ؟

زينب: اي سهم اريد اكلك شي

سهم: كليلي شي

زينب: راح نطلع اني و وسن ويه عباس للسوك محتاجة كم شغلة عادي والله ما نتأخر ساعة و نرجع

سهم: انه هسه اجي اخذكم

زينب: لا لا لتعب نفسك عباس يجي

سهم: براحتج بس لا تتاخرن و انتبهن لنفسجن ولا تزيدن حجي ويه عباس و لبسج انتبهيله

زينب: صار باي

سديته و باوعت لوسن و سويت الها تم كامت تبدل و اني هم لبست صاية لان الطلعه سريعة و شال اسود و خليت عطر و وسن نفس الشي لبست و اجه عباس صعدت سلمت عليه

زينب: السلام عليكم

عباس: هلا بمرت الغالي شلونكم ؟

زينب: الحمدلله

وسن: بهمس الحمدلله

زينب: همست الها ما عرفتج لسانج بطول النعال بالبيت

وسن: همست اكلي تبن

طبعا عباس حيل مؤدب مركز بالطريق ولا باوع النه ولا كثر حجي بس الاخت اكلته اكل بعيونها نزلنه اشتريت لسهم ساعة جانت عادية بس ردت اشتريله شي من فلوسي مو

اجيب وحدة غالية و اخذ منه جان سعرها ٧٥ الف جدا عادية بس فرحت لان دفعت من فلوسي الي مجمعتهم من الدوام طبعاً اخذتها بدون ما ينتبه عباس حتى لا يدفع وسن

اشترتله سوار فضة يجنن جابته ب١٠٠ اشترينه كيك جاهز و شغلات و رجعنه رحت نزعت بسرعة و نزلت اسوي كيكة بالبيت لان ما اتوقع يحب الكيك الجاهز كملتها و وسن