المجهول:اي عندي بس شسوين بي
وريف:شوفف اني ولد ورطني وياا ضل يهددني بصوري بس بلعباس مادزيتهم آلة أنة واني بلدوام هوة صورني بوضوح وفبرك الصور بلعبااس ويهددني بيهم اذا ماخليتيني اسويلج شي ادزهم لابن عمج (ببجي ورجيف قوووي)
المجهول:علا كيفج حبيبتي
وريف:انطيني خل أحاجي
المجهول:أنة انطيج بس غلط الي تسوينة
وريف: بس انطيني
خذيتة راسلتة علا الإنستا واتصلت هوة رد
وريف:ويننننننك ياحقييير الله ياااخذك ليش هيج ورطتني كلب نذللل وين بيتكم ياخسيس
وفجأة هوة گال انتي منو
وريف:لك الله ياخذك اني منو يانذل اني منوو
آخذة مني الولد
المجهول:سلام عليكم
حسين:وعليكم السلام
المجهول: اخوي انتا ورطت البنية وحاليا البنية شاردة من أهلهة شلون بلا شرأيك تضل هيج
حسين:تولي اصلا هية منو ماعرفهة
وسد التلفون وحضر المجهول
المجهول:كتلچ مينطيج نشدة ابد
وريف:اخخخ ضليت اصرخ واضرب علا وجهي ولك وين اروح وشون ارجعع لاهلي بلعباس يذبحوني خلااص
المجهول:هسة بلا اني وين اوديج اوديج يمنة ببيتنة
وريف:لا لا ماريد انتا معليك بية انعم الله عليك وأخذ راحتك اني نازلة شعليك اورطك وياي
المجهول:بس وين ترحين
وريف:والله ماعرفف
المجهول:تشوفين ذيج نقطة لمركز الشرطة
وريف:اي
المجهول:روحيلهم وسولفيلهم قضيتج همة يتصرفون وياج وهذا رقمي من تحتاجين دليل شي خابريني ووين توصل بيج المواصيل انطيني علم اذا تكدرين رح اخليج ببالي وبلبداية عدلي شالج
وريف عدلت شالي وهوة يباوعلي وضرب ايد بأيد
المجهول:هذا الجمال والحسن كلة هيج يصير وياااج
وريف:حضي هذا
المجهول: انشاللة تنحل
وريف:باي (بس مدري ليش يرووحي تعلگت بهلولد حسيت يمة الامان والله العظيم)
رحت وكلساع التفت علية الگا واكف منتضرني
ورحت للنقطة لكيت الشرطي كاعد بلسيارة دكيت علية الجامة وهوة نزل ومسدسة بيدة
الشرطي:انتي منو شنو شسوين هنا
وريف:انطيني مجال بس افهمك
وسولفتلة القصة بحذافيرهة بس معلوماتي ماانطيتهم كاملة استخطوني ثنينهم وضلو يحجون بعضهمم
لازم نوديهة لمركز الاستخبارات
اي والله سالفتهة قوية
الشرطي:زين بابا ماتندلين اهلج نوديج الهم ويتعهدون مايسوولج شي
وريف:طبعا اني كتلهم لا ابد مااندلهم ضليت اطب واطلع بلفرووعع وماعرف أنة وين اساسا وبيتنة وين صار بس صار ٣ساعات اركض
الشرطي:اه ٣ساعات
وريف:اي
صعدوني بلسيارة وطبعا أنة حاافية ولابسة دشداشة نص ردان وايديني طالعة وربع ضهري الفوك طالع وفوگا شعري مفتوح ونص صدري هم طالع بلعباس ابو فاااضل كرهت روحي ححيل اول تالي اني هيج اسوي بروحي وجسمي طالع واركض بلشارع هسة شعري مايهم يولي خلي مفتوح اساسا أنة ماالبس شال عدل بس جسمي حيللللل حلو شكو مطلعتة ويهو يجي يباوعلي وصعدوني ورة بسيارة الشرطة نمت علا الكشن وضليت استوعب انو أنة موبيتي موبغرفتي وساعة بل٥وتوة طلع النهار بحد ذاته ذاك اليوم المشؤوم مر علي النهار قبيييح ححيل وطويلل ويصادف ٢٠٢٢/١١/٥اكثر تاريخ اكرهةة وانة ابجي ودموعي علا خدودي وماعرف وين متجهين بية ووين حيكون مصيري وافكر للمستقبل فاندار الشرطي علي وكال
الشرطي :يلا بابا نزلي
ونزلت مكتوب (مركز استخبارات البصرة)
ونزلت وهموم الدنيا كلها علا كتافي امشي بثقللل عمييق وتفكير عميق ووشنو رح انطي من معلومات وشنو حگول بلا
لبسوني الكلبشات بايديني وشالي علا كتافي
وريف:ععمو بس اعدل شالي
شرطي:بابا شتعدلين بشالج اذا صدرج وضهرج طالعات شنو الفايدة تغطين شعرج
كلامة احس خنناااجر تطعن بگلبي يحسسني وحدة رخيصة والله العظيم بنات انتن خواتي واسولفلكم شعوري بحذافيرة حيل تأذيت من كلامة
وصرنة نمشي بين مجموووعة الشرطة والزلم ودخلنة
علا ....يتبعع
صوتو حبيبااتي
YOU ARE READING
امواج متلاطمة
Mystery / Thrillerيخاطبني السفيه بكل قبح... فأكره ان أكون له مجيبا... يزيد سفاهة فأزيد حلما... كعودا زاده الإحراق طيبا ...
بارت 30
Start from the beginning
