"روايه جعل الوسم يسقي مداهلنا"

بارت٦

اهلاً

بجهه اخرى من بيت ابو فهد وتحديداً عند بدريه وغاده..
لفت غاده بصدمه لبدريه وطاح لثامها وقالت: وش قصدك؟
بدريه: تحبين ساري؟
غاده: ليه تسألين ؟
بدريه: مجرد احساس شفيك ارتبكتي؟
غاده: يوه يوه يابدبد كنت بقولك منزمان بس استحيت ايهههه احبه واحب الارض الي يمشي عليها ماتتصورين شكثر فرحت بشفائه وكن روحي ردت لي الحمد لللله، قسم لولا المخاليق ضميته😞
بدريه وقلبها انكسر وهي تتصنع الفرح؛ شفتي ان احساسي بمحله لكن اءءء ( وسكتت شوي )
غاده: شفيك؟
بدريه: لابس ماقلتي لي عسى حبيبك يبادلك الشعور؟
غاده: تتصورين من متى؟
بدريه وهي تحس قلبها شوي وينفجر: من متى!
غاده: من الطفوله وبينا مواقف كثيره ومحد كان يدري
بدريه: اها الله يسعدكم يارب اءء انا بدخل داخل وانتي اسرقي النظر وضحكت بحزن ودخلت...
بدريه راحت لغرفه وقفلت الباب وهي منهاره بكي ، ماتوقعت ان هالحب قديم، وقفت قدام التسريحه وهي تمسح دموعها ، وتمسح ع شعرها الطويل وبقلبها كلمه وحده( ليه كل هالزين حظه كذا) قطع صفنتها دق البنات للباب
قامت وحطت مسكره ع السريع وتخفي اثار البكاء وفتحت الباب
هاجر: ساعه يالله تفتحين؟
بدريه : كنت اصلي العشاء
سلمى؛ والي يصلي يقفل؟
غاده: ماعلينا اسمعوا ترا تذكار ( للتنويه زوجه سيف ولد ابو ياسر) تو توصل يااااه هالبنت وش كثر مشتاقه لها
بدريه وهي عقلها مو معهم عقب الي سمعته وحمدت الله ان البنات ماشكو فيها: صحيح والله لكن يابنات اعذروني ماقدر اجلس معكم وبروح للبيت
البنات كلهم صرخوا بوقت واحد : افااا ليه والعشا؟؟؟؟
بدريه: بسم الله خرشتوني وحطت يدها ع قلبها وقالت: هاه تعبانه شوي شكلها مشارف الدوره ( طبعاً تكذب)
هاجر وهي حاسه ان ذا مو السبب لان بدريه ٢٤ ساعه عندهم حتى لو تعبانه: طيب بدبد اقلها تعشي امانه كيف تروحين وهذا عشاء ساري !!
غاده وهي هيمانه الاخت؛ اااخ فديت ساري واهل ساري ( حاله خاصه)
سلمى: استلم اشتغل الحب والهيام
هاجر: انا اقول الله يعيني ع مراسيلكم
بدريه وهي منكسره وجريحه قالت بحزن: يعني كلكم تدرون الا انا؟ تدرون انهم حبايب ؟
هاجر: لحظه لحظه وربي حسبت انك تدرين!! دايم اقول قدامك امانه ماتدرين؟؟؟؟؟
بدريه: لا ، خلاص بنات نكمل سوالف بكرا وراحت وسط انظار البنات
سلمى :اما ماتدري؟؟ طيب دايم نقول قدامها بس شكلها حسبته ولد خاله غاده وشبهت ع اسمه ساري بعد؟
هاجر: الا اكيد
غاده؛ انا كنت ارقع الموضوع واقولها انه ولد خالتي سامحوني
هاجر وسلمى بصدمه:؟؟؟؟؟؟؟؟؟؟
سلامات تراها بدريه!!
غاده: تأمنون بالله اني اغار منها؟ واصلا مشيتها مشكوك ب امرها
امانه شفتو كيف تغير مودها!! كانت مستانسه جداً ، اغار منها ومن جلساتها مع ساري وانها تمون عليه ودايم اوصي ساري لايعطيها وجه لكن الي يطمني انه يقولي يعدها اخته ..
هاجر بصدمه: منتي قليله ياغويده اثرك طابخه الطبخه وحنا سالين!
سلمى: تشوفين!!! لكن غاده معها حق يعني لو فروسي عنده بنت عم وتجلس معه كذا وميانه والله لاغار هههههههاي
هاجر : يليل منكم اقول تعالو نشيل القهاوي شوي يجي العشاء وب ابقي لبدريه ذكروني ،
البنات؛ طيب
وهم طالعين لمحت سلمى روان بغرفه العيال وجن جنونها؟
سلمى ؛ بناتتتتتت شوفو روانوه وين
التفتت هاجر وغاده : سلاماتتت امشو نشوف وش تدور هالتبن
ماحست روان الا الشله جايين ومعصبين
هاجر : خير روان مضيعه شي؟
روان ارتبكت؛ هاه لا كنت بصلي بس ضعت ههههههه
سلمى: وانتي تشوفين غرفه عيال مسكره محد حولها حاشره نفسك فيها ليه؟
غاده: عذراً روان لكن من متى انتي تصلين هههههههههههههههههههههه
هاجر غمزت لغاده تسكت وسكتت
روان: والله مالك دخل بعلاقتي مع ربي ف عضي ع شحمه واسكتي
غاده عصبتتت وصارخت عليها: انا اسكتتتتت؟؟؟ تعقبين
وبدو يتهاوشون من الشعور وهاجر تفك وسلمى تضرب معهم
عند مجلس الحريم سمعو اصوات الصراخ وقامت ام فهد وام محمد وام فارس وشريفه وام ياسر الي فقدت بنتها وراحت تدور حرش وقامت معها ساره زوجه ناصر وباقي الحريم يناظرون ويضحكون،...
ماحسو البنات الا صراخ ام فهد عليهم؛ هييييه انتن وش فيكنننن!!؟؟ فكووو يملا الكسر
ركضت روان لامها؛ مامي شوفيهم طقوني
ام ياسر: وكسر ان شاء الله لليد الي انمدت ع بنتي شفيكم ماتحترمون الضيف هذا وحن منزمان عنكم يم فهد الشره علينا ميييييي يلا دقي ع ابوك بسرعه مالنا جلسه فيه
ام فهد تحاول تلطف الجو : استهدي بالله يم ياسر هوشه بزارين خل نسمع منهم بالاول وضربت سلمى وقالت وش السبببب انتي وياه؟؟؟
ام فارس قبصت بنتها ، دواك بالبيت هين
ام محمد؛حصل خير يحريم فشله اسكتو حولنا الرجال
سلمى: يمه علمي قليله الادب ذي لاعاد تنبش بغرفه اخواني ، يمه لقيتها تنبششششش مدري وش تدور
لفت ام فهد ؛ صدق!! ولفت ع روان: وش تدورين يبنيتي عيب هذي غرفه عيالي انا حتى بناتي مايدخلونها الا للتنظيف!
روان ووجههها احمررر سكتتت ماقالت الا: يمه خل نمشي
ام ياسر : حاضر يمامي ، مي وش قال ابوك
مي : مامي مايرد
ام ياسر : امشو قدامي وخلكم حولي يلاا للمجلس وراحو
بقت ساره وحاطه يدها ع ظهرها وحامل
سلمى: اظن انتهت المسرحيه؟
ساره وهي تعلك بقوه وتخزهم من فوق لتحت ومشت
ام فهد: هين هين دواكم عند فهد والعيال
هاجر: يمه ترا غيث دق وقال العشاء بالحوش خل نعشي الناس وبعده نتفاهم
ام فهد : يلا قدامي نقلو ، وروحو استريحو يم محمد وفارس
ام فارس مسكت بنتها وقالت: قدامي ياغويده تتعدين المجلس اكسر راسك، مشت غاده مع امها وسط خوفها منها

عند جهه اخرى تحديداً عند الرجال
بدو العيال يفرشون السفر ويجيبون الصحون ويقلطونهم ع العشاء
وعند صحن ساري وباقي العيال
فارس: يفتح الببسي لساري ويقطع له لحم
ساري : فويرس ترا الي منصاب راسي مو يدي
وضحك الجميع
ياسر: اقول ياول  عمي احمد ربك تلقى لك شخص زي فارس ههههههه
غيث:يارب الكثير من فارس
مطلق: ابك هه شفني قطعت لك كبده ياغويث المفروض تقول الكثير من مطلق هههههههه
ضحك الكل
حمد: ايه ايه مالي حظ حتى بالتقطيع ايههه ياحزم الضامي ، انا الي مفروض تقطعون لي انا وحيد امي
حمدان هو البست لحمد: افا افا ياولد عايشه وانا وين رحت ابك انا اخوك وهذولا كلهم اخوانك ابك هه شف قطعت لك ٤ لحمات بس اسكت هههههههه ضحكو العيال
حمد: قصرت
حمدان: اقول كلهم لا احشيهم بفمك حاصلك حمدان يقطع لك
حمد : صحيح خل احمد ربي عليك هههههههه
حمدان: شف الكلب
ساري : لن تصبحوا ساري وفارس هههههاي
سيف: عيال شرايكم تسكتون
احمد: الا صدق ياعيال الليله لحد ينام نبي سمرررره
ساري: اعذروني والله تعبان ياحميد
احمد : انت معذور لكن الباقي؟
فارس : والله يااحمد خلها يوم ثاني تعرف لنا اسبوعين مانمنا زي الناس
احمد؛ طيب عذرتكم هالمره،
سيف : والله يبي لها سمره بس تعبانين من الخط واكيد بنعوض ماعليكم
محمد: عيال تبون مرق
غيث: اي صب لي وللعيال عدا مطلق
مطلق لف وفمه مليان : سلامات عشاني احب المرق تحرموني منه؟ ماعليك منه صب لي كثير
ساري : مطلق بالذات خلوه لاياكل ياخي خفف خفف
مطلق : تعرفون العشق؟تقدرون تتركون معشوقكم؟
الاكل عشقي وحبي وحياتي وغص وهو يسولف ماحس الا ب العيال يطقوونه ع ظهره وقال خلاص طلعتوا روحي
هههههههههههههههههههه
خلصوا الناس من العشاء وبدو المعازيم يروحون بيتهم بقى بس ابو فارس وابو ياسروابو محمد وبو فهد وعيالهم
ابو ياسر: انا استاذنكم يااربع
ابو فهد؛ بدري يبو ياسر
ابو ياسر : ابد حجزت لهلي يفندق ومانبي نضيق عليكم
ابو فهد؛ افا يبو ياسر العين اوسع لك من الدار
ابو ياسر ؛ تسلم عيونك يخوي مير الله يسلمك الاهل حجزوا
ابو محمد؛ براحتكم يبو ياسر اذنك معك
ابو فارس: وانا بعد بروح انام استودعكم الله
الكل : بحفضه
وابو محمد راح
وبقى فارس وغيث ومطلق وحمد وساري يشيلون مع العيال الفرش ويدخلونهم داخل
بينما هم بحوش الرجال
فارس : يلا ياساري رح نام وانا الصبح اجيك واذا تبي شي دق علي
ساري : ابشر يبو عبيد
وراح كلن ع بيته
طبعا  ابو فهد نام اول ماراحو المعازيم والكل نام هالليله بهدوء وسلام وحب مع ان الساعه كانت١١لكن متعودين ينامون بدري....

الكل نام عدا قلب تجرع الصدمه والمراره والالم
الكل نام عدا قلبها المنكسر الحزين الكئيب

ببيت ابو محمد
بينما الكل نايم ومر الوقت وبدريه مانامت تبكي على حبها المستور الي محد درى فيه ، حبها الي من طرف واحد
بدريه وهي تكلم نفسها؟'؛ بدريه شفيك خلاص استوعبي هم حبايب من الصغر لاتصيرين بينهم ، خلاص اسحبي نفسك
لاتفرقين بين حبايب استوعبي هو يحبها يعشقها حتى بيتزوجها
ماحست الا وهي تبكي لين نامت .... ولسان حال بدريه يقول ...

اسهر طوال اليل مع ضيققھ البال
اشكي على نفسي ونفسي كتومھ

يتبع ...

٧يونيو ٢٠٢٣
٤:٢٨ ص
لاتنسون اذكار الصباح حبايبي 🤍

صدقه جاريه لجدتي وابي
_ استغفر الله العظيم
_ لااله الا الله
_ اللهم صل على محمد
_ سبحان الله وبحمده
_ سبحان الله العظيم
_ لاحول ولاقوه الا بالله