ملكوت_ مهمة سرية//

ملكوت♤البارت..22..

_تامر امر فيونتي

* تعجبت من كلامه اشو هذا اعترفلي واخذ راحته بالحجي هزيت ايدي بتعجب ولزمت ايد زهراء ودخلته للبيت جان ابوي بالدوام وقتهه دخلت وبوجهي للحمام سبحت بماي بااارد لحدما ارتاح جسمي ياله نشفت نفسي وطلعت

لبست ملابسي واجت امي وزهراء جايبات صينيه اكل طلبناه من يم المستشفى كعدنه اني وياهن ورغم كلشي صار بس حاسه بارتياح غريب وامي صافنه بيه عبالهه بيني وبين ايهب شي وضامته عنهه ..

اكلت لمن ما شبعت وزهراء ماقصرت تجيب وتجبس بحلكي من شافتني تقبلت الاكل بحيث نفختني نفخ ..شربت ماي وكلت الحمدلله وكمت غسلت وفرشت اسناني ورجعت للغرفه جانن شايلات الاكل وكاعدات يتبسبسن بس شافني سكتن دخلت وكتلهن..

_كملن كملن عادي

_اكلج خيه اكيد ماضايجه على حسام لان شو احسج مو طبيعيه اليوم

_ياا ليش مو طبيعيه يعني جم دوب اضل ابجي عليه وهوه ما يوم رفله جفن وضاج علي لو عجبكم منضري الحزين ودمعتي التكسر الخاطر ها ولج؟

_لااا شبيج غير خايفين عليج عبالي تخبلتي مدري شمي حتى ماضجتي ولا اهتميتي اشو جنتي ذابحه روحج عليه وفجاتا كلتي مايهمني الواحد يخاف منج ياخيه

_ههه لا خيه صح ابجي عليه باول اشهر بس تالي صرت ابجي على حالي وعلى حبي الضيعته عليه واكثر شي جنت ابجي لاني حسيت بظلم جنت اكول يعني هوه السببلي الحادث وهوه اول واحد تخلى عني بس علمود يجيب طفل ..

_اي والله كل الناس لمن تنجرح تبجي على روحهه اكثر مما تبجي على الشخص الجرحهه

_اي ويله كومي هسه كافي سوالف خلينه نتابعلنه مسلسل

_هاا؟؟ اي ليش لا يله

* اخذت الريموت وفتحت البلازما وخليته على اخر حلقه وصلتلهه من طوق البنات رغم جنت مخنوكه واتضاهر شما بيه من قوه بس خانني دموعي ونزلن لمن شفت مشهد بين مال شام وابوهه لمن لكاهه ورجعت للبيت بعد سنين طويله ..

فكرت وكلت ياترى لو غايبه عن ابوي سنين ولكاني راح تختلف معاملته الي راح يكدر يحبني واصير عزيزه وغاليه عليه نفس هذولي ..صح هوه تفكير مال مزعطه حسيته بس اليفقد الحنيه من اهله يضل يدورله بس سبب لو فكره حتى يبرر قسوه اهلهم وياهم او يفكرون ان يسوون شي يخلي اهلهم يحبوهم..

بقينه نباوع لحدما نعسنه امي راحت نامت واني وزهراء هم طفينه بالبلازما ونمنه كلمن بفراشهه ..للعصر كعدنه على صوت عياط عالي فزينه وطلعنه بره ولكيت امي تبجي خفت حيل من شكلنهه رحنالهه انه وزهراء نسالهه شبيهه رغعت راسهه وكالت..
.
.
ايهب*

بعدما وصلت اميرتي لبيتهه لفيت السياره ورحت للمقر مالتنه القديم اصفي حسابي ويه حسام وصلت ولكيته مربطينه وكاعد وكفت كباله وكتله..