••كل شي فيني أنت نصّفه الثاني
إلا قلبي كله أنتِ ♥️••
.
.
البدايه...*ازادي*
بقت تمسح بدموعهه وتضحك وتبتسم عبالهه عفت حب حسام ونسيته وماهتم بعد ماتدري بگلب بتهه نار موجره مو لاني احبه لا بالعكس انه بس مقهوره ومهضومه عل حب والسنين والدلال والحنيه
يلي انطيتهه اله باخر سنيني وياه لان انطيت گلبي لشخص مو كد الحب ولا كد كلمته ولا كد المسؤؤليه..انقهرت على روحي يلي جرحهه وكسرهه وفقدهه حلم كل مره متزوجه ..هوه سبب كلشي هوه سبب بمرضي وجرحي وكسري وتعب نفسيتي وضعف بدني
وسبب كل المواجع هوه ياما تحملت منه اشكال وهوه بليله وحده تخلى عني وماحسب حساب العشره والحب الجان بيناتنه اول ٣ سنين سوه.. بقيت مزيفه ابتسامتي كبال امي لحدما خلص المغذي
اجت الممرضه ملصته من ايدي هوه والكانوله وكمت لفيت حجابي زين وطلعنه من المستشفى وشفت ايهب واكف يم سيارته شافني واجه تقدم علينه وحجه ويه امي ..
_احم السلام عليكم خالتي
_هلا خاله وعليكم السلام
_تعالوا وياي اني اوصلكم ورجاءا لا ترديني
_لا خاله مبين عليك بعدك مريض وجرحك اخضر وين مودينه للبيت ومتعب روحك
_لا مايصير اخليهم ترجعون بتكسي وسيارتي موجوده هاي ام الوكفات هاي
* باوعلي وحجاهه عرفته يقصدني لمن ابجي بيهه وافضفضله درت وجهي اباوع عل شارع تالي امي وافقت وصعدنه بسيارته بس انه وزهراء بالكرسي الوره وامي كدام كعدت
وحرك السياره والطريق كله كلما ارفع عيني عل جامه تصير عيني بعينه كلش انحرج من اباوع لشخص ويكشفني ..درت وجهي عل شارع وثبته ماباوعت كدامي بعد منا لوصلنه للبيت نزلنه وامي وزهراء دخلن وانه وكفت كباله وكتله..
_شكرا على التوصيله تعبناك ويانه
_ولو شكلنه احنه مو ماكو شكرا وعفوا وهل سوالف
_اي بس ولو لازم اشكرك مايصير
_اذا تردين تشكريني فكري بكلامي بايجابيه وفرحي هل گلب كلش كلمه موافقه عندي احسن بهواي من كلمه شكرا
_مع السلامه ايهب
_هههه تشردي تشردي الزمج وين ترحين من ايدي
_انتبه على جرحك لا يطك من الضحك
_ههههاي فيونا صايره تحشش
_امشي روح ايهب
_اويلي شو كمت احب انطرد منج بس مو تسوينهه صدك وتطرديني من حياتج افني اهلج وعيونج
_يااا
_ههههه لا جذب اشاقه يله رايح انه ديربالج على نفسج
_انت هم
YOU ARE READING
ملكوت_ مهمة سرية//
Romance[روايه واقعيه _ باللهجه العراقيه] آزادي _ فتاه قويه وحساسه سريعه الغضب احترق فؤادها بسبب حادث لم يكن في الحسبان..والذي سيحصل معها سيجعلها بين نارين !!! ..بين الرحيل والبقاء.. وبين ليله وضحاها انقلبت كل الموازين واصبح الجرح عميقا في قلبها فالذي كا...