امواج متلاطمة

بارت23

وريف:ها بس عبدالله يعني اني ماريد احب احد

عبدالله:ماكتلج حبيني ولاحبي غيري ضلي ملتهية بدراستج لحد ما الله يفرجها علي اجيج اخطبج

وريف:ها اي الله كريم
علا فكرة ماحب اكسر بخاطر أحد وحسيت نفسي دخلت مأزق والحسين
وراحو واني كل المعتاد اني افكر

مرت الايام اجت الايام اجانة خبر عمي رائد مريض بكورونا وكلنة ندعي واستمر ل٥ايام فبيوم الاثنين تحديا هذا اليوم انگلب البيت مشاكل ابوي كتل امي امي رجعت صيحت علي وضجت خواني ايمن وأيسر تعاركو وعركتهم قوية بحيث البيت كلةةةة ضايج
فالتجئت للنوم فحلمت بعرس ببيتنة وفزيت ساعة ٥الفجر وماكو صوت الاذان كل مرة هوة يأذن فنزلت لكيت ابوي يتريك يريد يروح للدوام رجعت نمت وفزيت علا صرخخخة احتلت اذني بحيث هلكد ماالصرخة قوية بحيث رعبب بلحسين الشهيد وطفرت من الجرباية كبل للباب انصدمت بلباب وطحت بلگاع بس كلة وكمو فتحت الباب ورحت علدرج انزل امي تبجي كتلهة

وريف:هااااا

رسل:ولج وررررييييف عمج رائد مات

وريف:صدمةةةة اخر توقعاتي عمي لااء مستحيل صدك عود ولسا ممصدكة نزلت بخذلان وطلعت لعماتي يصررررررخن عبدالله يلطم علا راسة ام محمد تبجي بس مامتأثرة كلش لاهية ولابناتهة وانة بلحسين ممصدكة وأبوي اجة من الدوام يمشي سريع لكن عيونة حمر ولأول مرة استخطي ابوي حسيتة انكسر كسرةة والله وفعلا كسرنة كلنة وراااح رحت ولبست الاسود والشال الشيفون الاسود بحيث ساعةبل٢جابو التابوت وبيتنة نترس ترس نااااس انگلب گلاب بس جابو التابوت رحنة ركض علية ونمت علا التابوت وابجي بهدوء لحضات ماممكن انسااهة حبيبي أبوية بس هوة ابوي صدك انهضمت ذاك اليوم اليوم حسيت هوة أبوية كل ذكرياتة الحلوة اجتي علا بالي وبجيتت الله واي لكن بهدووء وأبوي بأيدين ابوي ومحمد بس يفكو بس لآخر مرة اشوفة واحضنة ليش بااااربي ميخلوني لااااااء لااااؤ ياربي موبعمي لاااا ربي موهيج هاي كسرة ياربي أحبة يااااعلي أحبة اريد عمي رائد اعز ناااسي وشالو بس احس روحي انشالت ويا وحضنت ابوي كتلة حبوبي بس اخر مرة ابوي باوعلي وراحو ضليت ابجي شفت جدو كاعد جوة النخلة ويبجي علا ابنة الجبير رحتلة تركض كتلة جدووووو عمي عاافنة وراح أبوية رااح ليش يبااا ليش احبك والله جدووووو

جدو عبدالله ضل يمسد علا شعري كال الله يرحمو بابا أنة موهينة علية يبابا هم هوة ابني ويبجي خطية جدو

طببتة جوة كوة اجت الملاية لواكلجن عن بنات عمي ولاصرخن ولالطمن ولاحتة امهن ليش عود معقولة ترة هذا الأب وبلاخص عمي رائد كلش حنين ليش مابجن علية مربم بجت وبالفعل اجت الملاية وسوينة عشة للناس الساعة بل٤الفجر أنة كاعدة برة وابجي جان دخل محمد وأبوي اجو من النجف ابوي راح كبل للبيت محمد شافني اجة وشبكتة وضل يصرخخ بحضني اول مرة اشوف محمد منهااار حضنتة وهوة صرخ حيلللل حيللل أجن عماتي علا صريخة وشبكنة وكاللة البقية بحياتك سلم عليهن بسرعة ورجع حط راسة بين رجليني وضل يكول وهوة منهار

محمد:ولج وررررييييف ابوي اريدة ولج دفنتة بايدي شكبرني اني وأشوف هيج ٥ايام اني يم ابووووووي اشوفة كل يوم يموت الف  موتة من ورة المرض واگولة بابا تحمل ميخااالف وبلاخير يتركني ولج وريففف الا ابووووي احبةةةةةة

وريف:حرفيا ضليت اصرخ ويااا وعماتي هم ويانة كلامة وشهكاااتة تگطع الگلب وبالفعل اول مرة اشوف محمد منهااار حرفيااا

وشوي شوي بدة يون اخير شي كشف الفجر وطلع ضوة وهوة ناااام واحنا كاعدين علا المرجوحة كعدنة كتلة كوم نام كال اريد يمج وخذيتة لبيتنة بغرفة امي وحط راسة بحضني ضليت العب بشعرة بس دمووعة ترست فخذي ترس وووين يلا نام شلت راسة حطيت علا المخدة غطيتة لأن رجلي خدرت طلعت برة لكيت ابوي يدخن وعيوننننة حمر استحيت منة صارلي ٦اشهر محاجية ويا رحتلة وحضنتة وهوة مابادلني الحضنة لكن دمعن عيونة وكتلة البقية بحياتك طبعا ابوي يكابر هواي ومايراوي دموعة لاي كائن من يكون عدا امي ووخرت عنة طبعا من أمس منايمة وطبخنة ومساعدتهم واجو الناس والملاية بس طبيت للبيت بسرعة رحت انام طبيت علا محمد لكيتة نايم ويون العرفتة محمد هم مصاب بكورونا اشوفة يوم خطية وعبدالله هم مصاب بكورونا رحت نمت يمة وغفيت وين كعدت بل٦ المغرب وفتحت عيوني لكيتة يباوعلي ويبجي كمت فزيت

محمد:وريف ابوي جان يحبج

وريف:بجيت وكتلة اموت علية هوة ابوي

محمد:ابوي جان يريدج ببيتة

وريف:سكتت وكتلة كوم أسبح خل اصبلك اكل

محمد:لا ماريد بس رح أسبح ببيتنة وارجع

وريف:تمام

راح ورة نص ساعة رجع كتلة تعال

اجة وراي صبيتلة غدة

محمد:ماريد ورييف مااشتهي

وريف:هسة تشتهي ضليت اوكلة وكلتةة شوي وكال كافي حبيبتي بعد ماريد كمت انطيتة ماي شرب وراح يم إلزلم رحت أنة يمهن سوينة عشة وفاطمة بت عمي ذبت علي بتها واني اشتغل وراحت يم رجلهة سوت روحهة متأثرة يربيي بس زين بتهة تحبني ضلت مچلبة بركبتي واني اشتغل بل٧اجو الولد محمد وهمام وعبدالله وأيمن اخوي يردون ياخذون الاكل للزلم واني صار يكلولي سوي هيج حطي هيج انطي للزلم زين شون واني معلگة البنية بركبتي اخير شي شافني محمد اني متقيدة ببنت اختة كال

محمد:شببببيج عوفي البت وتحركييي الزلم تريد العشة

وريف:صدك استهضمت صيح علي كدامهم كلهم عاندت ورحت لغرفة عمتي عذراء وحطيت البنية بحضني وضليت ابجي

محمد:اه احجي وياج ترحين تكعدين بلغرفة

وريف:مااا والله ولا اكوم زغيرونة تصيح علي

عافني وراح

وووويتبعع.....

طبعا اطول بارت لحد الان

للعلم هواي استنقدونة نسوان اني وبنات عمامي وعمتي عذراء ونيسال  كالو لابچن لادكن لالطمن. خل اكوللگم شي بلنسبة الي اول مرة تمر علي فاتحة بحياتي مشايفة فاتحة وهاي اول مرة تصير عدنة وبعمي وبأعز شخص بحيث الصدمة كلش كاافي واني ماعرف شون يبجون حيلل أو بالأحرى شون ياخذون راحتهم بالصوت العالي الله لايعود هاي الايام ولازلت من اروح لقبورهم احط راسي علا القبر وابجي بس مااصرخ لأن بالله العضيم مااعرف