ملكوت_ مهمة سرية//

ملكوت♤البارت ..8..

بقيت اباوعلهه وروحي محتركه شلون بيه انه من بدايه دريت بيهه مرتبطه ليش ماكرصت فضولي وكعدت وسكتت هسه سالفه هاي بله روحي محتركه حرك عليهه وهيه عيونهه عميه بحب واحد غيري ..

بقيت اكلب بالنقال وراحت عيني عليهه من سمعت صوتهه عله شويه وهيه تصيح على صديقتهه بصوت مو كلش مسموع مافهمت شصار ماحس الا شمرت القلم بعصبيه ونترت بين سنونهه وعيونهه حمر وينبعن نار من العصبيه تحجي ويه البنيه

كمت من مكاني اخذت القلم صفنت بي وباوعتلهه شفتهه شلون معصبه و خلت الكبالهه تنخلس وصار وجهه اصفر وخرت منهه واجت تدور عل قلم مديت ايدي وسالتهه عل عباره الكاتبتهه بالقلم وانطتني معناهه

كلش حلو وغريب رادت تاخذ القلم واجت البنيه من يمهه بسمرتهه باوعتلهه ردت اعرف شراح تكون رد فعلهه وفاجاتني من خطفت بجانبي ولزمت البنيه من ايدهه وهددتهه بقيت اباوع وعقلي ويه كل كلمه تحجيهه يطير ويعلي متفاجا هم اكو بنات قويات هل وقت

مادري ليش حسيت بالفخر وعجبتني اكثر اموت بالنجرات اروح فدوا للاميره فيونا ..اجت زهراء صديقتهه وفكتهن وذيج بلعت هوى وراحت ترجف واميرتي عيونهه حمر من العصبيه خر* بحضي شكد شايله عصبيه

ادري مخلوقه من نار هاي البنيه اليشوف خارجهه يحس انهه اميره الثلج ولمن يباوع بعيونهه يشوف بركان مخلوق بعمقهه.. التفتت علي اخذت القلم مني صار بروحي رجفه كزكزت على عصبيتهه تمنيت احضن وجهه بين اديه وابوهه من عيونهه التجوي ..

رجعت لمكاني ومرت الايام على نفس هل منوال ماكو اي تطورات بالمهمه فقط معلومات قليله توصل وتافهه مانستفاد منهه شي وبقت مراقبتي الهه تزيد يوم بعد يوم صارت تتربع بعقلي يمته ماصفن

خبلتني ولا اكدر اروح احجي وياهه ولا اكدر اسال احد عنهه ويروح يفتن علي وتفهمني غلط وتتضايق مني ..بقيت فتره على هل حال لحدما بيوم صار عندي شغل بره الجامعه اخذت سيارتي وطلعت بيهه كملت شغلي

ووره ساعتين رجعت للجامعه ورفرفت روحي من شفتهه بمكانهه توه كعدت عل كرسي تكتب بدفترهه بقيت افكر شيصير لو يمهه هسه كاعد بدال ماواكف هنا حامستني الشمس حمس ..

انتبهت عليهه تخابر بنقال وصارت ترجف وعيونهه غرفت دموع صارت طاح النقال من ايدهه ولزمت گلبي الله اليستر شصار وياهه ليش هيج كاعده تمشي بلا وعي ودموعهه بعينهه لمحت شباب وبنات من بعيد يباوعون باستغراب الهه

رحت مسافه عنهه وماحس الا طاحت تربعت بالكاع ركضت عليهه كرفصت اسالهه شبيهه وانغمه عليهه بين اديه روحهه مايعه ونفس مابيهه شلتهه بسرعه وصادفتني زهراء من بعيد صحتلهه بصوت اجت تركض ويانه ركبتهه بسياره وانه اشوفهه شلون ذبلانه بحضن صديقتهه

تكعد بيهه ماتكعد سويت طريق المستشفى دقيقتين وصلنه وشلتهه بين اديه خليتهه عل سديه ودخلت بيهه للطوارئ فحصوهه ودخلوهه اشعه بسرعه وطلعوهه وهيه فتحت عيونهه شويه ورجعت غمضت وترافس وتهلوس بواحد اسمه حسام