သည်လိုလှလှပပလေး တွေးမိသည်နှင့် သူ့နှုတ်ခမ်းများက အလိုလိုပြုံးသည်။ တွန့်ချိုးတက်သွားသည့် နှုတ်ခမ်းထောင့်များပေါ် လိုက်ပါခိုစီးသူက မျက်ခြယ်တစ်ဦးတည်းသာ ဖြစ်ပါလိမ့်မည်။
"မောင်.. စောင့်နေတာ ကြာသွားပြီလား။ စောရောက်နေလည်း ဝင်စောင့်ပါလား။ ကားထဲမှာ အကြာကြီးနေပြီး အညောင်းမိနေတော့မှာပဲ"
ကားတံခါးကိုဖွင့်ဝင်ပြီး စကားအဆက်မပြတ်ပြောလာသူ မျက်ခြယ်၏ ဆံပင်ပွပွများကြား သူလက်တိုးဝင်မိသည်။ တစ်ချိန်တည်းမှာပင် သွားညီညီများ ပေါ်နေအောင် သဘောတကျပြုံးသည်။
"မညောင်းပါဘူး။ မျက်ခြယ်တင်ဆက်တာကိုပဲနားထောင်နေတာ။ အချိန်ဘယ်လိုကုန်သွားမှန်းတောင် မသိလိုက်ဘူး"
"လူတစ်ယောက်လုံးရပြီးတာတောင် ရေဒီယိုနားထောင်တုန်းပဲလား"
မျက်ခြယ်က ရွှတ်နောက်နောက်ဆိုလာသည်။ ကိုယ်ကလည်းကိုယ်၊ သောကြာနေ့ညနေတိုင်း သည်အသံလေးမှနားမထောင်ရရင် မနေနိုင်အောင် ဘိန်းစွဲသလိုစွဲနေတာ။ မျက်ခြယ်နှင့်မတွေ့ရခင် နှစ်နှစ်တာကာလပတ်လုံး ရေဒီယိုလေးက အသက်ရှင်ဆေးဖြစ်ခဲ့တာမဟုတ်လား။
"အင်း.. ရေဒီယိုတင်ဆက်သူလေးကိုလည်း အလွတ်မပေးနိုင်သေးဘူး"
"ဒါဆို ဖြေ၊ ရေဒီယိုတင်ဆက်သူKim Taehyungလား။ မောင်လက်ထပ်ထားတဲ့ Kim Taehyungလား"
JungKook ဟဟလေးရယ်သည်။ အဓိပ္ပါယ်မရှိသော ချွဲ့နွဲ့နွဲ့မေးခွန်းလေးက မျက်ခြယ်မေးတာဖြစ်နေတော့လည်း သူဖြေချင်ဆဲပင်။ ပါးပါးနပ်နပ်နှင့် စကားလှသော အဖြေတစ်ခုကို သူ့ဖြတ်ထိုးဉာဏ်က အမီလိုက်ဖြေပေးနိုင်ပါ့မလား။
"မောင်လက်ထပ်ထားတဲ့ ရေဒီယိုတင်ဆက်သူ Kim Taehyungပေါ့"
"ဟင်း.. လူလည်"
မျက်စောင်းလှလှလေးက နှလုံးသားတည့်တည့်ကို မြားဦးထိပ်ဖြင့်ပစ်ခွင်းသည့်နှယ် ဘယ်ဘက်ရင်အုံဗဟိုချက်မ၌ လှုပ်ခတ်သွားသောငလျင်အသေးစားလေးကို ဖြစ်ပေါ်စေသည်။
သူသိပ်ချစ်မိနေပါလားဟု အကြိမ်ကြိမ်သဘောပေါက်မိသော်လည်း သည်တစ်ခါပြန်သဘောပေါက်ရပါ၏။ မျက်ခြယ်က ကိုယ့်ကို အချစ်ဆိုသည်အား အတွေးထဲအကြိမ်ကြိမ်အဖန်ဖန်ဝင်လာအောင် ပြုစားနိုင်ပါသည်။
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
Part 33
Start from the beginning