အချိန်ယူပြီးကုသရမယ့် အနေအထားပါ "
သူ့ရှင်းပြချက်ကို နားထောင်ပြီးနောက် ထိုမိန်းမရဲ့ မျက်လုံးတွေဟာ အရည်ကြည်တွေရစ်ဝိုင်းလာပေမယ့် စိတ်ထိန်းထားဟန်အသွင်အပြင်ဟာ သနားစရာပင်ကောင်းနေတော့သည်။
" ဟုတ်ကဲ့ "
"ကျွန်တော်တို့ဆေးရုံမှာက အဲ့ဒီခွဲစိတ်မှုတွေကို မလုပ်နိုင်ဘူး အဲ့ဒီတော့ အစ်မတို့ကို မန္တလေးပြည်သူ့ဆေးရုံကို လွှဲပေးမယ် ဆေးရုံသွားတက်ရမယ် အဲ့ဒါလေး ပြောချင်တာပါ "
" ဟိုလေ ဆရာ အဲ့ဒီကို သွားရင် ကုန်ကျစရိတ်က များနိုင်လား ဒီမှာပဲ ကုလို့မရဘူးလား "
ဖန်တရာတေအောင်ကြားနေရမြဲ စကားတစ်ခွန်းမို့ မထူးဆန်းပေမယ့် လူနာဘက်က. အခက်အခဲရှိနေကြောင်း ထည့်စဥ်းစားရပေတော့မည်။
" ကုန်ကျစားရိတ်က လူနာရဲ့ ခွဲစိတ်ရတဲ့အပေါ်မူတည်လိမ့်မယ် ခွဲစိတ်ခန်းခ ၊ အခန်းခ ဘာညာ ပေးစရာမလိုပေမယ့် ဆေးရုံမှာမရှိတဲ့ဆေးတွေဝယ်ရတာမျိုး၊ ပြီးတော့ လူနာစောင့်တွေရဲ့ စားစရိတ် ကုန်ကျမှုတွေရှိမယ်
ပြီးတော့ ခွဲစိတ်မှုက တစ်ခါတည်းနဲ့ ပြီးသွားမှာတော့မဟုတ်ဘူး ဘယ်နှစ်ကြိမ်လောက်လုပ်ရမလဲ လည်း ဆရာတော့ သေချာမပြောနိုင်သေးဘူး ခွဲစိတ်မှုရလာဒ်နဲ့ လူနာအခြေအနေပေါ်မူတည်လိမ့်မယ် "
လူနာစောင့်ဟာ ခဏလောက်ငြိမ်သက်သွားပြီး တိုးလျသောလေသံနဲ့ ပြောလာသည်။
" အခုချက်ချင်းမသွားလို့ရော ရသေးလားဆရာ ပိုက်ဆံကမလွယ်တော့ ရှာရဖွေရဦးမယ် "
ရှာရဖွေရဦးမယ်ဟု စကားအလှသုံးကာ ပြောနေပေမယ့် ပိုက်ဆံချေးပေးမယ့်သူ သွားရှာလိုက်ဦးမယ် ဆိုသည့်သဘောပင်။
" ဖြစ်နိုင်ရင်တော့ ဒီနေ့ သွားစေချင်တယ် လူနာလည်း ခံရတဲ့ ဝေဒနါက မသေးဘူးလေ သွားဖို့အတွက်တော့ ပရဟိတကား နဲ့ ကျွန်တော်တို့ ချိတ်ဆက်ပေးပါ့မယ် "
" ဟုတ်ကဲ့ ဆရာ "
လူနာစောင့်ထွက်သွားတော့မှ တာဝန်ကျ ဆရာမတစ်ယောက်ကို လှမ်းခေါ်လိုက်သည်။
YOU ARE READING
မောင့်ချယ်ရီ ဝေသောမြေ (Emergency Love Story)-Completed
Romanceခွဲစိတ်ဆရာဝန်နဲ့ အထွေထွေရောဂါကုဆရာဝန် ကြားက ဇာတ်လမ်းတစ်ပုဒ် ပါ မတူညီတဲ့ပြိုင်မျဥ်းတွေဟာ လားရာတစ်ခုတည်းအတူသွားကြတဲ့အချိန်မှာ မတော်တဆ ဆုံစည်းမိတတ်ကြတာပဲ မဟုတ်ပါလား အရေးပေါ်အခြေနေတွေကြားကနေ ဖြစ်ပေါ်လာမယ့် အချစ် Emergency Love Story ပါပဲ
