☆ فــصليةة ابـــــــن الجنــــــوب ☆
الكاتبــة #رورو ✍︎
البــــارت " الثالث عشر "
فقط في الظلامِ ستعرفُ
مَن هم نجومك
˙· . ·˙ ── ──˙· . ·˙
گاعدة بغرفتي وحاضنه لمخدة ... ليش هيچ أسلوبه جاف وياي ... مرات ولا اروع أحسه أنسان مختلف ... مرات يخليني أحس هو كارهني ... انفتح الباب دخلت طوق
طوق : ماما
فردوس : يروحي
طوق : بابا ، گال رح أسجل مدرسة
فردوس : اي رح يصير عمرچ 7 وتصيرين كبيره
طوق : نفسچ
فردوس : هههههه لا بعد
طوق : ليش گاعدة وحدچ
فردوس : ولا شي ضايجة
طوق : هاي هدية
طلعت علبة من وره ضهرها ... اخذتها منها وأبتسمت
فردوس : شكراً بنيتي الحلوة
طوق : مو أنه
فردوس : لعد
طوق : بابا
فردوس : حكيم جاب لي هاي
طوق : اي
أبتسمت و لزمت أيد طوق وطلعنه ... شفتهم يدزون أكل للديوان ... صبيت وياهم خلصنه وصبينه للنسوان
ام شهد : منو هاي لحليوة يزهرة
زهرة : مرت حكيم
شهد : حكيم اخذ فصليه ما تزوج
زهرة : بسچ بسچ من هل كلام
رحت للمطبخ نسدت نفسي عن الأكل ... كلمة فصليه ما رح تروح عني للدوم ... دخل حكيم شايل طوق نايمة
حكيم : الله يساعدچ بويه ، وين البنات لعد
فردوس : دياكلون
حكيم : وانتِ ؟
فردوس : ما اشتهي
حكيم : تعالي اخذي طوق
تقرب أخذها ... طخت أيدي بأيدة ... همس بأذني
- أنه هم ما أكلت ، ضميلي بعدين ناكل سويه
اخذت طوق ... وأبتسمت له وهزيت راسي بمعنى اي ... ورحت صعدتها للغرفه نومتها على السرير ... نزلت شلت لماعين وياهم
ام سعدون : مريه حكيم ، ما أكلت
فردوس : خاله ما أشتهي
ESTÁS LEYENDO
فصلية ابن الجنوب ( الأصلية )
Romanceفتاة من عائلة بسيطة لديها طموحات تحب النجاح يتيمة الاب والام عائشة مع عمها وزوجته شاء القدر أن تذهب فصلية إلى مكان لا تعرف عنه شيئًا مجهول حياتها تنقلب رأساً على عقب هل تنجح في الفوز بقلوب الأسرة الجريحة؟ هو شخص أناني عصبي قاسي مغرور غامض فهل يحبها؟...
