تحت قبضة الأجدع

البارت الثاني والعشرون

-شضام آنسة كــروط

::-عرابيد وحياية شكداتها ونار تسمط ابو ابوك وعزرائيل متاني اليوم اليلكط روحك بي على نار

-ما نأمن بهيچ سـوالف بس إذا صدك كلــشي اتحمله بس كون انتِ ويـاي لو يـكلولي مـوت هـم امـوت

::-باوع اني لا كافــره مثلك ولا اكــتل أطفال وأرواح بريئه ولا ضلمت أحد
انتَ ظلمتني وضيعتني باجرامك وإن شاء الله الله ضاملي مـستقبل احـسن من مستقبلك بهواي

ضحك بستهزاء وتقرب علـــية كلش يهمس

-ليش انتِ عــندچ مستقبل بدون ما أنا بي نــور خلي هاي الحچاية ترچية بأذنچ
مستقبلچ عــندي تكــبرين وتعجزين يمي انسي أكوو طلعة منا وشـيليها من راسـچ

::-ماراح أخاف لأن انتَ كلك چلب تنفذ أوامـر
وراح تشوف عــينك شلون اطلع وغصباً ما عليك واساساً الأعـور كال بــس توقعين انا بيدي اطلعچ

ضحك بصوت واردف

-الأعـور منو ويتصرف شوف يحلو انة جبـتچ وانة اقرر شسوي بيـچ
واكلجياها من الأخــير طلعة وخشـمي يشــم الهواء انسيها احسلچ

روحي تشعوطت غوركت عيونـي كـــلبي احسة سچينة ونبتت بي
مسحت عيني احاول ما اضعف كدامـة بلعت ريك اخفي الغصـة

::-عــندي رب قـوي وشكاتبلي قابلة

-وتأكدي المكتوبلچ يمي مــن هــسة

مسحت وجهي كــلبي موتتني سويت روحــي ممهتمة واني كــلبي يفور عفتة وكمت لفراشي

تمددت لفيت روحي بالبطانية احچي بحـركة

::-شتريد مني غــير الفلوس

طلع جكاره ورثها واردف

-لـيش منو كالچ بحال الفلوس انا

::-چاا شنوُ تريد كلي حتى انطيك وخلص من شـرك

صفن يباوعلي سحب دخان زفـره وهمس

-تايه ولكيـت ملفاي حضنچ

::-شقصدك؟

-هـيچ ماكــو شـيء تكومـين تبدلين؟

::-فهمني شتقصد؟

-احچي بينـي وبيـن روحي انتِ ياهو يمچ

دنكت مفرفحة كلامة يتردد براسي رجع كال

-كومي حتى تبدلين

هزيـت راسـي ذب جكاره التفت للباب واردف

-نتظريني دقايق اجيبلچ مـلابس واجي

طلع لزمت حلكـي ابچي كـــلبي يفرفحح ألـم كعدت ساده حلكي بطرف الغطا واصيح من الانهيار والدمار اليتصارع بروحي