خرج نيشان لبرا ديمارا الكاط كاط وزاد ملصق مخلي العجاج كيضرب فوجه خليفة .. طريق وحدة للابارطومون لي شرا لرزان وقف داير نظاظر كحلين دور ساروت لقاه مسورت من الداخل وبدا كيصوني بجهد ويعاود تا حلت ليه مخلوعة كتسول مالو وهو دخل كيسوط
رزان :الحاج! .. مالك شنو كاين
الحاج: جيبي ليااا شي حاجااا ننننبرد بيها راني معصب
دخلت للكوزينة جابت ليه كاس د العصير وجلست حداه لابسة بيجاما شورط تحت ركبة وتيشورت سمطة وصندلة صبع فرجليها .. دارت رجل على رجل كتشوف فيه كيسوط فدخان وداوي غ مع راسو
رزان : الحاج .. مالك! .. شنو كاين
الحاج: قاليك اللا باغي يترشح للانتخابات وينافسني اااانا فالدوار!
رزان : اااا شكون هدا
الحاج: شكون من غيرو .. دك سيدهم سليليم تاهو ولا باغي يتقاد مع سيادو ويزاحمني اااانا الحاااااج العربي .. لي مكاينش لي كيقد ينفنف قدامي
رزان: وشنو غ دير معاه غ تخليه يترشح؟
الحاج: هداااك هو النهار لي ماعمرو يحلم بيه .. (تكا على الفوطوي) ولايني انا عارف ليه خو لعبو هادوك مكيتهناو غ بالد م
رزان:طرطقت فيه رزان عينيها) كيفاش الد م
الحاج: والو نساي عليا .. نوضي ديري لينا شي موسيقى نساو بيها هاد الهم
شعلت رزان تلفزة خدمت ليه الشعبي ومشات للكوزينة كتقرقب وهو فالصالون هاز راسو للفوق كينتر الدخان ويحرك راسو كيحلف فيه
رزان: كتكتب ميساج) صابرين سلمان لاباس عليه؟
جبدت صابرين تلفونها وصلها فيه ميساج .. حلاتو كتقرا وقطبت حواجبها: ماعرفتش راه خارج علاش؟
رزان: والو غ سولت وصافي .. يلا باي
حطت صابرين تلفون كتشوف باستغراب وتعاود تقرا دك الميساج .. دخل سلمان وناضت وقفت قدامو
صابرين: فين كنتي؟
سلمان: مع رجال الدوار
صابرين:اهاه .. وشنو كنتي كدير
سلمان: هدرت معاهم على الانتخابات راه غ نترشح
صابرين: صافي هاد شي لي كاين
سلمان: دخل للصالون وتبعاتو كتزرب فالمشية) علاش شنو غ يكون
صابرين: مامشيتي لتا بلاصة
سلمان : بتساؤل) فين غ نمشي ؟
صابرين:صافي .. والو
جلست حداه طالعاها صهدة ماعرفت شنو كاين ودماغها كيوسوس لها .. نفضت عليها دوك الأفكار وسكتت كتسنا الايام توريها شنو كاين
عشق بدوي لن تفهميه! 🌾
فكرة وإشراف : Nada Alami
بقلم: Sola Ait Reddad
VOUS LISEZ
عِــشْــق بَــدَوِي لـنْ تَــفـهــمِــيـه! " بالدارجة المغربية "
ChickLit✨حصريا وفقط على صل نامبر وان✨ عِـــــــشْـــــــق بَــــــــــدَوِي لـــــنْ تَــــفْـــهــــمِـــــيـــه! 🌾 فــكــرة وإشـــراف: الــزعـــيــمـــة نــــدى عــلامــــي بـــقـــلـــــم: Sola Ait Reddad سَحابةُ الصُّمودِ حَجبتْ عَنها رُؤْية ال...
💕 الفصل 47 💕
Depuis le début
