عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 16 💕

ركبو كلهم راجعين للدوار حطو عبد الكبير قدام حانوتو وكملو هما دخلو للفيرما..

عـــشــق بــدوي لــن تـفـهـمـيـه! 🌾

فكرة وإشراف: ندى علامي

بقلم: Sola Ait Reddad

أخذليه كي لاينساكي.. وأوجعيه كي يحبك أكثر 📌

#الجزء_60:

حازمة راسها بزيف حياتي ومتكية على الحيط مرة تبكي مرة تعدد شافتهم دخلو وناضت محنية غادا عندو كتعنق وتقلب فيه واش طارية ليه شي حاجة

للايطو: وليدي جيتي

باس لها فوق راسها: مكاين والو اعمتي ماديريش فبالك

للايطو: بغاها فك دك الغدار وكلت عليه الله فهاد النهار غ لي خلاه نورالدين مع سلمان بغا يكملو هذا معاك

هزت صابرين صاكها ووقفت طالعة فحالها بلا متهدر شاف فيها معصب

كيهدر مكشكش: الوالدة واش غ نبقا غ نهدر ماشي مرة ماشي جوج كنقول لك فرقيها عليك كتشوفي شنو كتقولي وملي كتجاوبك مكيعجبكش الحال راه مكظلمكش

جرو من دراعو : تهدن اصاحبي مالك شعلتي فدقة

سلمان نتر دراعو: طلق مني اجبران.. (شاف فيها) ياك هدرنا فهاد شي، نهار لول قلت لك ماباغيش نتزوج حيت مغتافهميش معاها عاقلة على هدرتك ياك؟ .. ياك مظلمتكش ملي جبتها

للايطو كتبكي: اييه سري اوليدي زيدني على اخر أيامي وليتي تعايرني

جبران: عمتي ماديش عليه راه غ معصب وكان

سلمان كيشير بيديه: لا هدرة ودازت مغنعاودهاش مرة أخرى (رجع شاف فيها مخنزر) نرجع نسمع شي حاجة فحال هادشي غ تكون اخر مرة تشوفي فيها هاد الوجه .. واقسم برب الكعبة مترجعي تشوفيه تال الممات

جلست فالارض كتبكي لاحت الزيف ونتفت راسها وهو باقي كيغوت

جبران كينوض فيها ويشوف فيه: واصافي اصاحبي صافي الله يرحم باك اللي يمشا فالضو وماحضرش لهاد شي لاماسكت

طلع فحاله خلاه معاها نوضها وجاب ليها تشرب بقا معاها كيطلب فيها وهي كتبكي وتشكي عليه

دخل للصالون معصب هز مخدة دارها فوق فخده وتكا على دراوعو خاشي وجهه وسط يديه كيدي ويجيب فالافكار حتي برد شوي وناض مسح على راسه ووقف غادي لعندها..