عِــشْــق بَــدَوِي لـنْ تَــفـهــمِــيـه! " بالدارجة المغربية "

💕 الفصل 47 💕

صابرين: شنو زعما يكون كيكدب فلخر يخليني على الضس

رزان: ماشي هاكاك ولكن لاكان غ يديرها معاك هاد الحل حسن ليك من فرنسا خلي فرنسا غ للسفر والعطل وضمني بعدا خدمتك مالكي مكلخة

صابرين : ااه بصح

رزان: واجي قولي ليا فحالة الا مشيتو لفرنسا غ تبقا مو بوحدها تم؟

صابرين: ماعرفتش زعما يديها معاه

رزان : عندك يكون دار لك هاكا باش تقولي فرنسا ويهزك ويزيد تاهو حيت مخليتيهش يمشي

صابرين: زعما؟ يكون ناوي يدير هاكا باش يزيد فحالو

رزان: وهو فجميع الأحوال تبقاي هنا حسن ليك وشوفي نتي تاني شنو باغا

صابرين: بغيت العيادة وفرنسا

رزان: وخا تسناي راه غ يبيع الفيرما باش يدير لك هاد شي كلو

صابرين: شنو دابا ؟ نقوليه نبقا هنا

رزان: لي عجبك انا جاني هنا حسن تضمني خدمة اما لا كملتي لهيه ورجعتي عاد تبداي تقلبي وتبداي من زيرو

صابرين: صافي هنا حسن

.............

شد الفران قدام أرض من ديالو هبط ومد يدو للرجال لي كيتسناوه تسالمو ودارو بيه كيسمعو لقرارو

سلمان: المهم الجماعة .. أنا فكرت فهدرتكم وراه غ نترشح ان شاء الله .. ولايني بشرط بلا حملات بلا غوات لي بغا يصوت يمشي نهار التصويت

-دورو راسهم كيهدرو مع بعضهم ويتشاورو كلهم متافقين معاه

الجماعة: متافقين

سلمان: اللهم يسر .. يلا الله يعاونكم

طلع فطوموبيلتو غادي فحالو وتسل من الجماعة واحد مشا كيجري قاصد الفيلا ديال الحاج العربي دق وحلو ليه دخل نيشان ماوقف تال الباب الدخلاني

خليفة: سي الحاج كاين؟

دخلاتو الخدامة عندو باس ليه فوق يدو وبقا واقف

الحاج العربي: اش كاين اخليفة؟

خليفة: سلمان غ يترشح للانتخابات

عشق بدوي لن تفهميه! 🌾

#الجزء152:

الحاج : حط الكارو من فمو) كيفاش غيترشح

خليفة: اييه اسيد الحاج قالها بفمو اليوم لرجال القبيلة

الحاج: دابا هاد خينا علاش كيقلب .. ضسااار ولا كيتسابق معاياااا رجلييي برجلووو

تعصب الحاج وناض كيمشي ويجي وخليفة مهبط ليه الراس وكيسمع

الحاج: البرهوش تزاااد غا البارح ولا باغي يتنافس معايا ويدخل قالك للانتخاابااات (هز سوارت الطوموبيل وزاد خارج وخليفة تابعو) وااخا اسي سلمان دابا تشوف .. دابا ندمك كيما ندمت الكلـ ب بوووك نهار بغا يتقاااد معايا