[هو نظر عيني هو سبة علتي ودواها]

٦

قعدو يصورون بعض ويسولفون
الساعه ١٠ وصل العشاء وقعدو العيال يوزعون المويا والسفن والبيبسي والبنات سوو سلطه وقعدو يوزعون
تركي ونواف دخلو الصحون جوا وراحو المجلس يتعشون
البنات سحبو الصحون وحطوها ع السفر ورتبو المكان والاشياء وطلعو
تعشو الضيوف وشربو شاي وكل واحد توجه لبيته
جات الساعه ١٢ ولبسو البنات بجامه وشالو الميكب ولمو شعورهم فوق وطلعو الحوش يكملون السهره
تركي ونواف ونايف وعبد الله يلعبون بالوت والجد وعياله نامو
تركي:متى بتمشون
نواف:اتوقع بكره
تركي:اهاا ودي اطول والله اجواء المزرعه تجيب السعاده
نواف:اي والله انك صادق
نايف:منجد والله راحه هنا
تركي:اي ياخي وماتطفش
نايف:اي
خلصو لعب والكل توجه لفراشه بينام وراح تركي لغرفته وقفل جواله وقعد يستوعب اللي شافه وكمية الجمال والانوثه اللي فيها طنش الموضوع ومااهتم مرا وسمى بالله ونام
رغد والبنات دخلو غرفتهم وقفلو اللمبات وسكرو جوالاتهم ونامو
صباح يوم جديد الساعه ١٠
تركي دق على امه: لاتسوون فطور انا بجيب
امل:لاتعب نفسك انا بسوي
تركي:لا يمه تكفين انا بجيب مو مشتهي من البيت شيء
امل:خلاص بكيفك
تركي:سوو شاي بس
امل:تمام
راح المطعم وجاب فطور والبنات سوو الشاي وقعدو ينتظرونه
وصل تركي ونزل الاغراض على باب الحريم وراح للمجلس وطلعو البنات اخذو الاغراض وحضرو الفطور وقعدو يفطرون مع جدتهم وامهاتهم
الجد سعيد:الله يعطيك العافيه ياولدي
تركي:الله يعافيك
الجد سعيد:عندك دوام اليوم؟
تركي:لا بكره الاحد اداوم
الجد سعيد:اي زين وبتمشون الليله ولا ماودكم
صالح:كيفكم ان بغيتو تمشون مشينا
نايف:كيفكم والله
الجد سعيد:البنات مرتاحين ومبسوطين هنا بالحيل ماودي نمشي
صالح:اي عاد البنات هذي اجوائهم خيول وتصوير وسهره
الجد سعيد:ياحلوهم والله انهم يحلون كل شيء
افطرو العيال وخلصو وقعدو يسولفون مع بعض
عند البنات:
رغد:بنروح للخيول العصر تمام؟
هيام:تمام
خلود:ياخوفي يقولون بنمشي
رغد:ماعليك انا اقنع جدي نجلس
هيام:بكره عندي محاظرات المشكله لازم نمشي
روان:وانا بكره اختبار وماذكرت زين
رغد:ياليل المدارس ذي حوسه وقرف
روان:منجد
الهام:حقيقي والله
رغد:ماشبعت ياخي ودي اجلس بعد
الهام:حتى انا
خلود:معليه نجي الاسبوع الجاي نكلم جدي
رغد:ان شاء الله
صارت الساعه ٤ العصر دخلو البنات لبسو واخذو جوالاتهم وتوجهو للخيول
رغد لبست بنطلون اسود وتيشيرت ابيض وفتحت شعرها وراحت معهم
الهام:ابي وحده تصورني صور حلوه
رغد:انا بصورك
الهام:يلا
رغد:بعدها دورك
الهام:تمام
تركي ونواف ونايف وعبدالله كانو يتمشون حول الاسطبل والباب كان مفتوح شوي تركي لمح الباب مفتوح وقال للعيال غيرو الوجهه بنروح ورا احسن
كملو مشي وسوالف وكانو راجعين للمزرعه وراحو العيال للمجلس وبقى تركي يدور سماعته بالسياره والتفت للباب وشاف رغد جنب الخيل والهام تصورها
رغد:صوريني فيديو وانا برفع شعري فوق جنب الخيل
الهام:تمام يلا
تركي واقف يناظر بحركاتها ويضحك
رغد نزلت جوالها وقعدت تربط شعرها فوق ولفت ع الباب وشافته واستغربت مين ذا وتركي يناظر فيها وصنم مكانه
الهام:شفيك بنت وش تناظرين
رغد:ااا لا ولاشيء بس شفت سياره مرت قلت امكن احد اعرفه
الهام:اهاا امشو ندخل داخل حر
رغد:تمام يلا
تركي راح المجلس واخذ سماعته ومنصدم من جمالها وانوثتها طنش الموضوع وماعطاه اهتمام ابد راح عند العيال وقعدو يتقهوون ويسولفون
اذن المغرب وجاء الجد للبنات:سلام
رغد:يامرحبا وعليكم السلام
الهام:هلا وعليكم السلام
هيام:وعليكم السلام
الجد سعيد:ماودكم تمشون