حمامة الشهم ( مكتملة )

6... Part

بس اني بعد ماريد اشوف بس اريد اجيسج اريد الحك عليج..

تقربت لوجها اريد اخوفها بس تراجعت عن ذيج الفكره الجايفه ..

بس شفتها كامت ترجف حيل رخيت ايدي وجان تطفر من الفراش بالكاع وكعت تحجي بهستيريه..

_ ل لا لا لا فدوة فدوة لا تلمسني عليك الله

كمت من مكاني _ اسكتي

كامت تحرك براسها بقوة حسيت وضعها مو طبيعي فاتحه عيونها مصدومه وكامت تنفس بقوة وتشهك وتحجي _ بعد ما اسويها بعد ما اسويها

بلعت ريك وحاولت الزمها _ اتشاقه وياج كافي

رجعت ليوره ولزمت شعرها وملخته حيلل _ لا تتقربلي اكول لابويه

استغربت من حجيها تحجي وتباوع كدام عبالك جاي تحجي ويا غيري ما عبالي هيج تصير كامت تملخ بخدودها ركضت عليها ولزمت ادينها وزمخت _ كافي لج كافي

بس تشكهك وتهز راسها _ ابد ابد بعد متصير

اشو هاي كامت ما تكدر اتنفس خرب حضي اني شسويت مادري شتصرف لزمت وجها وكلت _ حمامه حمامه باوعيلي بس باوعيلي ماكو

ما ترد علي حسيتها فصلت او انصدمت ما توقعت هيج تصرف عبالي هيا راح تخضع مثل كل بنيه..

حجيت بهدوء _ اني وياج بس باوعيلي ما اتقربلج بعد جنت اتشاقه وياج

باوعت علي تنفس بس وجها صار اصفر حيل وشفتها بيضه ما دريت شنو اتصرف بس سحبتها الصدري وحضنتها حيل _ شش اسكتي

لزمت ذراعي قوي واشبكت وكالت _ خايفه لا يتقربلي فدوه

_ منو هوه ؟

ضلت ساكته وحسيت نفسها استقر الغرفه صارا صمته وهيا حست على نفسها ودفعتني قوي وكالت _ انته شلون تتجرأة تسوي هيج

باوعتلها ببرود ودريت صارت زينه كمت من مكاني وذبيت روحي على الجرباية _ ما ردت اسوي شي انتي بالغتي

كامت من مكانها ومسحت وجها وكالت _ انته صدك واحد متستحي ما عندك غيرة شلون تدخل على بنيه نايمه وتحرش بيها الله لا ينطيك عود هاي انته القانون والضابط شخليت لولد الشارع

_ نجبي وطلعي بره اريد انطمر

نترت بيه _ ما اطلع انته مو صاحي مو قبل جم يوم كلت عليك شريف علمني على العباية والحجاب ليش انته منفصم متناقض

_ يله عادي كهكهيات

ضلت تباوعلي وكالت _ انته مو بشر

_ لعد شنو خارق

_ انته واحد شيطان وخبيث ونيتك سوده والله لا ينطيك نشالله والله اذا تقريتلي مره اخرة اندمك

_ اصلا انا مو بوعيي عبالي غيد لو ادري بيج انتي الصفره ما اجيسج اصلا ما اتقربلج تلعب روحي عبالك شحم مطي