مابين الحـب والانـتقام

34

حيدر: ماشاءالله شاحنيج فول ودازيج بس خل اكلج شي واحفظي زين ليحجي على مرتي ويقلل من قدرها معناها حجة علية وقلل مني وليسوي هيج مالة مكان بيتي لان راح يشوف مني شي مايعجبة

: تطردني يشرار والله وكت لخاطر هاي لمدري منين جايبها نسيتني مني انه الله يرحم الغالي عبن لو موجود جان عرف شيسوي

حيدر: ليحجي كلمة حق وعدل اخلي فوك راسي وهو صاحب البيت بس غير شي ويجي بدون مافاهم يحجي لاهنا يعذرني

:من عبن خربت رجولتك هل بت هاي لو من صكد رجال وزلمة معدل جان اخذت بت عمك وحبلتها وخلفتلك بمكان الغريبة

فرح: هية حجت هيج بس ياريتها ماحاجية انكلب غير واحد بلصياح ولتكسير وطبك الكل كمت ارجف من لخوف ومن لخوفة رحت ختلت بل حمام وابجي وسادة اذني شوية هدء الوضع واجة مهند شافني

هيج كومني وطلعني من لحمام اخذني لصالة واخذتني عمتي منة وحضنتني الصالة ماتنشاف من ورا مامخلي شي بيها وكلهم واكفين ماكو ثواني ونزلت شيرين تركض على درج بس مالحكت ولزمها ونزلها سحل ضل يضرب بيها وهية تصيح

وكلهم لتمو علية ويصيحون ويوخرون بي منها اني ماتحملت بعد كعدتت بلصالة ومغطية وجهي وارجف وابجي بصوت

حنين: شفت فرح هيج ركضتلها واصيح
ولجج يمةة فررح لحكيلهااا لبنية مدرري شبيها
حيدرررر فررححح شوفوهاا

لزمها واريدها بس تستقر ترجف بيدي جسمها كلة يبس ومغطية وجها وضامة نفسها اجتي امي عليها وياسر يردون بس يهدوها لحد مانتبه عليها حيدر واجة بسرعة عليها اخذها لحضنة ويحجي وياها ويوخر ب ايدها من وجهه

فرح: لا لات تسويلي ش شي
حضنها وكلها
حيدر: ماسويلج شي وعيونج على كيفج فرحة هاج اشربي ماي
حيدر:لاتخافين يحيلي
اششش كاافي

فرح:لحد مارتاحيت شوية كمت كوة وجسمي ماحس بي وعفتهم وصعدتت قفلت لباب وكعدتت ابجي بل غرفة
شكد اندك لباب بس عفتهم لحد ما بليل كاعدة على جرباية وفتح لباب ودخل باوعت علية ونزلت راسي
اجة يمي وسحبني لحضنة وباس راسي
حيدر:فرحة بيج شي بوية

هزيت راسي ب لا
حيدر: لاتخافين اني مو يمج ولااذيج تعبتيني عليجج ليش هيج تخافين مني
فرح: اخاف منك ترجع علية وتاذيني
حيدر: لاتخافين يرويحتي انسيي لصار قبل

تمدد وخلا راسة بحضني باس بطني وكال
حيدر:اخخ فرحتي تعباان وراحتيي يمج
فرح: نزلت راسي علية وبستة وضليت العب بشعرة لحد مانام ماعرف ليش انقهرت علية وبجيت ماعرف شوكت راح يرتاح احسة هواييي شايل قهر بس متحمل ويبين هو مامهتم وعادي