في معتقل مجنون {مكتملة }

البارت ٣

روان_تاركة

الدكتور_شعجب تاركة

روان_ماحب الدراسة

الدكتور_بس الدراسة مهمة حاولي ترجعين وتكملين دراستج

روان_ممكن اطلع

عبدالله كام بطوله وكال "
دكتور فدوة لعمرك طلعها ماتشوفها راح تنفجر

الدكتور _ ماتطلع تعاي اكعدي بمكاني بلكت
تحسين وترجعين تكملين دراستج

روان_ دكتور والله ماغير رأيي فدوة خلني اطلع
والله راح أموت ماتحمل بعد

الدكتور_تتحملين تعاي يابة

الدكتور عاند وأني ختنكت نفسي كامت تكلب كلب كلت هسة راح ازوع بنص القاعة وانفضح اباوع السرى مبتسمه والدكتور يأشر اكعد بمكانه بلعت ريجي

روان _اسفة ماكدر اكعد بمكانك وهالمكان اله حرمته

الدكتور_بس أني دا امرج

روان_مالك أمر علية أني مجرد ضيفه مرخصتك

درت ظهري متوجها للباب خليت ايدي على ايد الباب جان يرد

الدكتور_تطلعين بدون أذان ؟

روان_اختنكت ونفسي دا تلعب دكتور بس أبقى ثانية تتحمل المسؤولية الي راح يصير بي بنص محاضرتك

الدكتور_خير ان شاء الله

عبدالله رد "
مريضة وعدها ضيق بالنفس خلها تطلع دكتور

الدكتور_وأنت شمدريك بيها مريضة ؟

عبدالله _صديقتي سرى كالتلي عن مرضها

الدكتور_هاا اطلعي يابة سرى روحي ويا اختج أخاف تتخربط

كتمت ضحكتي الحمدلله نقذني عبدالله طلعت
طلعت وراي سرى خربانة من الضحك. .

_عبدالله نقذج من دكتور سرمد

_هذا دكتوركم شكد لزكة

_مو لزكة هذا هو مجامل ولطيف ويه الكل

_مو هيج

_أمشي خل اوديج للمغاسل غسلي وجهج أصفر هههه

_وعلي لو باقية ثانية وحدة جان زوعت على دكتوركم ههه

_تسويها هههه

_اي و الله هههه

أخذتها ورحت غسلت وجهي ....ورجعت عدلت المكياج الي وبقينه نفتر بالكلية ماحبيت الأجواء أبد دخلنا للكفتيريا نفسي لعبت واختنكت من الدخان لأن بداخلها يسوون اكل

ودخان يخنك وأني مامتعودة على هيج أجواء مو مثل المتعود عادي عنده بسرعة طلعت نفسي تكلب
كلاب اجت وراي سرى

_شبيج

_ساعة السودة لجيت بي وياج

_ماطلعت وياج روان