"ရောက်လာပြီလား။ မင်းအဖေထွက်လာလိမ့်မယ်။ အခုမှ ရေထချိုးနေလို့လေ"
"ဟုတ်ကဲ့ပါ အမေ"
ကျွန်းသားပရိဘောဂများကို မောင်တို့အိမ်တွင် ဖောဖောသီသီတွေ့ရသည်။ မဟော်ဂနီသား စားပွဲဝိုင်းများကလည်း ဟိုနေရာသည်နေရာမှာ အိမ်ကြီးကို အလှဆင်လျက်။
"မင်းလက်ထပ်မယ့်သူခေါ်ခဲ့မယ်ဆို JungKook"
ယင်းစကားကမူ Taehyungအရှိုက်တည့်တည့်ကိုထိ၍ အိုးတိုးအမ်းတမ်းဖြစ်သွားစေ၏။ ဗွေယူစရာတော့မဟုတ်။ ယောကျ်ားသားတစ်ယောက်နှင့် အတူရောက်လာခြင်းကို မောင့်အမေက ချစ်သူတစ်ယောက်ဟု မမြင်နိုင်ခြင်းမှာ သာမာန်အတိုင်း သဘာဝကျပါ၏။
"မျက်ခြယ်..ထိုင်လေ"
မောင်ထိုင်ဆိုလို့သာ ထိုင်လိုက်ရသည်။ သူ့မှာ ခြေထောက်နှင့် ကြမ်းပြင်ပင် ကပ်မနေတော့သည့်အလား။
"ဒါ ကျွန်တော့်ချစ်သူ။ Kim Taehyungတဲ့"
မောင့်အမေ၊ မောင့်အစ်မ၊ ခပ်လှမ်းလှမ်းက စောင့်ကြည့်နေသော မောင့်အစ်ကိုနှင့် မောင့်ညီမ.. အားလုံး၏ အကြည့်နှင့် အာရုံဟာ သူ့ဆီမှာ တစ်သားတည်းကျ၏။ မောင်က သူ့လက်ကို ပိုတင်းကျပ်စွာ ဆုပ်ကိုင်ထားသည်။
မျှော်လင့်ထားသည့် အံ့ဩခြင်းမျိုးပါပဲ KimTaehyung. သူ့ကိုယ်သူ နှစ်သိမ့်နေသော်လည်း ထင်သလောက် အရာမထင်။
"ငါ့သားတို့ ရောက်နေပြီဆို"
လှေကားပေါ်က ဆင်းလာသော အမျိုးသားကြီးက မောင့်ဖခင်ဖြစ်ဟန်တူသည်။ မောင်နှင့်တူညီသော မေးရိုးထင်းထင်းများကို သူရိပ်စားမိသည်။ မောင်က မိဘနှစ်ပါးဆီမှ ရုပ်သွင်လက္ခဏာတစ်မျိုးစီအမွေရလာသူ။
"ဘယ်မှာလဲ ငါ့သားလက်ထပ်မယ့်သူက.."
အလိုက်မသိစွာသော Mr. Jeon၏ အမေးကြောင့် Mrs. Jeonက စူးခနဲစိုက်ကြည့်သည်။ ထိုမှသာ Mr. Jeonလည်း အခြေအနေကို ရိပ်စားမိတော့သည်။
"ယောကျ်ား.. ဒါက JungKookချစ်သူတဲ့"
"ဟေ.."
နောက်ထပ်မယုံနိုင်စွာ ကြည့်လာသူတစ်ဦး။ ဖြစ်နိုင်လျှင် ထူးဆန်းသူတစ်ယောက်လို အကြည့်ခံနေရသည့်အချိန်ကာလအား ကျော်ပစ်လိုက်ချင်ပါရဲ့။
YOU ARE READING
ℒ𝑖𝑠𝑡𝑒𝑛 𝑡𝑜 𝑡ℎ𝑒 ℛ𝑎𝑑𝑖𝑜♪
FanfictionTennessee Radio Station ? Turn on 91.3 MHz. One fine evening let me hear your voice. Captivate my soul and from my heart, can't I let it flee. Since then, you stay on my mind rent free. Kookv JJK × KTH [Disclaimer : This is just a fiction and nothin...
Part 21
Start from the beginning