مسحت دموعه :- أنتَ قوي لا تبـچـي ماما تضوج أذا تبـچـي خطية تقبل تضوج
- لا
- چـا گوم وياي خل ننزل ونأكل ونلعب علمود تفرح
- عمو وين
- ها
- عمو
- يجي ان شاء الله يجي
- راح مثل ماما
- لا مو هيـچ
- همَ ما يحبوني يعوفوني هنا
- ليش تحـچـي هيـچ ؟
- أني ما أحب أحد هنا وهمَ يعرفون لو يحبوني ما يعوفوني هنا وحدي
- راح أزعل عليك وأنــه وين رحت ؟؟؟
دنگ راسه وضل ساكت ابتسمت ولزمت چـف أيده :- گوم يلة يلة خل ننزل
قنعته وغسلت اله ونزلنا لجوة سويت اله عشه لأن محد سوة ومحد اله نفس يتعشه بَـس هوَّ طفل ما يفتهم وجوعان سويت اله الأكل ويريدني أكل ويا
- لا ما اگدر بطني توجعني
- نصيح لعمو يجي يأخذچ للدكتور
- لا حبيبي هسة تطيب
هز راسه وكمل أكله وأنــه رحت للهول البنات يفترن والجهازات ما طاحت من ايدهن والتوتر والقلق ألف على وجوهن
نيران تتصل فزت ورفعت الجهاز على أذنها وحچت بسرعة :- عربيد شلونه أخوي
كلنا حاوطناها ونباوع عليها نريد تنطق زين علمود تطمنه بَـس ضلت ساكته روديانا جرت الجهاز وفتحت المايك لأن ما نتحمل لمن تكمل وتحچيلنه
عربيد :- بعده بالعلميات
نيران :- يعني ما ميت مو لا تچذب علية
عربيد :- أي ما ميت سيارته متأذية وهوَّ هسة بالعمليات
نيران :- شبي صوتك عربيد أخوي بي شي
عربيد :- لا بَـس شوية تعبان وحش هسة خل تخلص العملية واتصل عليكم لا يضل بالكم
YOU ARE READING
جنون العقلاء
Actionسيأتي ذلك آليوم الموعود فيهِ ضريبة الحق والوعود لينهي كُل شيءً في الوجود . قبضتهم حديد نظرتهم جليــد حياتهم رخام قلوبهم حطام كلامهم سديد حكامهم عبيد عمرهم فناء قلوبهم عناء حكمتهم الدم مهدور والانسان لديهم مأسور حياتهم في قمة الثراء يأكلون الحرام دون...
part 35
Start from the beginning