ဘာလို့လဲဆိုရင် မင်း ငါ့ကို ရွေးရွေး မရွေးရွေး ငါက မင်း အနားမှာပဲ ပုံစံအမျိုးမျိုးနဲ့ ကပ်တွယ်နေမှာမို့လို့
ဒါကို မင်းနားလည်လား "
အရုဏ်ဦးက သူ့စကားတွေကို နားထောင်ပြီး မဲ့ပြုံးတစ်ချက်ပြုံးသည်။
" မင်းက အတ္တကြီးစွာနဲ့ ကိုယ့်ဘက်ကိုယ်ပဲ ကြည့်နေတာလေ.... ဘာပဲဖြစ်ဖြစ် ငါကတော့ မင်းကို စွန့်လွှတ်လိုက်ရတာပဲမဟုတ်လား "
အရုဏ်ဦးရဲ့ ထိုစကား တစ်ခွန်းဟာ သူ့အရှိုက်ကို ထိစေခဲ့သည်။သူ့ရဲ့တစ်ဖက်သတ်အမြင်ကို တိုက်ရိုက် ထောက်ပြလိုက်သည်မဟုတ်လား။ တုံ့ပြန်စကားမဆိုနိုင်ဘဲ ငေးငိုင်ကျသွားသော သူ့ကို အရုဏ်ဦးက အေးစက်သော လေသံဖြင့် ပြောသည်။
" ဒီတစ်ခါ ငါ့အလှည့် ငါ မင်းကို ရွေးချယ်ခွင့်ပေးမယ်
"အရုဏ်ဦးက ဘောင်းဘီအိတ်ကပ်ထဲကနေ အခန်းကတ်ကို ထုတ်ကာ အိပ်ရာပေါ် ပစ်ချလိုက်ရင်းပြောသည်။
" မယ်မယ်က ငါ့အတွက် စေ့စပ်ကြောင်းလမ်းပေးဖို့ ပြင်ဆင်နေတယ်
ငါ လက်ခံရမလား လက်မခံရဘူးလား
မင်း ပါးစပ်ကနေဖြေစရာမလိုဘူး။ လက်ခံလိုက်လို့ ပြောမယ်ဆို ဒီအခန်းကတ်ကို ယူပြီး သွားအိပ်လိုက်တော့.... အခန်းချင်းပြောင်းအိပ်လိုက်တာက ဘာမှ ပြဿနာမရှိဘူးမလား
မဟုတ်ရင်.......
ဒီည ငါနဲ့အတူအိပ် "
တင်းမာနေသော အရုဏ်ဦးရဲ့မျက်နှာဟာ အရေးပေါ်အခြေအနေမျိုးမှာ လူနာအတွက် ဆုံးဖြတ်ချက်ချဖို့ စောင့်ဆိုင်းနေသည့် ပုံစံမျိုးပင်။ ဝေခွဲမရနိုင်သော သူ့မှာသာ အခန်းကတ်ကို ကြည့်ရင်း ငေးနေဆဲ။ ထိခိုက်မသွားစေလိုသော အရုဏ်ဦးရဲ့ ဂုဏ်သိက္ခာ တွေ၊ အရုဏ်ဦးအပေါ် စိတ်ပျက်သွားမည့် မယ်မယ့်အကြည့်တွေ၊ စော်ဘွားရဲ့နောက်ဆုံးမျိုးဆက် ဆိုသော အတွေးတွေဟာ ခေါင်းထဲမှာ ပေါ်လာနေသည်။ ပြီးတော့ စေ့စပ်ပွဲဆိုသည့် အကြောင်းအရာ။
" မင်းရဲ့ Decision က ဒီလောက်ကြာနေမယ်ဆိုရင် Emergency patient တစ်ယောက်အတွက် အများကြီး နစ်နာသွားမှာနော်..... "
YOU ARE READING
မောင့်ချယ်ရီ ဝေသောမြေ (Emergency Love Story)-Completed
Romanceခွဲစိတ်ဆရာဝန်နဲ့ အထွေထွေရောဂါကုဆရာဝန် ကြားက ဇာတ်လမ်းတစ်ပုဒ် ပါ မတူညီတဲ့ပြိုင်မျဥ်းတွေဟာ လားရာတစ်ခုတည်းအတူသွားကြတဲ့အချိန်မှာ မတော်တဆ ဆုံစည်းမိတတ်ကြတာပဲ မဟုတ်ပါလား အရေးပေါ်အခြေနေတွေကြားကနေ ဖြစ်ပေါ်လာမယ့် အချစ် Emergency Love Story ပါပဲ