ياليت صواديف الايام تجمع كل الولايف

Bart9

و هذَام يناظر الهنوف بحب لاحظه مهَاب وابتسم ضل هذَام يناظر السياره لين اختفت من عينه
مهَاب :  مهي طايره اكلت البنت بعيونك يولد اهجد
هذَام : وه اسوي حبيتها يا مهَاب
مهَاب : الله يشفيك وانا اخوك اهجد بس
هذَام : انا ميت فيها يا مهَاب ميت فيها ما اشوف غيرها
مهَاب : الله يصلح الحال وانا اخوك يلا انا ماشي تأخرت على الاهل
هذَام : الله معك يبو همَام
مهَاب :  فاهمنيي
هذَام : خويك شلون ما افهمك
مهَاب : خلاص توكل بيتكم
هذَام : بسوي نفسي ما سمعت
مشى هذَام لسيارته و مهَاب لسيارته
هيام : وش كنتو تسون
مهَاب : نتناقش نقاش تافه
هيام : تعلمني نقاشكم التافه؟
مهَاب : انتي تبين تعرفين النقاش التافه يأم همَام
هيام ابتسمت : عرفت نقاشكم يبو همَام
مهَاب ابتسم : عقبال نشوف همَام بحضنك بدال ذياب
هيام : مهَاب
مهَاب : عيونه
هيام : انت تحب ذياب مثل تحبني
مهَاب استغرب : ايوا ليش
هيام : اختي تبي ذياب يعيش معها
مهَاب : انتي تبينه يعيش معك ولا مع اختك
هيام : ابيه يعيش عند اهل ابوه
مهَاب : متأكده
هيام : اي هم لهم الحق يربونه هو حفيدهم مثل ماهو ولدي هو ولد اخوهم
مهَاب : هيام انتي تعبانه فيك شي
هيام : لا مافيني شي انا بخير بس اللي ابيه انو ذياب يعيش عند اهل ابوه
مهَاب : تمام براحتك بكرا بحجز طياره ل الدمام
هيام سكتت تفكر بالقرار اللي اخذته اول مرا تفكر بدون ما سستشير احد
وصلو بيتهم و نامو
((الصباح في قصور عماد ال سعد))
جالسين يفطرون بأمن الله
صدف : انا قررت
سماح ابتسمت : وشو قرارك
ريان بملل : بتشترك بنادي فورسيه
صدف : ريان كان خليتيني انا اقول
سماح : تمام تعرفين؟
صدف : ايوا كنت العب خيول بس وقفت
سماح : من متى اذكر يوم ما كنت معاكم يعني لسى زوجه عبدالله ماكنتي تعلبين خيول
صدف : يوم بابا تزوج غيداء كنت طول الوقت طفشانه ف اشتركت لي غيداء بنادي
سماح ابتسمت بقرف من طاري غيداء : خلاص تم ابشري بالنادي
صدف : ابي اروح النادي اللي سجلت لي فيه غيداء
سماح : تمام  براحتك
صدف ابتسمت
((قصور ثامر ال سلطان))
رشا : بابا
ابو راشد : سمي
رشا : جيلان عزمتني ببيتهم عادي اروح؟
أبو راشد : تمام روحي
ام راشد : الا يا ثامر ما كلمك ابو عمر متى بيجون يخطبون رسمي ويملكون
ابو راشد : الا كلمني قريب ان شاء الله
ام راشد : راشد كلمني يبي يخطب
ابو راشد : مابقى السلقه يخطب
ام راشد بزعل : لا تقول عن ولدي كذا يا ثامر
ابو راشد : ومين ان شاءالله يبيها
ام راشد : بنت اختي فوز جيهان
ابو راشد : خلاص تم بعد ملكه رشا نخطب له
(( في احدى الفنادق بالدمام  ))
مهَاب: ها خلصتي
هيام : اي خلصت اغراض ذياب واغراضنا بنوديه و بنرجع على طول
مهَاب : هيامي متأكده من قرارك
هيام : ايوا كافي حرمتهم منه سنين مالي الحق احرمهم منه
مهَاب : تمام يلا
هيام : يلا
لمو اغراضهم ونزلو السياره وحركو متوجهين لبيت ابو بدر
((قصر اسَرار ال عماد))
دق الباب فتحت العامله
فيصل : اسَرار موجوده
العامله : ايوا بغرفتها
فيصل : كويس
طلع فيصل غرفه اسَرار ولقاها نايمه طفا المكيف و شغل النور
اسَرار تحركت بأنزعاج
فيصل : اسَراري بنت اسَرار انا جيت قومي
اسَرار فتحت عيونها ببطئ : خالو فيصل
فيصل : عيونه يلا قومي افطري انا جيت سَرار حطت راسها على صدره و كملت نوم
فيصل ابتسم : يا كسوله قومي تبيني افطر لحالي
اسَرار ماردت كملت نوم
فيصل بحنيه : اسَرار كافي نوم قومي يلا
اسَرار صحت : فويصل انت ليش ماتخلي الواحد ينام
فيصل : كيفي ويلا قومي فطور
اسَرار زفرت بملل : تمام جايه
فيصل سحبها ونزلها معاه : المسلم لايلدغ مرتين
اسَرار : شدخلل
فيصل : تبيني انزل و تكملين نوم عارف حركاتك
اسَرار ابتسمت : خلاص تمام معد بنام ارتاح الا وين ابتسام غريبه ماجت معك ولا ماخذ بنت عمي كذا و تسافر و تخليها
فيصل : عند اهلها بتفطر هناك و بعدين شدخلك
اسَرار : اوكيه يالرجل الغيور هدي
فيصل ضحك : يلا افطري عشان نمر ابتسام و نتمشى
اسَرار : انتو روحو انا عندي تدريب في النادي
فيصل بأستغراب : نادي وش
اسَرار : نادي فورسيه
فيصل : اها بس ترا اذا خلصتي بنمرك
اسَرار ابسمت : برجع مع صحبتي بيتهم انا وصديقاتي بنتجمع
فيصل : يعني ما نقدر نطلع نتمشى
اسَرار : يوم ثاني
فيصل : براحتك
((قصور وافي ال فيصل))
جيلان : وش السالفه في القروب مافهمت شي
الهنوف : امين و هيام تهاوشو
جيلان استغربت : على وش
الهنوف : هيام ارسلت صور لذياب وهو مع عمته سحر تقول بتخليه يعيش معاهم الى الابد
جيلان بصدمه : منجدهاا ذيي صاحيه استخفت فيها شي
الهنوف : صراحه انصدمت منها ما توقعت خلي ذياب عند عماته ولا تقول لهم الحق بتربيته
جيلان : لا والله استخفت شلون تتخلى عن ولدها اختك المجنونه ذي
الهنوف : بس يعني احس معاها حق شويا هم عماته ولهم الحق يربونه واصلا هي مو حرمتهم منه
جيلان : الا بس مو تتخلى عنه المهم تجهزي عزمت رشا و انوار و جيهان
الهنوف : تمام
((الدمام))
صورت ذياب وهو مع عمته و ارسلتها بقروب خواتها وكاتبه مع الصوره بخليه يعيش مع عماته الى الابد
ردت عليها اميره
اميره : هيام استخفيتي جاك شي مريضه صدق شلون تتخلين عن ولدك يالمريضه
هيام : عماته ولهم الحق يربونه انتي مالك دخل انا امه ولا انتي
اميره : يالمريضه شجاك لهدرجه كارهه ولدك
هيام : اميره احترمي نفسك وبعدين مو كارهته بلعكس احبه و اموت فيه بس ابيه يعيش عند عماته
اميره : اعطيني سبب مقنع يالاخت
هيام : مالك دخل وبعدين ذولا عماته زي ماا انتو خالاته
قالت كلامه و قفلت جوالها
مهَاب بهدوء : مشينا
هيام : مشينا
حرك مهَاب متوجه ل المطار وطول الطريق السياره هدوء
((نادي فورسيه ال عواد))
صدف تداعب حصانها الابيض و مسميته الاجَدل
دخلت اسَرار بأبتسامه : هايي صودفي وين هيام و الجود
صدف : هيام ماراح تجي مسافره و الجود جايه
اسَرار : اها اوكيه وين حصاني
صدف : قلت لهم يحطونه بمكان خاص فيك
اسَرار : ثنكيو صدوفي
صدف : ولكم اسَراريي
توجهت اسَرار لمكان الخيل حقها الخاص
دخلت الجود وهي تغني : روح و طله وضحكه تبرى العليل
مو حبيبي انت زاد والهوى
وما اقول النادر انت و القليل
دخلت اسَرار وهي تغني معاها
انت شي ماصار اصلا و استوى
صدف ابتسمت وغنت معاهم 
في غلاه وفي جماله المستحيل
صفقت الجود بفرحه : الله يزين اصواتنا بس ياليت هيام معانا
اسَرار : كله من ابو راس زوجها
صدف : هههههه زوجها وانا شكو وانا شكو
الجود : صدقق واصلا توها ارسلت بالقروب تقول لعد تكنسلون الجمعه بجي بس مابجي النادي برتاح
صدف : وناسه بنتجمع ببيت الجود دامه فاضي ومحد يسكن معاها
اسَرار : وننام عندهاا يوهه مافيه افضل من كذا
الجود : وناسهه بنفلهاا 
تدربو البنات شويا و جلسو يسولفون بعدين رجعو يتدربون ومر الوقت وهم كذا يتدربون و يسولفون
«الليل»
((قصور عماد ال سعد))
سماح : صدف ماما متى حترجعي
صدف : مادري ماما بس اذا حرجع بدق على ريان
سماح : تمام
ريان : انا طالع مع العيال بوديك على طريقي و ارجعي مع اي احد من صحابتك
صدف : اوكيه برجع مع اسَرار دامها تسوق
ريان : اسَرار تسوق؟
صدف : ايوا عندها مرسيدس و جي كلاس
ريان : اها
((قصر اسَرار ال عماد))
ابتسام : اسَرار بنت متى بترجعي من عند صحبتك
اسَرار تحط ميكب : مادري والله بس حنام عندها
ابتسام : اوكيه مع مين حتروحي و حترجعي
اسَرار ابتسمت بخبث : سيارتي او السواق بس لا تخافي حطول خذو راحتكم محد بيدخل عليكم
ابتسام حمرت خدودها من الخجل : لا مو قصدي كذا
اسَرار ضحكت : فاهمه قصدك معليك
((قصر مهَاب و هيام))
مهَاب يمثل الحزن : بتتركيني يالهيام لحالي اوفف كسرتيني ولا بعد بتنامي هناك
هيام ضحكت : روح مع العيال محد مسك
مهَاب : انا ابيك انتي مابي العيال
هيام : انا ابي صديقاتي
مهَاب كشر : طيب العبي علي عادي
هيام ضحكت : هههههه المره الجايه قلت ابيك انت مابي البنات
مهَاب : يزين الغمازه اللي على خدودك بس
هيام استحت و سكتت
مهَاب ابتسم : يلا مشينا و لا كلنستي معد تبين
هيام بسرعه : لا لا يلا مشينا
مهَاب ضحك عليها : يلا انتظرك تحت
هيام : اصبر بنزل معاك
مهَاب تكتف يناظرها بحب و غرام
هيام انتبهت لنظراته وابتسمت بخجل
((بيت الجود))
ترتب بيتها المحيوس عشان صديقاتها بينامو عندها خلصت ترتيب وجلست بتعب دق الجرس و ابتسمت و قامت تفتح
فتحت الباب و زادت ابتسامتها من شافت صدف كالعاده اول وحده تجي
الجود : ارحبي يدهر قلبي يالصدف
صدف ابتسمت
دخلو وجلسو شوي وشوي دق الجرس
وفتحت الجود ابتسمت
الجود : هلا هلا بالاسَرار صاحبه افضل كيرليات
اسَرار ابتسمت : حاطه عينك على كيرلياتي يبنت ناصر
الجود : وهي تجنن اصلا
اسَرار : عارفه مايحتاج
الجود ضحكت
دخلو وجلسو و دق الباب للمره الثالثه و قامو كلهم الثلاثه و فتحو
الجود : يااا هلااا بالهيامم
هيام ضحكت : كنت بقول عسى جيت اول وحده بس هونت من شفتكم كلكم واضح اني اخر وحده
اسَرار : وكالعاده اخر وحده تجين
صدف بغرور : وانا دايم اول وحده
الجود : وكالعاده انا اللي اعزم
هيام ضحكت : ليكون بنقعد واقفين عند الباب
دخلو جلسو يسولفون
اسَرار : ليكون بنقعد بملابسنا ماراح نلبس البجايم
الجود : من اول انتظركم تقولون يلا نبدل ونلبس البجايم
هيام : يلا وربي طفشت من الملابس ابي بجامه
راحو يلبسون بجايمهم متحمسين لسهرتهم
((عند العيال))
ريان : الحين احنا ايش نسوي هنا فوق السياره
مهَاب : كأننا شياب جالسين على المركب حق السياره
هذَام : انا مدري ليش جيت
سهيل : يرجال احمد ربك تجمعنا بس اسمعو شرايكم نروح مطعم قريب يوهه اكلهم جبار
سياف : ذاك المطعم اللي رحناه الاسبوع اللي فات
سهيل : ايييه هو
سياف : قدام
ريان : ياخوفي يطلع بعيد وربي مالي خلق
سهيل : لا معليك قريب
مهَاب : خلاص تم ارسل لي اللوكيشن ونروح بسيارتي بتكفينا
سياف : اي سيارتك فخمه جي كلاس اسود و المطعم اللي بنروحه فخم حق ناس راقين
هذَام : يلا مشينا وربي ميت جوع
ريان : انا قدام جنب السايق
هذَام : لا انا دز
سياف : لا انت ولا هو انا
مهَاب : يوهه سهيل تعال قدام وخلي ذولا يتهاوشون ورا
سهيل : ايوه ذا الكلام الصح
((قصور وافي الفيصل))
جيلان : بنات شرايكم نروح كوفي ونتقهوى
انوار : يمكن ما نلقى كوفي فاتح الحين
جيهان : لا فيه كافيهات مفتوحه
رشا : ومين حيودينا طيب
جيهان : انوار
انوار : فلوس البنزين عليكم
جيلان : عليا بس يلا وربي ملل
الهنوف : خلاص تم و بعدها ابي ارجع انام
جيهان : ايوا ودينا الكوفي وبعدين كل وحده تروح بيتهم
رشا : تمام يلا البسو عبايتكم
لبسو عبياتهم وطلعو مع انوار
رشا : بنات شوفو ذا الكوفي وربي مرا نار
جيهان : هههههه حلوه مرا نار
جيلان : بنات قاعده تجيني رسايل من رقم غريب
انوار : كيف وريني
جيهان : وش قاعد يهبد دا صدق مايستحي وبعدين من وين جاب رقمك
جيلان : مدري استغربت
رشا : بنات بقولكم شي
انوار : قولي
رشا : انا انخطبت
جيلان : هاا وش متى ليه ما قلتي لنا
جيهان : من جدك انتي ولا تمزحي
انوار : هي ترا ذي الامور مافيها مزح
رشا : وي شفيكم كليتوني اي ما امزح صدق انخطبت
جيلان : الله تحمست مين خطبك
رشا : عمر اخو دالين
جيهان ابتسمت : الله و اخيراا بيصير زواج عندنا تحمست من الحين
رشا : بنات ترا وافقت بس مدري احس فيه شي غريب
انوار : لا معليك مجرد توتر
جيهان : حياتي ترا التوتر يجي لا قرب العرس او بيوم العرس انتو حتى مو مملكين
جيلان : وي جيهان ترا التوتر مو شرط بيوم العرس او قبله في ناس يجي بيوم الخطبه في ناس بيوم الملكه
انوار : وهي صادق التوتر مو شرط بيوم او قبل العرس
رشا : يعني توتر طبيعي مافيه شي
جيلان : ايوا ارتاحي
راحو الكوفي و تقهوو ورجعو بيوتهم
((بيت الجود))
هيام : اسراروه لا تغشين شفتك مخبيه ورقه تحت رجلينك ليش تقولين اونو
اسَرار : بطلي كذب ذي اخر ورقه
هيام : ترا شفتك شفتك بطلي غش
صدف : اي اي حتى انا شفتك بطلي غش
الجود : كيف وقفي خليني اشوف فيه ورقه مخبيتها او لا
اسَرار : وي شفيكم علي قلت لكم مافيه شي
هيام : ومستمره تكذبين
اسَرار : شدعوه ليه اكذب
صدف ضحكت عليهم : هههههه وي هيام شدعوه هي ماخبت ورقه اخر ورقه
هيام بقهر : اووف صدف ترا خبت ورقه وربي شفتهاا ليهه تصدقينهاا
اسَرار حركت حواجبها عشان تقهرها : شفتي كيف ما صدقوك خلي الكذب ينفعك الحين
هيام انقهرت زياده : اوفف كذاببههه
الجود و صدف ميتينن من الضحك عليهم وفعلا مر الوقت و غلبهم النوم
الجود بنعاس : بناات يلا ننام وربي مييتته نووم
اسَرار تثاوب : حتى انا معد اقدر ابغى انام
هيام : يلا حتى صدف نامت
الجود : تعالو غرفتي سريري كبير بيكفينا
هيام و اسَرار صحو صدف تجي الغرفه تنام معهم انسدحو كلهم على السرير وفي الجه اليمنى الجود و الجه اليسرى اسَرار وفي النص هيام و صدف و نامو
((استراحه العيال))
ريان : وربيي الاكل يفوزز
مهَاب : صادق
سهيل بغرور : شفتو كيف ذوقي حلو
سياف : تكفى اسكت اللي يسمعك يقول ذوقك حلو اخر شي تلبس لي اصفر مع اسود
هذَام : وهو صادق اسكت لحد يسمعك
سهيل : مالكم دخل فيني وبعدين ذوقي حلو بس انتو ذوقكم خايس وضلو يتناقرون اما ريان و مهَاب غلبهم النوم من مناقرتهم و نامو بدون ما يحسون لفو عليهم لمى ما سمعو لهم حس و شافوهم نايمين
سياف : دامهم نامو ليش ما ننام حنا كمان
سهيل : فكره هذَام طف النور دامك قريب
هذَام : تمام
طفى النور و نامو كلهم و صارت الغرفه هدوء
«الصباح»
((قصور ثامر ال سلطان))
ابو راشد بهدوء : وش صار على خطبه رشا شكلهم هونو معد يبون بنتنا
ام راشد : والله ماظنتي بس ابكلم اختي و اشوف
ابو راشد : ايوا والله كلميها مو يخطبون و يسحبون
ام راشد : ما سحبو يا ثامر يمكن حصل لهم ظرف ولا شي
ابو راشد كمل يفطر وهو يحس الموضوع فيه شي
دخل مهَاب
مهَاب : السلام عليكم
ابو راشد : وعليكم السلام
ام راشد : هلا يمه وعليكم السلام
مهَاب : ابيكم بموضوع
ابو راشد : سم
ام راشد : قول وابشر
مهَاب : بغيت اعلن زواجي من هيام يبه ابيها تلبس الفستان الابيض مثلها مثل باقي البنات
ام راشد : تبشرون نسوي لكم زواج الكل يتكلم فيه من فخامته و جماله انت متى تبي بس وابشر
مهَاب ابتسم : بعد العيد ها وش قلت يبه
ابو راشد : اللي تبيه سوه
مهَاب : يعني موافقين
ام راشد ابتسمت : ذا من حقكم تسون عرس ماله داعي تأخذون راينا
ابو راشد : هيام موافقه
مهَاب : لا يبه هي ما تدري اصلا بسوي لها مفاجأة
ام راشد : طيب كيف بتتجهز
مهَاب ابتسم : انا بختار لها كل شي معليك
ابو راشد ابتسم وهو كان شاك ان مهَاب يحبها و الحين تطمن
((بيت الجود))
توهم يصحون على صوت منبه صدف
الجود بنعاس : كم الساعه
صدف تتثاوب : 7:00
اسَرار : نتجهز و نروح الاسطبل
هيام : قدام بس قبلها نبي نفطر ميته جوع
صدف : حتى انا احس اني ما كليت شي
الجود : خلاص تم اسَرار جيتي بسيارتك؟
اسَرار : ايوا يلا قومو نتجهز لان وربي جوعانه
هيام : البس ملابس الفورسيه علطول ولا البس لي اي لبس و هناك ابدل
اسَرار : الافضل تبدلي هناك
هيام : تمام
قامو يتجهزون اللي تلبس واللي تمشط شعرها واللي تحط ميكب واللي مشغوله تدور عبايتها المكان حوسه بأختصار
طلعت هيام من الحمام
هيام : بنات شوفو لبسي تمام
صدف : ايوا ايوا بعدي بدخل البس
اسَرار بصراخ : صدف انا بعدهاا قللت
صدف بصراخ : سبقتكك
اسَرار : يا كلبه طيب انا اوريك
الجود : بنات يلا كان اسَرار روحي الحمام الثاني بدلي هيام كان سوي وجهك و شعرك صدف اخلصي سنه تلبسين
هيام : وي جودي شوي شوي تونا بدري
الجود : الساعه شوي و حتجي 8:00 وانتو لسى ما خلصتو مدري متى حتخلصو
هيام ضحكت عليها : طيب ولا يهمك بناااات يلاااا سنه تتجهزون
صدف طلعت من الحمام انا خلصت
اسَرار : وانا بعد
هيام : يلا دقيقه بس بسوي وجهي و البس عبايتي و نقابي ويلا
الجود : تمام
تجهزو و خلصو طلعو من البيت
الجود : انا قدام
صدف : لا حبيبتي انا قدام
الجود : صدف انا ابي قدام
صدف : لا حياتي روحي ورا مع هيام
اسَرار : هيي انتو محد فيكم قدام تعالي هيامي انتي قدام
هيام ضحكت على وجيهم
صدف : اصلا عادي كنت ابي انرفزك
الجود : وانا كنت ابي اشوف وش بتقولين
صدف : الا نقابي تمام؟
الجود : ايوا مرا حلو
اسَرار : بتركبون ولا اروح واخليكم
الجود و صدف جرو يركبون السياره قبل تروح
هيام ميته ضحك عليهم دق عليها مهَاب و جات بترد سحبت الجوال منها اسَرار وحطت سبيكر
مهَاب : الو
هيام : هلا
مهَاب : هيامي متى بترجعين البيت البيت بدونك ولا شي
هيام بخجل : لسى حروح مع البنات افطر و بروح النادي و حرجع
مهَاب : اصبر يا قلبي اصبر صاحبتك بتطول بس خليها تجي بس و اعلمها كيف الاشتياق عند مهَاب
هيام انصدمت و قفلت بخجل من كلامه شافت نظرات البنات كيف
هيام بخجل : هي انتو لا تفهمون غلط
الجود : معليك معليك فاهمين وش يقصد
صدف : ايوا ارتاحي
اسَرار ميته ضحك عليهم
اسَرار : يلا حبايبي وصلنا انزلو
هيام : واخيرا وربي ميته جوع
الجود بخبث : اوف لازم مهَاب يسمع كلامها عشان يوريها الجوع كيف
صدف و اسَرار ضحكو و هيام وسعت عيونها بحيا
دخلو المطعم وجلسو يختارون وش يطلبون وفي نفس الوقت دخلو مهَاب و ريان و سياف و سهيل
سياف : وربي هذَام بيفوته الاكل ذا خل النوم ينفعه
مهَاب : وانت صادق بيفوته الاهبل ذا بس فالح بالنوم
هيام انصدمت ولفت و شافت مهَاب مع اخويا ولفت للبنات
هيام : بناتت مهَاب و اصحابو هنا بنفس المطعم
صدف شهقت : حتى اخوي ريان يممهه جلسو بالطاوله اللي جنبنا
هيام : احلفيي
صدف : والله 
اسَرار : جودي ارمي الطرحه على وجهك سريع
مهَاب كان جالس قريب من الكرسي حق هيام و سياف قريب من كرسي صدف
البنات يبون يبعدون الشبهات و جلسو يسون نفسهم يسولفون طبيعي وهم متوترين
مهَاب ابتسم لانو عرف هيام من عيونها المختلفه عنهم و صوتها وارسل لها وينك
هيام شهقت  : يمهه بنات مهَاب ارسل
اسَرار نست نفسها : وش يقول حبيب قلبك يقول
قاطعتها ضحكه الجود : هههههه اسَرار حبيبتي وش فيك عيب خصوصيه متزوجين
صدف : هيامي معليك منهم وش يقول
هيام : وينك
صدف : احس زوجك عنده فقدان ذاكره مو طبيعي قبل لا ندخل دق و سأل وينك و قلتيله والحين يسأل
اسَرار : بنات جوعانه متى يوصل الطلب
اما عند العيال منصدمين من ضحكهم العالي و طقطقتهم على خويتهم
مهَاب دق هيام و نقزت البنات استغربو
الجود عرفت وش السبب و ماتت ضحك
وشوي قعدت تكح بقوه تكح بدون توقف و البنات فزو لها اسَرار فزت و طاحت الطرحه من على وجها و نزلت طرحه الجود
هيام بخوف : صدف دوري البخاخ بسرعهه
صدف توترت : وينو وينو مو موجود بشنطتها
هيام : صدف دوري زين
صدف ماسكه دموعها : مالقيته والله
اسَرار : بنات البنت بتموت دورو زين
الجود بدا يضيق عليها التنفس وتستند على اسَرار 
صدف نزلت دموعها : ما جابته معاها شنطتها فاضيه
هيام ترجف و دموعها تنزل : جودي تكفين لا تغمضين عيونك فتحيها
العيال مستغربين منهم
البنات وقفو الجود و يمشون فيها معهم ل السياره سهيل قام
سهيل : بشيهل السياره عنكم
البنات عطوه الجود سهيل شالها لسيارتهم
اسَرار : ما بقدر اسوق يدي ترجف و خايف افقد توازني ويصير لنا حادث عادي تودينا
سهيل شاف سيارتهم و انها ما راح تكفيهم كلهم فقال : وحده منكم تنتظر بالمطعم السياره ماراح تكفيفكم
مهَاب مسك هيام : روح انا باخذ زوجتي و بنجي وراكم
سهيل هز براسه و ركب السياره و مشى
و مهَاب اخذ هيام و راح لسيارته و لحقهم
«المستشفى»
البنات جالسين مع الجود وهي مركب عليها الاكسجين و بيدها مغذي
مهَاب نادا هيام و راحت له
مهَاب : خذي جبنا لكم شاهي و تصبيره اكيد جوعانين افطرو
هيام شالتها و راحت ماراحت من اسَرار و صدف والا وهم ماخذين لهم شاهي و تصبيره و راحت تجلس و بيدها شاهي و تصبيره
الجود فتحت عيونها شافت البنات ياكلون
الجود بتعب : بنات
لفو عليها و شافوها منزله الاكسجين و تتكلم
هيام : جودي رجعي الاكسجين ماينفع تنزلينه
اسَرار : هلا يعيوني جوعانه تبين تأكلين
الجود ابتسمت : اسَرار شفيك صرتي زي ماما الله يرحمها
اسَرار : معليك مني الحين اكيد جوعانه
الجود : ايوا مرا جوعانه
هيام : الحين بروح اجيب لك شي تاكلينه
صدف : جودي رجعي الاكسجين يلا ماينفع
الجود رجعته
((الكفتريا))
نزلت هيام تطلب لجود اكل و الكفتريا كلها دكاتره عيال و عيال مب دكاتره و كانت انظارهم عليها واحد من الجالسين : يالبيه مزهه و بذات عيونها سحرتني
الثاني :خذيتها قبلك
مهَاب كان يفور دمه من الغيره على زوجته راح لها و حضنها و هو غيران عليها من نظرات العيال : هيامي وش فيك نزلتي تبون شي
هيام ابتسمت : جودي صحت و رحت اجيب لها شي تاكله جوعانه هي
مهَاب لاحظ نظرات صاحب الكفتريا عليها و فار دمه
مهَاب بغيره و عصبيه : نعم شعندك تطالع بزوجتي
صاحب الكفتيريا انحرج و سكت و عطاها طلبها هيام اخذته و طلعت فوق عند البنات والابتسامه شاقه وجها
البنات استغربو
اسَرار : وش السالفه الابتسامه شاقه وجهك
هيام : بنات مهَاب يغار عليا
صدف : احلفيي
هيام : والله حتى قبل شوي يوم رحت اطلب لجودي كانت نظرات كل اللي بكفتيريا علي و مهَاب غار و جا و حضني و قعد يسأل ليش نزلت و صاحب الكفتيريا نظراته علي و مهَاب قاله خير وش تبي تناظر زوجتي
البنات ضحكو عليه وعلى غيرته
دخل الدكتور
الدكتور : خلص المغذي تقدرون تطلعون
الجود : مافيه شي خطير صح
الدكتور : اي نعم بس لانك ما اخذتي جهاز التنفس معاك فعشان كذا انكتمتي
طلعو البنات  لسياره اسَرار و هيام قالت ل مهَاب انها بتروح معاهم الاسطبل يرجع البيت قالت كلامها راحت مع البنات و مشو متوجهين ل الاسطبل